Dagblaðið Vísir - DV - 28.03.2018, Page 30

30 umræða
Sandkorn
28. mars 2018
Spurning vikunnar
DV áskilur sér rétt til að birta aðsent efni blaðsins á stafrænu
formi og í gagnabönkum án endurgjalds. Öll viðtöl blaðsins eru
hljóðrituð. Notkun á efni blaðsins er óheimil án samþykkis.
Aðalnúmer: 512 7000
Auglýsingar: 512 7050
Ritstjórn: 512 7010
Heimilisfang
Kringlan 4-12, 4. hæð
103 Reykjavík
Útgáfufélag: Frjáls fjölmiðlun ehf. Stjórnarformaður: Sigurður G. Guðjónsson
Framkvæmdastjóri: Karl Garðarsson Aðalritstjóri og ábyrgðarmaður: Kristjón Kormákur Guðjónsson
Aðstoðarritstjóri: Einar Þór Sigurðsson Prentun: Landsprent Dreifing: Árvakur
fréttaskot
512 7070
abending@dv.is
Af hverju komast menn upp með þetta?
É
g fer ekki ein að ganga úti á
kvöldin,“ segir Svanhildur
Sigurgeirsdóttir í viðtali við
DV. Svanhildur stígur fram
og segir frá þeirri óþægilegu lífs­
reynslu að hafa fyrrverandi maka
á hælum sér, nánast andandi ofan
í hálsmálið. Hún þorir ekki að fara
ein út á kvöldin, er alltaf vör um sig
og líður eins og hún sé í fangelsi.
Íslenskir eltihrellar hafa verið
nokkuð til umræðu í íslenskum
fjölmiðlum undanfarin ár. Yfirleitt
eru það konur sem eru fórnar­
lömb eltihrella, sem oftar en ekki
eru fyrrverandi makar. Eltihrellir­
inn fylgist með manneskjunni,
eltir hana eða hefur samband við
hana í tíma og ótíma – hvenær
sem er sólarhrings. Þetta er ein
tegund ofbeldis og í raun má færa
rök fyrir því að um mjög alvarlegt
ofbeldi sé að ræða. Fórnarlamb­
ið veit aldrei hverju það á von á,
upplifir óöryggi og kvíða og það
svo vikum, jafnvel árum, skiptir.
Þar með er tilganginum náð hjá
eltihrellinum sem leggur sig fram
um að gera líf viðkomandi allt að
því óbærilegt.
Í umfjöllun DV er rætt við Mar­
gréti Valdimarsdóttur, sem er nú
doktorsnámi í afbrotafræði í New
York. Margrét segir að gerendur
þurfi að gera sér grein fyrir því að
um er að ræða tegund af ofbeldi
sem getur haft afdrifaríkar af­
leiðingar í för með sér fyrir brota­
þola. Hún hvetur þá sem hafa til­
hneigingu til að beita ofbeldi, í
hvaða mynd sem er, til að leita sér
aðstoðar.
Líklega er ekki til sá einstakling­
ur sem telur það eftirsóknarvert að
feta braut ofbeldis og glæpa. Ger­
endur í ofbeldismálum, eltihrell­
ar þar á meðal, þurfa ekki endilega
að vera illa innrættir einstaklingar
– þeir eru veikir og þurfa á hjálp
að halda. Svo einfalt er það. Það
sem þeir þurfa að gera er að viður­
kenna vandann og leita sér aðstoð­
ar. Margrét bendir á að hugræn at­
ferlismeðferð hjá sálfræðingi hafi
gefið góða raun og þá til að draga
úr eða koma í veg fyrir áfram­
haldandi ofbeldishegðun.
