Dagblaðið Vísir - DV - 16.02.2018, Blaðsíða 55

16. febrúar 2018 55
Ferðast til seinni
heimsstyrjaldarinnar
dögum síðar var sprengju varpað á
aðsetur hans við Downing-stræti 10.
Í kjölfarið fluttu þau hjónin,
Churchill og Clementine, í sér-
stakar vistarverur sem voru stand-
settar fyrir þau í byrginu og þar gat
Churchill haldið í sínar daglegu
venjur en eins og áhugamenn vita
var hann einstaklega vanafastur
þegar kom að matar- og hvíldar-
tímum og hvers konar venjum,
meðal annars reykingum. Til eru
frásagnir af því hvernig hann vílaði
ekki fyrir sér að fara úr kjallaranum
og upp á þak til að fylgjast með
sprengjuárásum Þjóðverja. Þar
settist hann stundum á skorstein
og púaði sína frægu vindla þannig
að reykurinn sogaðist niður í
kjallarann með tilheyrandi ónotum
fyrir þau sem þar voru.
Útklóraður stóll enda stressið mikið
Þegar Bandaríkjamenn gengu til
liðs við Breta var sérstöku símaher-
bergi, „Transatlantic Telephone
Room“, komið fyrir í byrginu svo
að Churchill gæti lagt á ráðin með
Bandaríkjaforseta. Hátækni þess
tíma var notuð svo að ómögulegt
væri að hlera þessi símtöl og sagan
segir að hvorugur foringinn hafi
viljað lyfta upp tóli fyrr en hinn var
kominn á línuna, – enda stór-
merkilegir karlar báðir tveir.
Stóll ráðherrans stendur enn
á sínum stað í fundarherbergi
varnarráðsins og á viðarörmunum
má sjá hversu mikið álag var á
Churchill; hægri armurinn er allur
útklóraður en sá vinstri er hol-
óttur eftir núning frá innsiglinu á
hringnum hans.
Svo mikil leynd hvíldi yfir því
sem fram fór í þessum herbergjum
að Margaret Calley, dulkóðunar-
sérfræðingur breska hersins, sagði
fjölskyldu sinni ekki orð um sína
aðkomu fyrr en þrjátíu árum eftir
að stríðinu lauk.
Thatcher klippti á borðann 1984
Þann 14. ágúst árið 1945, daginn
eftir að Japanir játuðu sig sigraða,
voru ljósin í byrginu slökkt í fyrsta
sinn í sex ár og þremur árum síðar
barst tilkynning frá þinginu um að
byrgið skyldi varðveitt í uppruna-
legri mynd og opið almenningi á
fyrirfram ákveðnum tímum.
Árið 1984 klippti þáverandi for-
sætisráðherra, Margaret Thatcher
á borðann þegar stríðsminjasafnið
var formlega opnað í þeirri mynd
sem það er í dag en árið 2005 var
opnað safn um líf og störf Win-
stons Churchill í hliðarrými en
hann lést þann 24. janúar árið
1965, níræður að aldri.
Í safninu, sem hefur hlotið ótal
verðlaun, má meðal annars skoða mál-
verk og teikningar eftir hann og ýmsa
persónulega muni sem hann átti, til
dæmis kampavínsflöskur, öskubakka,
fatnað og bréf og ljósmyndir sem fóru
á milli þeirra hjóna.
Churchill-safnið
Miði fyrir einn fullorðinn á
Churchill-safnið kostar tæplega
3.000 krónur og gildir á bæði söfn-
in en er ódýrari ef hann er keyptur
fyrirfram á netinu.
Veitingahús safnanna er opið til
klukkan 16.45.
Leiðsögn í heyrnartólum fylgir að-
göngumiðanum en söfnin eru opin
frá 9.30 til 6.00 alla daga.
HEIMILISFANG:
Churchill War Rooms
Clive Steps
King Charles Street
London
SW1A 2AQ
Vefsíða: www.iwm.org.uk
FríStuNdAMúrArI Churchill átti sér mörg áhugamál. Meðal annars var hann
ágætur málari, mikill dýravinur og fínasta skáld. Skemmtilegasta áhugamálið hans
var þó líklegast að múra veggi sem honum þótti bæði róandi og gefandi. Sagan seg-
ir að hann hafi ekki verið neitt sérstaklega góður í þessu og þegar hann lagði frá sér
spaðann og fór inn að drekka kampavínið sitt laumuðust fagmenn til að laga verkið.
Hér SVAF HANN Vakinn og sofinn yfir vörninni gegn Hitler. Hér lagðist hann til hvílu. Mynd IWM
Á meðan þú ert í London skaltu líka …
HEIMSækjA SAAtcHI
GALLEríIð VIð SLoAN SquArE.
Samtímalist í sinni fegurstu og
skemmtilegustu mynd. Einstaklega fal-
legt hús sem gaman er að heimsækja.
Til 6. mars verður hægt að skoða sam-
sýningu nokkurra listamanna en sýn-
ingin ber yfirskriftina ICONOCLASTS:
Art out of the mainstream og til 25.
mars stendur sýningin SALOON 004
en þar eru sýnd málverk sem Philip
Pearlstein málaði frá 1990 til 2017.
Heimilisfang: Duke of York's HQ King's Rd, Chelsea London SW3 4RY
Vefsíða: www.saatchigallery.com
PANtA þér borð á INdVErSkA VEItINGAStAðNuM GyMkHANA
… sem hefur fengið rífandi dóma og fimm stjörnur hjá flestum veitingahúsa-
gagnýnendum. Staðurinn er byggður á arfleið Breta í Indlandi en Gymkhana
er angló-indverskt orðasamband sem var notað yfir herraklúbba á Indlandi hér
áður. Mikil áhersla er lögð á góða tandoori-rétti á staðnum en varastu að biðja
um eitthvað mjög sterkt því þegar Indverjar segja að matur sé sterkur þá er
hann líklegast að fara að brenna úr þér iðrin.
Sími: +44 20 3011 5900
Vefsíða: gymkhanalondon.com
borðapantanir: opentable.co.uk, bookatable.co.uk
SMAkkA tyrk-
NESkA MEzE-réttI
á tyrkNESkA
StAðNuM SoFrA í
MAyFAIr.
Mikil áhersla er lögð
á fersk hráefni og
fjölbreytileika á þessum
frábæra veitingastað sem
leggur sérstaklega upp
úr því að framreiða þjóð-
lega rétti frá norðurhéruð-
um Tyrklands.
Heimilisfang: 18 Shepherd St, Mayfair London W1J 7JG
borðapantanir: opentable.co.uk
Sími: +44 20 7493 3320
Fá þér MorGuNMAt EðA bröNS á coLbErt.
Á Colbert koma betri borgarar London í morgunmat til að fletta blöðum og sötra
kaffi. Um helgar fyllist hann af fólki í bröns og því um að gera að panta sér
borð ef þú vilt ekki þurfa að bíða. Hönnunin er í skemmtilega gamaldags frönsk-
um stíl en rýmið er samansett af þremur herbergjum og anddyri með flottum bar.
Heimilisfang: 50–52 Sloane Square Chelsea London SW1W 8AX
Vefsíða: colbertchelsea.com
borðapantanir: opentable.co.uk
Sími: +44 20 7730 2804
ALLt í uPPruNALEGrI MyNd Lítið sem ekkert hefur verið hróflað við byrginu frá
því stríðinu lauk árið 1945.