Morgunblaðið - 24.04.2018, Blaðsíða 38

38 MENNING
MORGUNBLAÐIÐ ÞRIÐJUDAGUR 24. APRÍL 2018
Guðrún Helgadóttir rithöfundur
hlaut um helgina Sögusteininn,
heiðursverðlaun IBBY á Íslandi,
fyrir æviframlag sitt í þágu barna-
menningar á Íslandi. Viðurkenn-
ingin var hluti af verðlaunahátíð-
inni SÖGUM sem fram fór í fyrsta
sinn um helgina og var haldin í
Eldborg Hörpu. Um 2.000 börn á
aldrinum 6-12 ára kusu það besta á
sviði tónlistar, bókmennta, sjón-
varps og leikhúss, auk þess sem
skapandi börn voru verðlaunuð.
Amma best eftir Gunnar Helga-
son hlaut Bókaverðlaun barnanna
sem besta frumsamda bókin og
Dagbók Kidda klaufa – furðulegt
ferðalag eftir Jeff Kinney í þýðingu
Helga Jónssonar var kosin besta
þýdda bókin. Í flokki tónlistar var
„B.O.B.A.“ með JóaPé og Króla
valið lag ársins en Daði Freyr og
Gagnamagnið sigruðu í flokknum
Tónlistarflytjandi ársins.
Blái hnötturinn var valinn besta
leiksýningin og börnin á Bláa
hnettinum voru kosin bestu leik-
arar og leikkonur ársins. Skóla-
hreysti var kosin barnasjónvarps-
þáttur ársins, Fjörskyldan hlaut
verðlaun sem fjölskyldusjónvarps-
þáttur ársins og loks var sjón-
varpsþáttaröðin Loforð valin besta
leikna efnið í sjónvarpi eða kvik-
myndum.
Þá voru sigurvegarar í sögu-
samkeppni KrakkaRÚV einnig
verðlaunaðir. Árni Hrafn Hallsson
og Eyvör Stella Þeba Guðmunds-
dóttir hlutu verðlaun fyrir smásög-
ur ársins, Sunna Stella Stefáns-
dóttir og Iðunn Ólöf Berndsen fyrir
leikrit ársins og Silvía Lind Tórs-
hamar fyrir útvarpsleikrit ársins.
Svandís Huld Bjarnadóttir, Ísak
Helgi Jensson, Sara Einarsdóttir
og Sóldís Perla Marteinsdóttir
hlutu verðlaun fyrir stuttmyndir
sínar. Leikritin sem báru sigur úr
býtum verða sett upp í Borgarleik-
húsinu og Útvarpsleikhúsinu á
næsta leikári. Úrval af smásögum
barnanna er komið út á rafbók hjá
Menntamálastofnun, sem aðgengi-
leg er á mms.is/sogur, lesendum að
kostnaðarlausu.
Að hátíðinni stóðu SÖGUR –
samtök um barnamenningu, í sam-
starfi við KrakkaRÚV, SÍUNG,
IBBY á Íslandi, Barnamenning-
arhátíð Reykjavíkurborgar,
Reykjavík bókmenntaborg
UNESCO, Borgarbókasafnið,
Borgarleikhúsið, Menntamálastofn-
un, skóla- og frístundasvið Reykja-
víkur, Hörpu og Miðstöð skólaþró-
unar við HA. Hátíðin var send út í
beinni útsendingu á RÚV og hægt
er að horfa á hana í Sarpinum á
vefnum ruv.is. SÖGUR eru hluti af
afmælisdagskrá 100 ára fullveldis-
afmælis Íslands.
Morgunblaðið/Kristinn Magnússon
Heiðruð Guðrún Helgadóttir hlaut Sögusteininn, heiðursverðlaun IBBY á
Íslandi, fyrir æviframlag sitt í þágu barnamenningar á Íslandi. Hér er hún í
Höfða þegar hún var útnefnd borgarlistamaður Reykjavíkur 2017.
Heiðruð fyrir æviframlagið
 Um 2.000 börn kusu það besta í barnamenningunni
Leiksýning Kristín Eysteinsdóttir
borgarleikhússtjóri tók við viður-
kenningu vegna Bláa hnattarins.
Bækur Gunnar Helgason tekur fagnandi á móti Helga Jónssyni.
Tónlistar- og ráðstefnuhúsið Harpa
hlaut á dögunum verðlaun banda-
rískrar stofnunar um leikhústækni,
United States Institute of Theatre
Technology, en verðlaunin eru veitt
fyrir ríkulega verðleika hússins,
svokölluð „Merit Awards“.
Stofnunin hefur verið starfrækt
frá árinu 1960 en markmiðið með
henni var að stuðla að samtali og
miðlun þekkingar milli leikhús-
hönnuða og þeirra sem fara með
tæknimál í leikhúsum.
Arkitektar Hörpu, Henning Lar-
sen Arkitektar í Danmörku og
Batteríið arkitektar ehf., hlutu
einnig viðurkenningu ásamt Artec
– nú ARUP – hljómburðarhönn-
uðum hússins. Niðurstaða dóm-
nefndarinnar er sögð byggjast á
framúrskarandi hljómburði í
Hörpu sem sé „fjölnota og nútíma-
legt viðburðahús þar sem allar tón-
listarstefnur geta fundið sér stað“.
