Dagblaðið Vísir - DV - 27.04.2018, Blaðsíða 13

27. apríl 2018 fréttir 13
n Sara Lind kærir lögregluna fyrir frelsissviptingu n Segir viðmót lögreglu breytast þegar vitað er hverra manna hún er
að ég ætlaði bara að ná í vega-
bréfið mitt þá sagði hann ég ætti
„bara að vera inni í bílnum.“ Síð-
an spurði hann hvort ég væri ekki
með veski eða kort, og jú, ég var
með debetkort en vissi ekki bet-
ur en að debetkort væri ekki talið
vera löggilt skilríki, þar sem lög-
reglan hafði áður sagt mér það.
Síðan, þegar ég sagði honum að
hann hefði engan rétt á að banna
mér að stíga út úr bílnum þá svar-
aði hann: „Jú, víst, þetta er minn
vinnustaður og hér ræð ég!“ Þegar
ég ætlaði að teygja mig aftur í til
að ná veskið mitt þá sagði hann
mér að vera kyrr. Þarna var hann
ekkert búinn að tilkynna mér
hvers vegna ég var stoppuð. Þegar
ég sagði að hann ætti engan rétt
á að halda mér í bílnum svaraði
hann að hann ætti rétt á að halda
mér þar í ákveðinn tíma.“
Hún segir lögreglumanninn
engu að síður hafa tekið við debet-
kortinu hennar og farið yfir í lög-
reglubílinn. Hún hafi verið orðin
mjög óróleg á þessum tímapunkti
og byrjað að titra og skjálfa. Annar
lögreglumaður hafi þá komið út
úr bílnum. „Ég spurði hann þá af
hverju þessi lögreglumaður þyrfti
að vera svona dónalegur við mig
og hvers vegna það væri ekki bara
hægt að tala við mig af virðingu,
enda ætti ég þessa framkomu
engan veginn skilda. Hann svar-
aði þá að ég gæti bara hringt á
lögreglustöðina og tilkynnt þetta.“
Hún segir lögreglumanninn
því næst hafa bent henni á að
koma þar sem hann stóð við fram-
hlið bílsins. „Síðan benti hann á
bílinn og spurði: „Sjáðu hérna,
hvað sérðu hér?“ Þegar ég gat ekki
svarað sagði hann síðan að bíllinn
væri óskoðaður. Ég sagði honum
þá að bíllinn væri búinn að vera
í viðgerðum og hefði ekki farið í
gegnum fyrstu skoðun.“
Hún segir hinn lögreglumann-
inn síðan hafa komið út úr lög-
reglubifreiðinni og tilkynnt að
hún væri með gild ökuréttindi.
Henni hafi síðan verið sagt að
samkvæmt lögum væri lög-
reglunni leyfilegt að klippa af bíl
hennar á staðnum.
„Þeir sögðust síðan ætla að
sleppa mér með viðvörun „af því
að þeir væru í svo ógeðslega góðu
skapi.“ Sara kveðst hafa tekið nið-
ur nafn lögreglumannsins sem
meinaði henni að stíga út út bíln-
um, með það í huga að tilkynna
framkomu hans. „Ég sagði síðan
við hann að ég vonaði að hann
kæmi ekki svona fram við alla þá
sem hann stoppar í umferðinni.“
Þekkti vel rétt sinn
„Þetta er klárlega frelsissvipting í
mínum augum. Hann hefur ekki
rétt til að halda mér í bílnum. Ég
var ekki eftirlýst, ég var ekki ógn-
andi í framkomu og það átti ekki
að fara að handtaka mig. Þar fyr-
ir utan átti að tilkynna mér strax
af hverju það væri verið að stoppa
mig.“
Hún samsinnir því að í mörg-
um tilfellum sé fólk ekki nægi-
lega upplýst um hver réttur þess
sé þegar það er stoppað af lög-
reglunni. „Ég veit að ég átti til
dæmis rétt á að opna bara rifu
á glugganum, og ég átti svo
sannarlega rétt á að stíga út úr
bílnum.
Ég veit að þetta er ekki það
alvarlegt dæmi en þetta er
samt alvarlegt í mínum huga,
og engan veginn í lagi. Þetta er í
fjórða skiptið þar sem mér líð-
ur illa eftir að hafa átt samskipti
við lögregluna,“ segir Sara því
næst og bætir við: „Ég tengi
þetta að sjálfsögðu við pabba.
Um leið og einhver dæmir mig
eða kemur illa fram við mig
þegar ég á það ekki skilið, þá
kemur það strax upp í hausinn
á mér að þetta sé út af pabba.
