Dagblaðið Vísir - DV - 16.02.2018, Blaðsíða 70

70 fólk 16. febrúar 2018
Hverjum líkist þú mest? Við litla systir
mín erum mjög líkar. Gamlar hjásvæfur hafa
ruglast á okkur á barnum. Vandræðalegt.
Samt nokkuð gott fyrir mig, þar em hún er
níu árum yngri en ég.
Hvað finnst þér að eigi að kenna í skólum
sem er ekki kennt þar núna? Að smíða
skemmtiatriði. Fólk lærir svo mikið um sjálft
sig í svoleiðis ferli.
Ef þú mættir velja eitt lag sem yrði alltaf
spilað um leið og þú gengir inn í herbergi
allt þitt líf, hvaða lag myndirðu velja?
Bolero eftir Ravel.
Ef þú þyrftir að dansa til að bjarga lífinu,
undir hvaða lagi myndirðu vilja dansa? Á
hverjum degi dansa ég til að bjarga lífi mínu
við Time Warp. Smá „inside info“: Þetta er
örlítið meira en bara eitt hopp út á hlið.
Hvaða bíómynd hefurðu séð oftast? The
Court Jester með Danny Kaye, því það er
einfaldlega besta mynd í heimi.
Hvað var í tísku þegar þú varst yngri en
er það ekki lengur? Sikk sakk-skipting.
Sakna hennar, þetta var alveg ídeal fyrir
hárið mitt.
Yfir hverju getur þú alltaf hlegið? Börn-
um í grímubúningum. Þessi vika er sem sagt
uppáhaldsvika ársins hjá mér.
Hvert er versta hrós sem þú hefur
fengið? Að ég sé hugrökk fyrir að sýna á
mér líkamann, hvort sem ég er að dansa
magadans eða sýna burlesque. Hann er
ekki svo ógeðslegur eða óæskilegur að það
þurfi hugrekki til. Segðu frekar að ég sé góð
í því sem ég geri frekar en að væna mig um
hugrekki.
Hverju laugstu síðast? Að ég hefði orðið
bensínlaus við Valsheimilið á leiðinni í
vinnuna til að reyna að fá manninn minn til
að fá samviskubit yfir því að hafa ekki keypt
bensín. Hann sá auðvitað í gegnum það og
hló að mér í nokkra daga.
Um hvað geta allir í heiminum verið
sammála? Að pítsa er góð.
Hvaða einstakling finnst þér þú þekkja,
þótt þú hafir aldrei hitt hann? Ungfrú
Svínku því hún er ég og ég er hún.
Hvaða hljóð fer mest í taugarnar á þér?
Þegar fólk er að nota naglaþjöl. Líður eins og
það sé verið að þjala niður á mér tennurnar.
Hver er mest kynæsandi teiknimynda-
persónan? Múfasa. Ábyrgur, hlýr, góður
faðir, valdamikill og með góðan makka.
Hvað er löglegt í dag en verður það
líklega ekki eftir 25 ár? Að vera asnalegur
og leiðinlegur.
Hvert er þitt stærsta líkamlega afrek í
lífinu? Að hafa komist í danshópinn í Rocky
Horror.
Hvaða kvikmynd þætti þér helst við hæfi
að breyta í söngleik? Eilífðardrykkurinn
(Death Becomes Her).
Ef þú yrðir handtekin án skýringa, hvað
myndu vinir þínir og fjölskylda halda að
þú hafir gert af þér? Kýlt karókígest sem
henti hljóðnemanum í gólfið og eyðilagði
hann.
Hvaða teiknimyndapersónu myndirðu
vilja eiga sem vin? Línu Langsokk, en það
er eiginlega það sama að eiga Sögu Garðars
að vinkonu.
Hvað ættu allir að prófa að minnsta
kosti einu sinni í lífinu? Mmmm. Pítsa.
Mjö godd.
Nú gengur mörgæs með kúrekahatt inn
um dyrnar hjá þér. Hvað segir hún og
af hverju er hún þarna? „Heyrðu, ég tók
bara flæbössinn.“ Hún er að koma til að
koma fram með Reykjavík Kabarett. Er með
línudans- og djögglatriði.
Hvað er framundan um helgina? Föstudag
er kósítími með Rocky Horror-fólkinu þar sem
mér skilst að Páll Óskar ætli að sýna gamlar B-
myndir og alls kyns reffa sem við erum að nota í
uppsetningunni. Ég er svo að skemmta á árshá-
tíð ÍSAM á laugardagskvöld og fer svo beinustu
leið að DJ-a á Hverfisgötu 12 og setja landsins
bestu kokkteila í andlitið á mér. Á sunnudaginn
ætla ég að hlæja að manninum mínum.
„Gamlar hjásvæfur hafa ruglast á okkur á barnum“
Veislustjórinn, magadansmærin og skemmtikrafturinn Margrét Erla
Maack hefur í nægu að snúast þessa dagana, því auk þess að stjórna
veislum, kenna og sýna dans, æfir hún nær daglega ásamt góðum hópi
fyrir Rocky Horror sem frumsýnt verður 16. mars í Borgarleikhúsinu.
Hún gaf sér þó tíma til að setjast niður og sýna lesendum DV á sér hina
hliðina og svara nokkrum undarlegum spurningum.
Lítt þekkt ættartengsl
Andstæðingar
og frændfólk
Í vikunni var tilkynnt, með
pompi og prakt, að Vigdís
Hauksdóttir yrði borgar­
stjóraefni Miðflokksins í
komandi
sveitarstjórnar­
kosningum.