Eldborg Dómnefnd segir Eldborg standa vel undir nafni sem tónleikasalur
á heimsmælikvarða og þá er fjölbreytilegum möguleikum hússins hrósað.
Harpa hlýtur virt
bandarísk verðlaun
Kvikmyndahátíðin EFA Young
Audience Awards verður haldin í
fyrsta sinn á Íslandi 6. maí í Bíó
Paradís. Hátíðin er á vegum Evr-
ópsku kvikmyndaakademíunnar,
EFA, og fer fram samtímis ár
hvert í yfir 30 Evrópulöndum.
Hún er ætluð börnum á aldrinum
12-14 ára og býðst þeim að gerast
meðlimir í dómnefnd á kvik-
myndahátíðinni sem metur þrjár
evrópskar kvikmyndir sem sýndar
verða á henni og eru ætlaðar fyrr-
nefndum aldurshópi. Börnin horfa
á myndirnar samtímis í yfir 36
löndum Evrópu og lýkur hátíðinni
með verðlaunaafhendingu í Erfurt
í Þýskalandi sem sýnt verður frá í
beinni útsendingu á netinu, á slóð-
inni yaa.europeanfilmawards.eu.
Fulltrúar dómnefndar í hverju
landi um sig kynna niðurstöður
dómnefndar í myndbandsupptöku
sem sýnd er á verðlaunaafhend-
ingunni, líkt og í Eurovision-
söngvakeppninni, að því er fram
kemur á vef Kvikmyndamið-
stöðvar.
EFA Young Audience-áhorf-
endaverðlaunin hafa verið veitt
allt frá árinu 2012 og tekur Ísland
nú þátt í valinu í fyrsta sinn. Hægt
er að skrá þátttakendur á aldr-
inum 12-14 ára fyrir 27. apríl, með
því að senda undirritað samþykki
fyrir þátttöku á netfangið sigrid-
ur@kvikmyndamidstod.is.
Frekari upplýsingar má finna á
kvikmyndamidstod.is.
Young Audience Awards í Bíó Paradís
La Fuga Úr einni þeirra þriggja kvik-
mynda sem valdar voru á hátíðina í ár.
Ein skærasta stjarna óperuheimsins,
sópransöngkonan Anna Netrebko,
hefur látið aðdáendur sína bíða lengi
eftir því að hún tækist á við mestu
prímadonnu óperusögunnar, Toscu.
Og í viðtölum hefur hún talað um að
vera hvorki spennt fyrir hlutverkinu
né persónunni. En þegar Netrebko
lét loks verða af því að syngja Toscu
þá debúteraði hún nú um helgina í
hlutverkinu á einu af stærstu svið-
unum, Metropolitan-óperunni í New
York, fyrir framan einn kröfuharð-
asta áhorfendahóp óperuheimsins.
Og gagnrýnendur virðast vera á einu
máli: Netrebko sé einhver besta
Tosca sem lengi hefur sést.
„Anna Netrebko hlýtur að hafa
fundið fyrir gríðarlegri pressu á laug-
ardag þegar hún söng titilhlutverk
Toscu í allra fyrsta skipti. Þetta er
mælikvarðinn sem allar sópran-
söngkonur bera sig við,“ skrifar
óperurýnir The New York Times,
Anthony Tommasini. „Netrebko vissi
hvað hún var að gera. Hún var stór-
fengleg Tosca. Og allt frá fyrstu inn-
komu á sviðið var Netrebko, ein af
raunverulegum prímadonnum óperu-
heimsins, holdgerfingur hinnar hvik-
lyndu hetju Puccinis.“
Þess má geta að eiginmaður dív-
unnar, tenórinn Yusif Eyvazov, fór
með hlutverk listmálarans Cavara-
dossis og baritóninn Michael Volle
söng hlutverk Scarpia. Báðum er
hrósað, en ekkert í líkingu við lofið
sem söngkonan er ausin. Rýnir
Opera Wire segir óperuunnendur
hafa beðið eftir þessu í mörg ár og
söngkonan hafi staðið undir eftir-
væntingunni: „Köllum frammistöð-
una meistaraverk Önnu Netrebko,“
skrifar hann. Og gagnrýnandi New
York Classical Review skrifar að
gesti Metropolitan-óperunnar hafi
dreymt um það árum saman að sjá
Netrebko sem Toscu og þegar það
loks rættist „birtist ríkjandi díva
óperuheimsins sem glæstasta díva
sem skrifuð hefur verið fyrir óperu-
svið“. efi@mbl.is
Netrebko „Hún var stórfengleg
Tosca,“ segir einn rýnirinn um
söngkonuna dáðu, sem er hér í upp-
færslunni í Metropolitan ásamt eig-
inmanninum, Yusif Eyvazov.
Ljósmynd/Ken Howard - Met Opera
Anna Netrebko fór
á kostum sem Tosca
Vagnhöfði 7, 110 Reykjavík | Sími: 517 5000 | stalogstansar.is
Ekki bara jeppar
2013
- 2017
Kerruöxlar
& íhlutir
ALLT TIL
KERRUSMÍÐA