Morgunblaðið - 21.06.2018, Blaðsíða 4

4 FRÉTTIRInnlent
MORGUNBLAÐIÐ FIMMTUDAGUR 21. JÚNÍ 2018
VÍKURVAGNAR EHF.
Víkurvagnar ehf. | Hyrjarhöfða 8 | 110 Reykjavík
Sími 577 1090 | vikurvagnar.is | sala@vikurvagnar.is
Setjum undir á staðnum
Dráttarbeisli
undir flestar tegundir bíla
seinni tíð. Ég var aðeins að rækta
og ætlaði að hafa aukavinnu af því
að temja og selja hesta. Það þróað-
ist hins vegar þannig að ég hef látið
hestana vinna fyrir sér í staðinn.“
Hermann segir að það sé dálítil
ásókn í að koma hestum í langferð-
irnar, en honum er ekki sama hvað
er. „Ég hef reynt að hafa hross sem
eru uppbyggð í þetta. Þau byrja að
hlaupa með mér ung og eru orðin
vön þessum langferðum. Það er svo
mikilvægt að hausinn á þeim sé í
lagi og þau hafi gaman af þessu.
Hluti af hestunum er orðinn háaldr-
aður en hrossin eru öll í fullu fjöri.“
Hermann segir að þrátt fyrir
þessar löngu ferðir um landið á
hestbaki sé alltaf eitthvað eftir, til
dæmis á hann alveg eftir að ríða um
Hornstrandirnar.
áætlar að allur leiðangurinn muni
taka um tvo mánuði. Með Her-
manni verða yfirleitt sex til sjö reið-
menn í för og af þeim munu fimm
fylgja honum allan leiðina. Þeir eru
Svisslendingar sem hafa ferðast
með Hermanni árum saman um
landið. Hópurinn verður með um 40
hesta til reiðar. Yfirleitt munu þau
gista í skálum á leiðinni nema í
Gæsavötnum þar sem væntanlega
verður gist í tjaldi. Trússbíll fylgir
þeim eftir með nesti og annan far-
angur. En hver leggur til hestana?
Hrossin fá að vinna fyrir sér
„Ég hef stundum sagt að það
eina sem ég á of mikið af séu hest-
ar. Að mestu eru hrossin frá mér,“
sagði Hermann. „Það hefur verið
mjög lélegur markaður fyrir hross í
Guðni Einarsson
gudni@mbl.is
Hermann Árnason, hrossabóndi á
Hvolsvelli, ætlar að ríða á ská
landshorna á milli og síðan eftir
landinu endilöngu. Eftir ferðalagið
verður hann búinn að ríða um flest
héruð landsins og teikna stjörnu
með ferðum sínum.
Hermann sundreið öll vötn frá
Höfn í Hornafirði að Selfossi ásamt
fleirum vorið 2009. Í þeirri ferð
fékk hann þá hugdettu að ríða land-
ið „í stjörnu“ eins og hann orðar
það.
„Ég byrjaði á stjörnunni 2016 og
reið þá frá Vík í Mýrdal og norður
að Hrauni á Skaga. Þaðan reið ég
vestur í Bolungarvík og Skálavík.
Svo reið ég Vestfjarðakjálkann og
endaði austur á Ingólfshöfða. Þar
með tók ég helminginn af stjörn-
unni,“ sagði Hermann. Nú ætlar
hann að fullgera myndina og teikna
enn stærri stjörnu á Íslandskortið.
Á ská yfir landið og endilangt
„Ég ríð frá Hvolsvelli vestur að
Reykjanesvita 27. júní. Hinn 1. júlí
legg ég svo af stað frá Reykjanesi
og ríð í norðaustur á Font á Langa-
nesi, á ská yfir landið. Þetta verða
nýjar slóðir fyrir mig, Norðaust-
urland og Austurlandið. Frá Fonti
fer ég svo á fimm dögum á Dala-
tanga. Þaðan fer ég vestur yfir
landið og ætla að enda 14. ágúst
vestur á Öndverðarnesi. Vestasta
punktinum!“ Frá Öndverðarnesi
ætlar Hermann svo að ríða í róleg-
heitunum heim á Hvolsvöll. Hann
Ljósmynd/Jens Einarsson
Knapinn Hermann Árnason er að leggja í langferð á hestbaki. Hann á margar ferðir að baki.
Yfir landið á ská og
langsum á hestbaki
 Hermann Árnason bætir nýjum leggjum í stjörnuna
Vík í Mýrdal
Hraun
Fontur
Dalatangi
Skálavík
Ingólfshöfði
Hvolsvöllur
Reykjanesviti
Öndverðanes
Riðið þvert og síðan endilangt yfir landið
2016 2018
Aron Þórður Albertsson
aronthordur@mbl.is
„Það borgar sig að loka fremur en
að vera með opið á veturna,“ segir
Gísli Hallgrímsson, eigandi garð-
yrkjustöðvarinnar Brúnulaugar í
Eyjafirði, sem mun í haust hætta
ræktun paprika á veturna. Að sögn
Gísla veldur hátt raforkuverð því
að lítill sem enginn hagnaður skap-
ast af starfseminni. Þá geri reglur
Rariks, sem er með einkaleyfi á
dreifingu raforku á svæðinu, garð-
yrkjustöðinni afar erfitt fyrir.
