Dagblaðið Vísir - DV - 27.04.2018, Blaðsíða 56

56 27. apríl 2018fréttir - eyjan
Orðið á
götunni
Bæjarstjóra-
draumur
Orðið á götunni er að Páll Magn-
ússon, þingmaður Sjálfstæðis-
flokksins, sé eins konar guðfaðir
hins nýja klofningsframboðs
Sjálfstæðisflokksins, Fyrir
Heimaey, sem leitt er af Írisi Ró-
bertsdóttur og mælist með um 32
prósenta fylgi um þessar mundir,
en þau Íris og Páll þekkjast vel og
voru saman í stjórn ÍBV. Páll hefur
ekki viljað lýsa yfir stuðningi við
lista Sjálfstæðisflokksins, og er
staða hans innan flokksins því
sögð veik.
Páll hefur viðrað óánægju
sína með það hlutskipti að
vera óbreyttur þingmaður, sem
samrýmist ekki metnaði hans
til að verða ráðherra. Því hefur
hann eflaust hugsað sér gott til
glóðarinnar þegar Elliði Vignisson,
bæjarstjóri í Vestmannaeyjum,
ákvað að kjósa gegn því að
Sjálfstæðisflokkurinn færi í
prófkjör við uppstillingu á lista,
þrátt fyrir að hafa sagst styðja
það fyrirkomulag opinberlega.
Varð það kveikjan að mikilli reiði
hóps Sjálfstæðismanna í Eyjum
í garð Elliða og hans stuðnings-
manna og gagnrýndi Páll þessa
niðurstöðu sjálfur.
Orðið á götunni er að þar sem
Páll virðist ekki ná að landa
ráðherrastöðu á næstunni, renni
hann hýru auga í átt að bæjar-
stjórastólnum í Vestmannaeyjum,
hvar faðir hans sat frá 1966–1975.
Því sé hið nýja bæjarmálafélag
kjörin leið til þess að ná því fram,
enda gæti það orðið ófrávíkjanleg
krafa við samningaborðið um
myndun meirihluta, að ráða Pál
í starfið.
Í
lok mars komu um 20 meðlim-
ir rússneska mótorhjólaklúbbs-
ins Næturúlfarnir til Bosníu.
Þarna var um vorferð klúbbs-
ins að ræða og að þessu sinni var
það hin gamla Júgóslavía sem var
heimsótt. En það voru ekki aðeins
skoðunarferðir og bjórdrykkja
sem voru á dagskrá Úlfanna að
þessu sinni. Ferðin var farin undir
heitinu „Rússneska Balkan“. Mark-
mið ferðarinnar var að sögn að
aka í gegnum Serbíu og lýðveldið
Srpska (serbneskan hluta Bosníu
og Hersegóvínu) og kanna menn-
ingarleg áhrif rússneska heims-
veldisins á Balkanskaga.
Áður en áfram er haldið er rétt
að segja aðeins frá Næturúlfunum
en þar er ekki um að ræða venju-
legan hóp miðaldra mótorhjóla-
áhugamanna sem fara með friði.
Klúbburinn er í nánum tengslum
við Kreml og Pútín forseta sem
heiðraði einmitt leiðtoga klúbbs-
ins fyrir fimm árum fyrir „mikla
vinnu við að efla föðurlandsást
ungmenna“. Forsprakki klúbbsins
er Aleksander Zaldostanov, sem
las til læknis og er einnig þekktur
undir heitinu „Skurðlæknirinn“.
Næturúlfarnir eru taldir vera beint
handbendi Pútíns og hafa verið
notaðir til að skipta sér af málum
og valda öngþveiti erlendis. Það
munar um að hafa þá til að grípa
til því félagar í klúbbnum eru um
5.000. Í umfjöllun New York Times
kemur fram að markmiðið með
ferðinni til Balkanskaga hafi ver-
ið að sýna að Rússar eigi enn góða
vini í Evrópu.
En Næturúlfarnir komu ekki á
mótorhjólum heldur mættu húð-
flúraðir mótorhjólamennirnir á
svæðið í bílum og lítilli rútu. Kalt
veður gerði að verkum að þeir
skildu mótorhjólin eftir heima en
leðurvestin voru að sjálfsögðu tek-
in með sem og „fjölmiðlafulltrúi“
sem einbeitti sér að því að halda
fjölmiðlum fjarri Næturúlfunum.
Næturúlfarnir tóku þátt í inn-
limun Krímskaga í Rússland 2014
og klúbburinn hefur stofnað deild
í Luhansk í austurhluta Úkraínu en
þar fara hópar, sem eru hliðhollir
Rússum, með völdin. Vesturlönd
næturúlfar Pútíns
heimsóttu púðurtunnuna
n Hvað ætla rússar sér á Balkanskaga? n næturúlfar tengdust innlimun Krímskaga
Kristján Kristjánsson
ritstjorn@dv.is