Þannig hefur það alltaf ver-
ið. Ég var einu sinni stoppuð
af lögreglunni á bílaplani þar
sem ég hafði verið að skutla
öðrum og sagt að ég væri kominn
á „svartan lista“ hjá lögreglunni
af því að ég stoppaði á bílapl-
ani sem er fyrir utan mótorhjóla-
klúbb. Í annað skipti var ég stopp-
uð af því að ég gaf ekki stefnuljós
í Seljahverfi og þegar ég spurði
hvort ég væri stoppuð af því að
ég væri á svörtum lista þá vissu
lögreglumennirnir ekkert hvaða
svarta lista ég var að tala um og
spurðu hver ég héldi eiginlega að
ég væri.“
Sara segist hafa verið í miklu
uppnámi eftir þetta atvik og
það hafi sett áætlanir hennar
úr skorðum en hún var á leið til
útlanda tveimur dögum seinna.
„Ég fékk bara kvíðakast eftir þetta
og gat ekki gert neitt af því sem ég
ætlaði að gera.“
Hún kveðst jafnframt hafa
tilkynnt atvikið til lögreglunn-
ar enda vilji hún sjá til þess að
framkoma af þessu tagi verði ekki
liðin innan embættisins. „Ég veit
að þetta er örugglega ekki að fara
að hafa neitt upp á sig, en ég er
samt ánægð að ég fór.“
Hún segist ekki geta annað en
dregið þá ályktun að lögreglan
beiti hana órétti sökum þess að
glæpir föður hennar hafa undan-
farin ár farið hátt í fjölmiðlum og
í umræðum í samfélaginu. Hún
geri sér þó grein fyrir að ekki sé
hægt að fullyrða um slíkt. Engu
að síður finnist henni hegðun
lögreglunnar litast af fordómum.
„Ég veit að pabbi minn er bú-
inn að gera marga slæma hluti,
sem annað fólk hefur þurft að líða
fyrir. En ég hef hins vegar ekki gert
neitt nema gott fyrir þá sem hafa
umgengist mig. Þeir sem þekkja
mig vita að ég get ekki logið eða
platað. Ég á þetta ekki skilið.“
Hún segist vera komin með
afar þykkan skráp eftir að hafa
árum saman þurft að líða fyrir
það að vera dóttir föður síns.
„Lengi vel þá setti ég upp grímu
og lét líta út fyrir að ég tæki ekki
inn á mig þegar fólk talaði illa um
mig eða pabba. En á endanum
brotnaði ég niður og fór gjörsam-
lega á botninn. Það varð til þess
að ég fór að standa upp fyrir sjálfa
mig. Í dag hika ég ekki við að láta í
mér heyra ef einhver brýtur á mér
eða kemur illa fram við mig.“
Lítur ekki á föður sinn
sem glæpamann
Samband Söru Lindar
og föður hennar er að
hennar sögn einstak-
lega náið og er hún stolt
af föður sínum sem hef-
ur verið edrú í fjölda
ára. Í viðtalinu við DV
2016 sagðist Sara oft vera
spurð hvernig það væri
að eiga pabba sem væri
dæmdur ofbeldisglæpa-
maður.
„Ég sé hann sem
pabba, ekki sem glæpa-
mann. Ég þekki ekki ann-
að en að pabbi minn sé
svona og ég tek honum
eins og hann er. Samband
okkar er afskaplega gott
og ég tala við hann eins og
ég tala við bestu vinkonur
mínar.
Nýlega hringdi pabbi í
mig til þess eins að segja:
„Ég hef engan tíma en
mig langaði bara að segja
að ég elska þig og góða
nótt.“ Hann sagði við mig
um daginn að ef hann ætti
eina ósk þá væri það að eiga
hús og að það væri íbúð í
húsinu sem ég byggi í, og
að fjölskyldan kæmi alltaf
saman í mat á sunnudög-
um. Þar myndu allir vera
velkomnir. Þetta var svo ein-
lægt og hann var svo mikið
að meina þetta.
Ég gæti ekki óskað mér
betri pabba og myndi ekki
vilja breyta honum á neinn hátt
því að hann er góður pabbi þó
svo að hann eigi sína sögu og sé
fangi. Ég ræð ekki hvaða ákvarð-
anir hann tekur í lífinu eða af-
leiðingum þeirra.“ n
„tengi þetta að sjálfsögðu við pabba“
„Þeir sögð-
ust síðan
ætla að sleppa
mér með viðvör-
un „af því að þeir
væru í svo ógeðs-
lega góðu skapi“
Feðgin á góðri stund
Sara Lind gæti ekki óskað sér
betri föður.
Smiðjuvegi 4C 202 Kópavogur | Sími 587 2202 | hagblikk@hagblikk.is | hagblikk.is
HAGBLIKK
Álþakrennur
& niðurföll
Þakrennurnar eru frá GRÖVIK VERK í Noregi
Þær eru einfaldar í uppsetningu
HAGBLIKK
Ryðga ekki
Brotna ekki
Litir á lager:
Svart, hvítt, ólitað, rautt
silfurgrátt og dökkgrátt