„Gjaldskráin hefur hækkað mikið
undanfarin ár. Auk þess eru regl-
urnar þannig að þar sem íbúar eru
færri en 50 talsins er verðið tals-
vert hærra en á stöðum þar sem
íbúarnir eru fleiri. Það er að mínu
mati mjög undarleg skýring og ég
veit ekki hvað liggur þar að baki,“
segir Gísli og bætir við að hátt verð
neyði hann til þess að loka fyrir-
tækinu á veturna.
Keypti búnað fyrir 35 milljónir
„Nú verður þetta þannig að ég
verð bara með opið á sumrin eins
og aðrir bændur,“ segir Gísli sem
hefur fjárfest fyrir um 35 milljónir
króna í rafmagnsbúnaði sem ætl-
aður er fyrir garðyrkjustöðvar sem
ráðgera að rækta allan ársins
hring. „Að vera tilneyddur til að
loka á veturna eftir að hafa fjárfest
fyrir háar upphæðir í búnaði er
auðvitað ekki skemmtilegt. Þessi
búnaður er sérstaklega keyptur til
þess að geta stundað ræktun á vet-
urna og mér finnst það alveg ótrú-
lega sérstakt að hagnaðurinn sem
verður til sé tekinn af raforkufyr-
irtækjum,“ segir Gísli.
Engin samkeppni ríkir um dreif-
ingu og flutning raforku á svæðinu
en líkt og fyrr segir er Rarik með
einkaleyfi á dreifingu í sveitinni.
Að sögn Gísla er vandamálið þó
ekki einungis það. „Hluti af niður-
greiðslu ársins í ár var nýttur í
fyrra, sem veldur því að nú er
minna niðurgreitt. Það er auðvitað
stór hluti vandans að niðurgreiðsl-
urnar frá ríkinu eru lægri,“ segir
Gísli.
Hátt raforkuverð
neyðir bónda til að
hætta ræktun
 35 milljóna króna fjárfesting í vask-
inn  Hætta ræktun á veturna í haust
Morgunblaðið/Hari
Ræktun Garðyrkjustöðin Brúna-
laug mun hætta ræktun á veturna.
Umferðarslysum fer fjölgandi og
það er kostnaðarsamt fyrir sam-
félagið, segja sérfræðingar sem fara
með erindi á Samgönguþingi í dag.
Að sögn Berglindar Hallgrímsdótt-
ur umhverfisverkfræðings er sam-
félagslegur kostnaður slysa gífur-
lega hár: „Ég hef reiknað út að
heildarkostnaður slysa á árunum
2012-2016 sé alls 15 milljarðar á ári.
Þá tökum við inn alla mögulega
þætti, s.s. kostnað sveitarfélagsins
og stjórnsýslu, t.d. inngrip lögreglu
en einnig allan kostnað við slysið
sjálft, þ.e. spítalavist, eignatjón,
tryggingamál og svo framvegis. Inni
í þessari tölu er því ekki aðeins
kostnaður samfélagsins heldur einn-
ig kostnaður einstaklingsins sem
lendir í slysinu.“
Hún segir jafnframt að ákveðnum
slysum hafi farið fjölgandi á þessu
tímabili „Við erum að sjá ákveðna
tilhneigingu í slysunum en ákveðnir
orsakaþættir hafa verið að færast í
aukana; fleiri eru að aka yfir á rauðu
ljósi til dæmis og slysum gangandi
og hjólandi einstaklinga hefur einn-
ig fjölgað,“ segir Berglind, sem unn-
ið hefur að umferðaröryggisáætlun
fyrir Reykjavíkurborg.
Berglind segir einnig mikilvægt
að gera göngu- og hjólaleiðir örugg-
ari: „Ef okkur tekst að gera umferð-
ina öruggari munu fleiri kjósa að
ganga og hjóla, það eru stórir sam-
félagshópar sem eru ekki endilega í
stakk búnir til að keyra, s.s. börn og
eldra fólk, og það er samfélagslegur
ávinningur okkar að auka umferð-
aröryggi þeirra. Við viljum heldur
ekki að foreldrar veigri sér við að
senda börnin sín gangandi í skólann
til dæmis.“
Oddur Árnason, yfirlögreglu-
þjónn á Suðurlandi, verður einnig
með erindi á þinginu, en hann mun
þar leggja áherslu á ávinning sýni-
legs eftirlits er kemur að umferð-
aröryggi. „Rannsóknir hafa sýnt
fram á að viðvera lögreglu við veg
hefur mælanleg áhrif á ökuhraða
ökutækja og ég held því fram að það
að bæta sýnilegt eftirlit sé mögulega
ódýrasta leiðin til að ná niður öku-
hraða á þjóðvegum landsins.“
Þá segir Oddur ástandið í umferð-
inni einkennast af fjölda ferða-
manna sem séu margir óundirbúnir
fyrir umferð á Íslandi: „Sú breyting
sem hefur átt sér stað er að við er-
um að fást við umferð sem sam-
anstendur af stórum hluta af ferða-
mönnum sem koma til landsins,
dvelja í stuttan tíma og hafa ekki
kynnt sér akstursskilyrði eða að-
stæður í landinu,“ segir Ólafur og
bætir við að slysatölur í umferðinni
séu til marks um að betri löggæslu
skorti. ninag@mbl.is
Kostar samfélagið 15 milljarða á ári
 Samfélagslegur kostnaður slysa er mjög hár  Slysum gangandi og hjólandi vegfarenda fjölgað
 Sýnileg löggæsla dregur úr ökuhraða á vegum úti  Ferðamenn margir illa undirbúnir fyrir akstur