Dagblaðið Vísir - DV - 16.02.2018, Blaðsíða 14

14 16. febrúar 2018fréttir
F
áum hefur dulist að inn-
brotahrina gengur nú yfir
suðvesturhluta landsins og
virðist sem einstök hverfi
séu tekin fyrir á ákveðnum tíma.
Lögreglan hefur til dæmis sagt
frá því að mörg innbrot hafi verið
framin í Garðabæ og Laugarnes-
hverfi í Reykjavík undanfarið og er
þá um skipulagða glæpastarfsemi
að ræða, hugsanlega með erlend-
ar tengingar. Að lenda í innbroti
er áfall sem snýst ekki eingöngu
um tap fjármuna heldur hefur fólk
lýst hversu mikil áhrif þetta hefur á
sálina. Öryggið hverfur í einu vet-
fangi. DV ræddi við fólk sem hef-
ur nýlega lent í slíkum aðstæðum.
Dóttirin kom fyrst heim: „Það
er einhver inni í húsinu“
Svava Björg Harðardóttir býr í ein-
býlishúsi í Hæðahverfi í Garðabæ
ásamt manni sínum og tveimur
dætrum. Þann 19. janúar var brot-
ist inn hjá þeim og lögreglan telur
að þrír menn hafi verið að verki.
Svava segir: „Yngsta dóttir mín
kom heim úr skólanum og hringdi
þá strax í mig í vinnuna í miklu
uppnámi. Það fyrsta sem hún sagði
var „Það er einhver inni í húsinu“
og var hræðilegt að heyra óttann
í rödd hennar.“ Sem betur fer voru
þjófarnir þá farnir. „Þeir hafa greini-
lega fylgt okkur eftir og séð hvenær
við förum til vinnu og skóla.“
Svava og maður hennar drifu
sig heim og hringdu á lögregluna.
Farið hafði verið inn um svefnher-
bergisglugga og tekin flest verð-
mæti í húsinu, skartgripir, spjald-
tölvur, peningar og fleira. Inni í
svefnherbergi var falið öryggis-
hólf, borað inn í steypuvegg. Þegar
fjölskyldan kom að lá hólfið opið
og tómt á gólfinu. „Ég veit ekki
hvernig í ósköpunum þeir hafa
farið að því að opna þetta. Þeir
höfðu greinilega réttu tækin og
kunnáttuna til þess.“
Fjölskyldan er með öryggiskerfi
frá Securitas en þennan dag hafði
gleymst að setja það í gang. „Merk-
in frá Securitas stoppuðu þá ekki
og þeir gátu ekki vitað að slökkt
væri á kerfinu. Ég er líka með hund
á heimilinu, engan varðhund
heldur lítinn kjölturakka sem var
ein taugahrúga eftir þetta.“
Svava segir innbrotið hafa svipt
fjölskylduna öryggistilfinningunni.
„Þetta er mikið áreiti á tilfinn-
ingalífið og maður verður lamað-
ur eftir þetta. Það eru börnin sem
hljóta mesta skaðann af þessu.
Yngsta dóttir mín hefur þurft að
sofa uppi í hjá mér eftir þetta og er
nýfarin að sofa aftur í sínu herbergi.
Það var líka búið að stela spjald-
tölvum dætra minna og snjallúr-
um.“ Svava veit að brotist hefur ver-
ið inn í að minnsta kosti 20 hús í
Garðabænum undanfarið. „Það
eru mörg börn sem eru hrædd og
vilja ekki lengur vera heima hjá sér.
Þeim finnst ekkert öryggi þar leng-
ur.“ Málið er óupplýst og Svava veit
ekki hvort um útlendinga eða Ís-
lendinga sé að ræða en ljóst er að
þetta er vel skipulögð starfsemi.
Hún segir lögregluna telja að um
erlenda aðila sé að ræða.
Tóku þjóðbúning og bílinn
tveimur dögum síðar
Brotist var inn á heimili Indriða
Ívarssonar og Kristjönu Steinþórs-
dóttur í Húsahverfinu í Grafarvogi
2. febrúar. Þau búa ein í einbýlis-
húsi og voru erlendis þegar inn-
brotið átti sér stað. Sonur þeirra
aðgætti með húsið kvöldið áður
en um hádegisbil fékk Indriði
hringingu frá Securitas um að ekki
næðist samband við kerfið í hús-
inu. Þá kom í ljós að innbrot hafði
verið framið um nóttina og var
lögreglu þá gert viðvart.
Indriði segir: „Þeir höfðu farið
inn í bílskúrinn og tekið kerfið úr
sambandi og síðan brotið rúðu og
farið inn í húsið. Þetta var greini-
lega mjög skipulagt og þeir hafa
vitað að við vorum í útlöndum.
Annaðhvort hafa þeir fylgst með
eða keypt upplýsingar um það.“
Indriði og Kristjana komust
ekki til landsins fyrr en 6. febrúar
og þau vita enn ekki nákvæmlega
hverju var stolið. „Hér var brotin
rúða, allt á rúi og stúi og búið að
hella úr öllum skúffum. Við vit-
um að þeir tóku skartgripi, raftæki
og dýran þjóðbúning. Þeir hafa
greinilega gott verðskyn.“
Hvaða tilfinningar vakna?