Réttarkerfið þarf að taka tillit til
þeirra sem vilja leita sér aðstoð­
ar en að sama skapi taka harð­
ar á þeim sem brjóta ítrekað af
sér. Svanhildur er ekki fyrsta kon­
an sem sakar fyrrverandi maka
sinn, Magna Línberg, um ofsókn­
ir. Samt getur hann nálgast Svan­
hildi úti í búð, flutt í sömu götu og
hún og setið í bíl sínum fyrir utan
heimili hennar. Hann getur eig­
inlega gert það sem honum sýn­
ist þegar honum sýnist. Það er
alveg ljóst að það er víða pottur
brotinn í íslensku réttarkerfi hvað
þetta varðar; hvernig stendur á
því að menn, oftar en ekki sömu
mennirnir, komast upp með að
leggja líf annars fólks í rúst með
þessum hætti? n
Leiðari
Einar Þór Sigurðsson
einar@dv.is
Ungmenni á einskis-
mannslandi
Umræðan um kosningarétt Ís­
lendinga á aldrinum 16 til 18
ára í sveitarstjórnarkosningum
er komin í hinar hefðbundnu
skotgrafir. Sjálfstæðisflokk­
ur, Framsókn og Miðflokkur
eru á móti því að ungmenni
fái að hafa áhrif á sitt sveitar­
félag því samkvæmt skoðana­
könnunum er ungt fólk ólík­
legt til að kjósa þessa flokka. Af
sömu ástæðu eru Vinstri græn
og Píratar mjög hrifnir af því að
lækka kosningaaldurinn. Þing­
mennirnir sem sjá enga ástæðu
til að skoða mál ítarlega telja nú
að leggjast þurfi yfir þetta mál
og upp er komin skyndileg þörf
fyrir að miða allar aldurstak­
markanir við sjálfræðisaldur. Á
meðan eru þeir sem boða öguð
vinnubrögð tilbúnir að drífa
málið í gegn. Hvernig væri að
líta upp úr skotgröfunum og
spyrja ungmennin á einskis­
mannslandinu hvort þau séu
tilbúin að kjósa í vor?
Pútín grætur Gulla
Vafasamar heimildir herma
að hávær grátur hafi heyrst í
Kreml síðla kvölds í vikunni.
Þar mun Vladimír Pútín Rúss­
landsforseti hafi grátið sig í
svefn yfir þeim fregnum að
Guðlaugur Þór Þórðarson, utan­
ríkisráðherra Íslands, myndi
ekki mæta á HM í knattspyrnu
karla í sumar. Hefur sniðganga
Guðlaugs Þórs fengið Pútín
til að hugsa sig vandlega um
hvort það sé yfirleitt sniðugt að
byrla fólki á börum á Englandi
taugaeitur. Sérstaklega ef það
veldur því að Pútín fær ekki að
fara á völlinn með Gulla vini
sínum. Þess má geta að sam­
bærilegur grátur heyrðist í
Foldahverfi Reykjavíkur aðfara­
nótt þriðjudags.
T
illagan er ótæk og illa
ígrunduð. Ef slík aldurs­
skilgreining ætti sér stað
þyrfti einnig að laga öll lög
í landinu til samræmis, eins og
útlendingalög, ýmis lagaákvæði í
heilbrigðis­ og tryggingamálum.
Þessi gjörningur er því arfavitlaus.
Þá skal nefna það að ungmenni
undir 18 ára aldri eru upp til hópa
ekki nógu þroskuð til að gera sér
grein fyrir þeirri ábyrgð sem þátt­
taka í kosningum til Alþingis og
sveitar­
stjórna
hefur.
L
ækkun kosningaaldurs er
skref í átt til betra lýðræðis.
Öll eigum við að geta haft
áhrif á ákvarðanir sem
okkur varða.
Með þróuninni þar sem þjóðin
hefur verið að eldast hefur hall­
að á að unga fólkið hefði áhrif til
jafns við það eldra sem endur­
speglast í versnandi lífsgæðum
ungs fólks miðað við aðra hópa.
Þessi breyting réttir af þann
lýðræðishalla. Einnig er gott að
virkja lýðræðisborgar­
ann snemma svo að virk
þátttaka í lýðræðinu
upplifist sem eðlilegur
hluti af tilverunni.
Dóra Björt Guðjónsdóttir, oddviti Pírata í Reykjavík Stjórn Íslensku þjóðfylkingarinnar, Guðmundur Þorleifsson, Helgi
Helgason og Jón Valur Jensson
Með og á Móti Lækkun kosningAALdurs
með á móti
Er skák íþrótt?
„Já. Maður þarf að nota höfuðið“
Dröfn Björgvinsdóttir
„Já, það er hugaríþrótt“
Sigfús gunnarsson
„Já, hugarleikfimi“
Saga Hilma Sverrisdóttir
„Ég myndi segja að skák væri íþrótt, hugaríþrótt“
Hlöðver Steingrímsson