Dagblaðið Vísir - DV - 16.02.2018, Blaðsíða 26

26 sport 16. febrúar 2018
Hjátrú og trú
Hjátrú og trú tengist mikið inn í íþróttir
og í Bandaríkjunum eru mörg dæmi
þess að íþróttafólk telji að trú sín á
guð hjálpi mikið til. Sú hefð er ekki eins
rík á okkar ástkæra Íslandi en nokkrir
íþróttamenn trúa þó á guð en kannski
ekki á hjálp hans í keppni. Hjátrú er
einnig stór hluti af íþróttum og margir
sem nýta sér það og telja það hjálpa
sér í leik og starfi. DV fékk nokkra af
okkur fremstu íþróttamönnum til að
svara spurningum um hjátrú og trú.
hoddi@433.is
n Er okkar fremsta íþróttafólk haldið hjátrú? n Hjálpar guð þeim í keppni?
Arnar Pétursson
Íslandsmeistari í hlaupum
Ertu hjátrúarfullur?
Nei. Var um tímabil alltaf í sömu sokkunum
þegar ég var yngri en svo urðu þeir ónýtir
og það kom ekkert í staðinn.
Ertu trúaður og ef svo er hjálpar
trúin þér í íþróttum?
Ég er alls ekki trúaður og væri mjög mikið
til í að Ísland yrði fyrsta almennilega trú-
lausa land í heiminum. Að sama skapi væri
ég virkilega til í að vera trúaður því ég held
maður geti sótt ótrúlegan innri styrk með
því að trúa á eitthvað stærra en maður
sjálfur, því miður er bara ekkert sem hefur
látið mig halda að Guð sé til.
júlían j. K. jóhannsson
Kraftlyftingamaður
Ertu hjátrúarfullur?
Ég er ekki haldinn sérstakri hjátrú fyrir mót hjá mér en auðvitað
ýmsar reglur sem ég set mér og sá reglurammi þrengist þegar
nær dregur móti. En ég hef reynt að þjálfa mig í því að æfa
og keppa við fjölbreyttar aðstæður svo ég sé undir sem flest
búinn. Til að bæta aðeins við þá hefur það gerst tvisvar að ég
hef borðað hangikjöt með uppstúf o.s.frv. kvöldið fyrir mót og á
þeim mótum hefur mér gengið mjög vel en það hefur ekki orðið
að neinni hjátrú hjá mér enn.
Ertu trúaður og ef svo er hjálpar trúin þér í íþróttum?
Ég get nú ekki sagt að ég sé trúaður en ég hef séð marga trúaða
keppa í minni íþrótt og stundum er engu líkara en það hjálpi
þeim. Kannski að það sé málið.
Valdís Þóra jónsdóttir
Atvinnukylfingur
Ertu hjátrúarfull?
Ég er ekki beint haldin hjátrú þannig
séð en er með rútínu sem er alltaf sú
sama áður en ég fer út á völl.
Ertu trúuð og ef svo er hjálpar
trúin þér í íþróttum?
Ég trúi ekki beint á guð en ég trúi á að
það sé eitthvað annað sem tekur á móti
manni þegar maður deyr.
Andri rúnar Bjarnason
Landsliðsmaður í knattspyrnu
Ertu hjátrúarfullur?
Ég er ekki haldinn hjátrú eða neinu slíku.
Ertu trúaður og ef svo er hjálpar
trúin þér í íþróttum?
Ég trúi ekki á guð. Ég gerði það þegar ég
var yngri en eftir því sem vísindin urðu
öflugri og við fengum fleiri svör því minni
varð trú mín.
glódís Perla
Viggósdóttir
Landsliðskona í knattspyrnu
Ertu hjátrúarfull?
Ég er ekki haldin hjátrú fyrir
æfingar né leiki. Var hins vegar
þegar ég var yngri með hjátrú um
að ég þyrfti að fara í hægri skóinn
á undan vinstri og eitthvað svona
týpískt fyrir leiki.
Ertu trúuð og ef svo er
hjálpar trúin þér í íþróttum?
Ég veit í raun ekki alveg hverju ég
trúi og er því ekki viss um hvort ég
trúi á guð eða ekki. Ég trúi að það
sé eitthvað æðra okkur en trúi
ekki endilega að það hafi einhvern
mátt eða áhrif á okkar veruleika
heldur sé frekar einhvers konar ró
sem við getum leitað til og sé eins
konar ljós í myrkri.