„Kristjana er alveg eyðilögð yfir
þessu en ég hef verið fljótari að
jafna mig. Maður finnur auðvitað
fyrir miklu öryggisleysi og er var
um sig. Sérstaklega af því að þeir
tóku alla lykla sem þeir fundu.“
Tveimur dögum eftir innbrot-
ið komu þjófarnir aftur og tóku
þá Ssangyong-bifreið hjónanna
sem þeir höfðu lyklana að. Sonur
þeirra fann hins vegar bílinn við
Iðufell í Breiðholti degi seinna.
Var ekki hægt að ná
þjófunum þá?
„Þeir voru þá hvergi
sjáanlegir og lögreglan
mat það svo að best
væri að taka bílinn. Það
voru engin verðmæti í
bílnum en hann var
illa farinn að innan.“
Indriði segist von-
svikinn yfir því hversu
auðvelt reyndist fyr-
ir þjófana að aftengja
öryggiskerfið og hann
er ekki vongóður um
að þýfið komi í leitirn-
ar. Mestu skiptir að fá
þjóðbúninginn aftur, því auk þess
að vera verðmætur hefur hann mik-
ið tilfinningalegt gildi.
Ekki mannskapur til að rannsaka
Inga Pála Eiríksdóttir býr á jarð-
hæð í blokkaríbúð í Ásbrú í
Reykjanesbæ ásamt tveimur son-
um sínum. Í byrjun desember á
síðasta ári var brotist inn á mann-
laust heimilið þegar þau skruppu
burt um kvöldmatar leytið. Inga
segir: „Ég fór út klukkan sex og
kom aftur heim klukkan níu.“ Þá
sá hún strax að brotist hafði ver-
ið inn. „Ég gleymi því aldrei hvað
ég var óörugg þegar ég gekk inn í
íbúðina, þá með yngsta drenginn
með mér. Ég var ekki viss um að
þjófurinn væri farinn og hringdi
strax á Neyðarlínuna og lögreglan
var mjög fljót á staðinn.“ Brotist
hafði verið inn í gegnum glugga í
svefnherbergi annars sonar henn-
ar og var glugginn ónýtur.
Hvað var tekið?
„Aðallega áfengi og tóbak á
meðan leikjatölvur, vasar og önn-
ur verðmæti voru ósnert. Til
dæmis hurfu flöskur af Amarula
og vodka en við hliðina á þeim var
dýrt koníak sem var látið í friði.
Þannig að þetta var ekki þjófur
með góðan smekk.“
Þó að Inga hafi verið ánægð
að sjá hversu snöggir lögreglu-
mennirnir voru á staðinn þá olli
rannsóknarferlið henni vonbrigð-
um. Bæði hafði lögreglan ekki
mannskap í að rannsaka málið og
þær upplýsingar sem hún veitti
skiluðu sér illa.
„Ég var nýbúin að pússa glugg-
ann sem brotist var inn um og ég
sagði lögreglunni að það gætu
ekki verið nein önnur fingraför á
honum en mín og þjófsins. Þeir
tóku samt ekki fingraför af glugg-
anum. Daginn eftir fann ég ham-
ar fyrir aftan íbúðina og lét lög-
regluna vita. Þá var mér sagt að
ekki væri nægur mannskapur til
að sinna þessu.“
Hafðir þú tekið eftir einhverju
grunsamlegu áður?
„Já, ákveðinn einstaklingur
hafði verið að sniglast hérna í
kring. Eftir þetta hef ég ekki séð
hann. Nágrannar höfðu einnig
samband og sögðu mér frá ferðum
hans. Ég lét lögregluna vita hvern
ég grunaði og hann var síðar yfir-
heyrður. Ég hef ekkert frétt meira.“
Nokkuð hefur verið um innbrot
í hverfinu líkt og í mörgum hverf-
um á suðvesturhorninu. Inga seg-
ist hafa grun um að í Reykjanesbæ
hafi bæði hælisleitendur og ung-
lingagengi staðið að innbrotum.
Hún telur að sá sem framdi verkn-
aðinn á hennar heimili gæti til-
heyrt einu unglingagengi. n
n Aftengdu öryggiskerfi n Þjóðbúningur tekinn n Öryggishólf brotið úr vegg
„Hræðilegt að heyra
óttann í rödd hennar“
Innbrotahrinan:
Kristinn Haukur Guðnason
kristinn@dv.is
„Þeir hafa greini-
lega fylgt okkur
eftir og séð hvenær við
förum til vinnu og skóla.
Kristjana Steinþórsdóttir Þjóðbún-
ingurinn hefur tilfinningalegt gildi.
Svava Björg Harðardóttir „Merkin frá Securitas stoppuðu þá ekki“
Inga Pála Eiríksdóttir
„Þá var mér sagt að ekki
væri nægur mannskapur til
að sinna þessu.“
Gluggi brotinn upp „Ég gleymi því aldrei hvað ég var óörugg þegar ég gekk inn í íbúðina, þá með yngsta drenginn með mér.“