Fréttunum
var misjafn­
lega tekið, eins
og von var, enda er engin logn­
molla í kringum Vigdísi. Hún
hefur ekki beint lagt það í vana
sinn að standa í vinahjali við
pólitíska andstæðinga sína. Einn
slíkur pólitískur andstæðingur
er náfrændi Vigdísar. Það er
Vilhjálmur Þorsteinsson, fjár­
festir og fyrrverandi gjaldkeri
Samfylkingarinnar. Vilhjálmur
sagði af sér sem gjaldkeri í kjöl­
far fréttaflutnings í kringum
Panama­skjölin í mars 2016 en
þá kom í ljós að hann átti eign­
ir í aflandsfélögum. Hann er þó
enn áhrifamaður innan flokks­
ins og mun vafalaust láta til sín
taka í borgarstjórnarkosningun­
um sem framundan eru.
Faðir Vilhjálms
er Þorsteinn Vil­
hjálmsson, pró­
fessor emeritus
við HÍ. Þorsteins,
Kristín María
Gísladóttir, og
faðir Vigdísar,
Haukur Gísla­
son, voru
systkin.
Frikki og Andrea
Athafnamaðurinn Friðrik Weisshapp-
el og fjölmiðlakonan Andrea Róberts-
dóttir voru eitt heitasta par landsins
á tíunda áratug síðustu aldar og
fastagestir á síðum dagblaða. Friðrik
hefur gert það gott sem veitingamað-
ur, bæði hérlendis sem og í Danmörku,
og unnið marga sigra. Þau leiðinlegu
tíðindi bárust hins vegar í vikunni að
Friðrik hygðist loka Laundromat Café
í miðbæ Reykjavíkur því ekki hefði
náðst samkomulag um áfram-
haldandi samstarf við leyfishafa.
Tíðindin af Andreu voru öllu gleðilegri
en hún var ráðin framkvæmdastjóri
Kaffitárs á dögunum.
hin hLiðin
Stórfenglegt
ævintýri
The Shape of Water fjallar um
einmanaleikann og tilfinn­
inguna að vera öðruvísi, óhefð­
bundna vináttu og ást. Hún er
fallegur og hugljúfur óður til
ástarinnar og gullfalleg fyrir
augu og eyru. Mynd sem spilar
á tilfinningarnar og fær mann
til að trúa að einhvers stað­
ar sé einhver fyrir hvert okkar,
hversu sérstök sem við erum.
- RG – Sjáðu meira á dv.is
Þau
voru
einu
sinni
par
G
eir Konráð Theódórsson,
leikari og uppfinningamað­
ur, stefnir á að opna upp­
lifunarsvæði í þjóðlegum
stíl í Borgarnesi, sem mun nefn­
ast „Under the Turf“. Þar getur fólk
upplifað þjóðlega menningu í torf­
bæ án þess að hlutirnir séu tekn­
ir of alvarlega. „Það verður enginn
sagnfræðingur á svæðinu til að
segja til um hvernig allt var í raun
og veru. Þarna verða þursar, tröll
og álfar og fleira í þeim stíl. Fólk fær
að sitja við bál og horfa á grísling
heilsteikjast á meðan það drekkur
úr horni og hlustar á þjóðsögu.“
Geir hefur hins vegar tekið eft­
ir því að margir kunna illa við
bragðið af þjóðlegum íslenskum
mat. Sér í lagi ungmenni sem
finnst pína að borða súrmat, svið
og fleira í þeim dúr og vilja held­
ur pítsur eða hamborgara.
„Ég held að það séu
margir í þeim sporum
að þora varla að fara á
þorrablót vegna hætt­
unnar á því að æla og
verða sér til skammar
innan um allt gamla
fólkið sem dæmir allt.“
Ber sem gera súrt sætt
Þá mundi hann eftir mynd­
bandi um ber sem áttu að geta
breytt súru bragði yfir í sætt og
pantaði töflu­extrakt af þeim á
Amazon. Berin eru kölluð krafta­
verkaber (Synsepalum dilcificum)
og eru upprunnin í Vestur­Afríku.
Efni úr berjunum festist við bragð­
laukana og breytir bragðskyni
fólks, úr súru eða beisku yfir í sætt.
Geir prófaði þetta með
félögum sínum í hlað­
varpinu Gráa svæð­
ið og allir voru á
einu máli, þetta
snarvirkar.
„Taflan þarf að
leysast upp í
munninum í
fjórar eða fimm
mínútur og virkn­
in helst í hálftíma til
klukkutíma. Þá verður
bragðskynið alveg á haus.“
Eftir að hafa borðað töflurnar
smakkaðist súrmaturinn eins og
sætt kjöt, hamborgarhryggur eða
eitthvað í þeim dúr. „Allt þetta
súra bragð hverfur og í staðinn
kemur vægt, sætt bragð, næstum
því eins og einhver eftirréttur.“
Geir varar hins vegar við því að
borða eitthvað sem fyrir er sætt.
„Þá verður þetta eins og að hafa
munninn fullan af sírópi.“
Sjálfur segist Geir borða
súrmat og annað sem sett er
fyrir framan hann. En hann telur
að ef fólk fréttir af þessum berj­
um geti margir farið óhræddir á
þorrablótin. n
„Bragðskynið
fer alveg á haus“
n Ber sem gera súrt sætt n Þorramaturinn verður sælgæti
Kristinn Haukur Guðnason
kristinn@dv.is
Samúel Halldórsson og Geir
Konráð Theódórsson Segja berin
geta bjargað þorrablótinu.
„Fólk fær að sitja
við bál og horfa
á grísling heilsteikjast á
meðan það drekkur úr
horni og hlustar á þjóð-
sögu.