Dagblaðið Vísir - DV - 27.04.2018, Blaðsíða 12

12 27. apríl 2018fréttir
É
g er vön að það sé komið illa
fram við mig út af pabba. Ég
er vön að vera dæmd fyrir
það,“ segir Sara Lind Ann-
þórsdóttir en hún hefur lagt fram
tilkynningu til lögreglunnar á höf-
uðborgarsvæðinu vegna frelsis-
sviptingar sem hún telur sig hafa
sætt af hálfu embættisins síðast-
liðinn sunnudag. Hún segir farir
sínar ekki sléttar af samskiptum
hennar við lögregluna og segir
starfsmann embættisins hafa
komið fram við hana af miklum
dónaskap og yfirgangi.
Sara Lind er dóttir Annþórs
Kristjáns Karlssonar sem hefur
ósjaldan verið á milli tannanna á
fólki síðastliðin ár vegna ofbeldis-
og fíkniefnaglæpa og hefur hann
meðal annars fengið viðurnefnið
„Handrukkari Íslands.“ Hún hef-
ur áður stigið fram opinberlega,
meðal annars í viðtali við DV, og
lýst grófum aðdróttunum sem
hún hefur setið undir fyrir að vera
dóttir föður síns.
„Ég er bæði að gjalda fyrir það
sem hann hefur gert og líka það
sem er ekki víst að hann hafi gert.
Fólk má hafa í huga að hver og
einn er saklaus uns sekt sannast,“
sagði Sara Lind í samtali við DV
árið 2016. Hún sagðist vera orðin
nánast ónæm fyrir kjaftasögum
sem dyndu á henni nánast dag-
lega, Ókunnugir kölluðu á eftir
henni niðri í bæ og sendu henni
viðbjóðsleg skilaboð á Facebook.
Á öðrum stað lýsti Sara því
að hún hefði fengið að heyra
ótrúlegustu sögur, sumar væru
svo lygilegar að það væri nán-
ast fyndið. Hún væri þekkt sem
„Annþórsdóttir.“ Þá nefndi hún
sem dæmi að þegar starfsfólk hjá
til að mynda bönkum og Félags-
málastofnun hefði komist að því
hvers dóttir hún er þá hefði allt
viðmót þeirra breyst um leið.
„Þegar fólk er farið að mynda
sér skoðanir á mér eingöngu út
frá því að ég sé Annþórsdóttir þá
finnst mér það ekki í lagi. Fólk ger-
ir alltaf ráð fyrir að af því að ég er
Annþórsdóttir þá sé ég algjör sori.“
Þá sagði hún sögurnar hafa
orðið enn fleiri og svæsnari síð-
ast þegar pabbi hennar var hand-
tekinn. „Ég hef heyrt sögur utan
úr bæ um að ég hafi verið útúr-
dópuð, að fólk sé hrætt við mig af
því að ég sé alltaf að hóta öllum
og berja alla. Fólk hefur hringt í
pabba og logið að ég sé að reykja
gras. Einu sinni kom ég til Grinda-
víkur um sjómannhelgi og það
var gerð fíkniefnaleit í bílnum
mínum út af einhverri nafnlausri
ábendingu sem auðvitað var bara
lygi. Sömu helgi var ég við bíla-
lúgu að fá mér að borða þegar
fullorðin kona reif mig á hárinu
út um gluggann á bílnum mínum.
Ég hef líka heyrt að ég sé að keyra
skósveina pabba míns um allan
bæ með fíkniefni, hvað svo sem
það þýðir.“
„Þú ert ekki að fara neitt“
Í samtali við DV í dag segir Sara að
atvikið á sunnudag sé ekki í fyrsta
skiptið sem lögreglan sýni henni
niðrandi framkomu og yfirgang
og kveðst óhjákvæmilega tengja
það við þá staðreynd að hún sé
Annþórsdóttir, þó svo að hún geti
ekki fullyrt slíkt.
Sara kveðst hafa verið að keyra
ásamt vinkonu sinni á Sogaveg-
inum síðdegis á sunnudag þegar
lögreglan hafði afskipti af henni.
„Ég sá að lögreglan var beint fyrir
aftan bílinn minn, ég beygði inn í
Háagerði og lögreglan elti mig
þangað, inn á pínulítinn malar-
veg sem liggur upp að húsi vin-
konu minnar.“
Sara segir lögreglumann því næst
hafa stigið út úr bifreiðinni og hún
hafi þá skrúfað niður bílrúðuna.
Lögregluþjóninn hafi beðið hana
um ökuskírteini en þar sem Sara var
ekki með það á sér spurði hún hvort
vegabréfið myndi duga. Lögreglu-
maðurinn hefði sagt að svo væri.
„Vegabréfið var í aftursætinu
þannig að ég opnaði dyrnar til að
geta farið aftur í og sótt það en þá
bombar hann í hurðina og held-
ur henni og segir: „Þú ert ekki að
fara neitt.“ Þegar ég sagði honum
n Sara Lind kærir lögregluna fyrir frelsissviptingu n Segir viðmót lögreglu breytast þegar vitað er hverra manna hún er
„tengi þetta að sjálfsögðu við pabba“
Auður Ösp Guðmundsdóttir
audur@dv.is
„Fólk gerir alltaf ráð fyrir að af
því að ég er Annþórsdóttir þá sé
ég algjör sori
Ekki sátt
Sara Lind hefur
sent inn kvörtun til
lögreglunnar.