Morgunblaðið - 24.04.2018, Page 15

FRÉTTIR 15Innlent
MORGUNBLAÐIÐ ÞRIÐJUDAGUR 24. APRÍL 2018
Suðurlandsbraut 26 Sími: 587 2700
Opið 11-18 virka daga og 11-16 laugardaga. www.alno.is
Meira til skiptanna
Tveir prestar eru í kjöri í síðari
umferð kosninga til vígslubisk-
ups í Skálholtsumdæmi. Kjörið
hófst í gær og lýkur 7. maí.
Kosið er með póstkosningu og
liggja úrslit fyrir um miðjan
maí.
Í kjöri eru þeir tveir prestar
sem efstir urðu í fyrri umferð,
Kristján Björnsson, sóknar-
prestur í Eyrarbakkaprestakalli,
og Eiríkur Jóhannsson, prestur
við Háteigskirkju. Séra Kristján
fékk flest atkvæði í fyrri um-
ferðinni en vantaði 17 atkvæði
upp á hreinan meirihluta.
Tveir vígslubiskupar eru í
Þjóðkirkjunni og hafa aðsetur á
hinum fornu biskupsstólum, í
Skálholti og Hólum í Hjaltadal.
Þeir hafa tilsjón með kristni-
haldi í umdæmum sínum og eiga
að vera biskupi til aðstoðar um
kirkjuleg málefni og annast þau
biskupsverk er biskup Íslands
felur þeim. helgi@mbl.is
Tveir prestar í kjöri
til vígslubiskups í
Skálholtsumdæmi
Ný nöfn voru um helgina skráð á
farandbikarinn sem Íslandsmeist-
arar í brids varðveita í eitt ár, þegar
sveit Kjarans varð hlutskörpust á
Íslandsmótinu í sveitakeppni.
Tólf sveitir spiluðu í úrslitakeppn-
inni og eftir að þær höfðu allar spilað
saman einfalda umferð spiluðu fjór-
ar efstu sveitirnar um Íslandsmeist-
aratitilinn. Sveit Kjarans var efst að
loknum fyrri hluta úrslitanna. Hún
vann síðan alla leikina þrjá í loka-
úrslitunum og var því verðugur sig-
urvegari.
Í sveit Kjarans spiluðu Bergur
Reynisson, Guðjón Sigurjónsson,
Rúnar Einarsson, Skúli Skúlason,
Stefán G. Stefánsson og Vignir
Hauksson. Enginn þeirra hefur unn-
ið Íslandsmótið í sveitakeppni áður.
Í öðru sæti varð sveit Hótels Ham-
ars og í 3. sæti sveit J.E. Skjanna.
Ný nöfn á
Íslands-
bikarinn
Bridsmeistarar Íslandsmeistararnir í bridssveit Kjarans með verðlaun sín. Frá vinstri eru Skúli Skúlason, Vignir
Hauksson, Bergur Reynisson, Stefán G. Stefánsson, Guðjón Sigurjónsson og Rúnar Einarsson.
Ómar Friðriksson
omfr@mbl.is
Stjórnarkjöri í VM, Félagi vélstjóra
og málmtæknimanna, lauk sl. sunnu-
dag en úrslit verða ekki opinberuð
fyrr en á aðalfundi félagsins á morg-
un.
Tveir voru í kjöri til formanns;
Guðmundur Helgi Þórarinsson vél-
fræðingur og Guðmundur Ragnars-
son, núverandi formaður, sem gefur
kost á sér áfram en hann hefur verið
formaður félagsins frá 2008.
Mikil ólga á vinnumarkaði
„Það er undirliggjandi mikil ólga á
íslenskum vinnumarkaði og endur-
nýjun kjarasamninga mun væntan-
lega verða mjög erfið á næsta ári. Að
hið svokallaða SALEK sé nánast
dautt var mörgum að kenna en
sennilega á pólitíkin mestan þátt í
því hvernig sú vegferð fór,“ segir
Guðmundur Ragnarsson í ávarpi í
ársskýrslu VM, sem lögð verður
fram á aðalfundinum á morgun. Ær-
ið verkefni sé framundan að skipa
samninganefndir og móta kröfur í
öllum kjarasamningum VM áður en
samningar renna út.
„Síðan á eftir að sjá hverjir ætla að
vinna saman og hver ætlar að fara
fyrstur. Það eru því spennandi tímar
framundan. Síðan er stóra málið sem
öll stéttarfélög eru að kljást við, en
það er að fá félagsmennina eða bak-
landið til að vera virkara og mæta á
fundi. Við höfum reynt ýmislegt hjá
VM til að ná athygli félagsmanna en
ekkert virkar. Það þýðir ekki að gef-
ast upp í þessu verkefni, það verður
að halda áfram að koma því á fram-
færi að félagið verður miklu sterkara
ef félagsmennirnir taka þátt í starfi
þess,“ segir hann í ársskýrslunni.
Viðræður um bókanir við SFS
vegna vélstjóra ganga ekkert
Fram kemur að viðræður félags-
ins við Samtök fyrirtækja í sjávar-
útvegi um bókanir í kjarasamningi
vélstjóra á fiskiskipum ganga ekk-
ert. „Þetta eru mikil vonbrigði, það
hefur ekki staðið á okkur að reyna að
koma krafti í vinnuna. Ég hefði hald-
ið að þar sem bókanirnar voru það
stór þáttur í síðasta kjarasamningi
viti útgerðarmenn hvað bíður þeirra
í lok samningsins ef engu verður lok-
ið af þeim,“ segir hann.
Um 3.400 félagsmenn eru í VM og
starfa rúmlega 80% félagsmanna í
landi og rúmlega 19% á sjó.
Reyna að ná at-
hygli félagsmanna
en ekkert virkar
Utanríkisráðu-
neytið hefur hafið
undirbúning að
fullgildingu
samnings Evr-
ópuráðsins um
forvarnir og bar-
áttu gegn ofbeldi
á konum og heim-
ilisofbeldi. Stefnt
er að því að vel-
ferðarráðherra
afhendi framkvæmdastjóra Evr-
ópuráðsins fullgildingarskjal Íslands
í París síðar í vikunni.
Evrópuráðið samþykkti samning-
inn um forvarnir og baráttu gegn of-
beldi á konum og heimilisofbeldi 11.
maí 2011 og undirrituðu íslensk
stjórnvöld hann sama dag. Síðan þá
hafa íslensk stjórnvöld m.a. gert
nauðsynlegar breytingar á íslenskri
refsilöggjöf til að hægt yrði að full-
gilda hann.
Samningur
um forvarnir
senn fullgildur
Ásmundur Einar
Daðason