Morgunblaðið - 05.07.2018, Page 61

MENNING 61
MORGUNBLAÐIÐ FIMMTUDAGUR 5. JÚLÍ 2018
Módel: Kolfinna Nikulásdóttir
ray-ban.is
Þorgrímur Kári Snævarr
thorgrimur@mbl.is
Tónskáldið Snorri Hallgrímsson
gaf nýlega út sína fyrstu hljóm-
plötu undir nafninu Orbit en platan
er gefin út af kanadíska útgáfufyr-
irtækinu Moderna Records. Snorri
er hámenntaður tónlistarmaður en
hann lauk BA-námi í tónsmíðum
við Listaháskóla Íslands árið 2013
og MA-námi við Berklee-tónlistar-
háskólann í València á Spáni árið
2014.
Orbit er innblásin af reynslu og
tilfinningum Snorra frá náms-
árunum í Spáni og Mexíkó og upp-
lifun hans af
heimkomunni til
Íslands. „Megnið
af plötunni var
skrifað rétt eftir
að ég flutti aftur
til Íslands,“ seg-
ir Snorri. „Ég
var lengi búinn að búa á mjög hlýj-
um og sólríkum stöðum, svo ég
þurfti að venjast því að vera kom-
inn aftur í veturinn á Íslandi. Svo
var konan mín, Jelena, sem er kan-
adísk, að upplifa sinn fyrsta vetur á
Íslandi. Það var skrýtið að ganga í
gegnum þetta.“
Að vera heima en finnast
maður ekki vera það
„Þegar ég var á Spáni hafði ég
verið í alþjóðlegu námi. Þar var ég
í algerri blöðru af hundrað ein-
staklingum sem allir voru í sömu
stöðu og ég. Ég eignaðist svo mikið
af frábærum vinum að þegar sá
tími leið tók við hálfgerð þynnka
þegar við tvístruðumst hver í sína
áttina til okkar heimalanda. Þegar
ég kom aftur heim til Íslands
fannst mér Ísland einhvern veginn
hálftómlegt miðað við hvernig þetta
hafði verið úti. Allt í einu var ég
kominn heim en svo mikið af mín-
um nánustu var ekki lengur í
kringum mig. Það var einhvern
veginn skrýtnara að vera kominn
heim.“
Snorri segir lagatextann á plöt-
unni mikið fjalla um tilfinninguna
að vera heima en finnast maður þó
ekki vera það. „Ég væri að fara
fram úr mér ef ég segði að tónlistin
sjálf væri mjög innblásin af þessum
tilfinningum,“ segir hann hins veg-
ar. „Ég hef alltaf samið mjög mel-
ankólíska músík. Ég þori ekki að
benda á augljóst samhengi þar á
milli; um að ég hafi verið dapur í
skammdeginu og þess vegna samið
þunga, sorglega tónlist því ég hef í
raun alltaf gert það hvort sem ég
er glaður eða dapur. Megnið af því
sem ég var að semja áður en ég
flutti út var klassísks eðlis, verk
fyrir klassísk hljóðfæri sem hægt
væri að flytja í því umhverfi.“
Titilinn Orbit segir Snorri einnig
vísa í heimkomu sína og þá tilfinn-
ingu að hann sé á sporbaug um
heiminn til að hitta og heimsækja
vini sína frá hinum ýmsu heims-
hornum. Um tónlistarstefnuna sem
hljómplatan sver sig í ætt við segir
Snorri: „Ég hef ekki sagt skilið við
klassíska tónlist. Platan er klárlega
byggð á þeim klassíska bakgrunni
sem ég hef. Hljóðfærin eru mjög
hefðbundin; t.d. er aðalhljóðfærið
strengjasveit. Þetta er í átt við
kvikmyndatónlist; nýklassík eins og
þeir kalla það, eins og Ólafur Arn-
alds, Max Richter og Jóhann Jó-
hannsson hafa fengist við. En mér
finnst tónlistin mín lengra í átt að
popptónlist, því ég syng og er mik-
ið í elektróník með raftöktum ofan
á. Þetta er einhvers konar blanda
af strengjum, þungum raftöktum
og píanóum.“
Auðvelt að detta í klisjur
Lagatextinn á plötu Snorra er á
ensku, en Snorri segir sér það eðl-
islægt. „Ég er eiginlega búinn að
tala meiri ensku en íslensku síðustu
árin, meira að segja hér á Íslandi af
því að ég er giftur Kanadabúa.
Þegar ég byrjaði að semja þetta
var ég mikið að fjalla um tilfinn-
ingar og fólk sem ég hef átt öll
samskipti við á ensku. Mér fannst
það eðlilegra. Maður er bara miklu
vanari að heyra dægurlög á ensku
heldur en íslensku. Auk þess samdi
konan mín, sem er laga- og texta-
höfundur, um það bil helminginn af
textanum á plötunni og hún talar
auðvitað ensku að móðurmáli. Ég
tala fínustu ensku, en þegar maður
semur texta á tungumáli sem er
ekki manns eigið verður það svo
takmarkandi. Maður heyrir hvað
það er auðvelt að detta í klisjur og
hluti sem er alltaf verið að segja.
Þótt ég tali góða ensku er orðaforð-
inn og hugmyndaflugið takmarkað.
Maður neyðist til að grípa í eitt-
hvað sem er ofnotað.“
Snorri tók upp plötuna sína í
hljóðveri Ólafs Arnalds og fékk raf-
takta frá samnemanda að nafni
Drew Redman sem hann notaðist
við í upptökunum. „Þótt það hafi
verið svolítið einmanalegt ferli að
gera þetta, þá er ég að gera það
sem mig langaði að gera, mitt eigið
efni,“ segir Snorri. „Ég hef ekki
unnið við annað en tónlist í fimm ár
núna og er ekkert að fara að hætta.
Það sem mér finnst mikilvægast er
að fólk geti hlustað og tengst mús-
íkinni einhverjum tilfinningabönd-
um, þótt það séu ekki endilega
sömu tilfinningar og ég er að tjá.
Mér finnst gott ef fólk getur hlust-
að og yfirfært tilfinningar plöt-
unnar á eigin tilfinningar og líf.“
„Skrýtnara að vera kominn heim“
 Snorri Hallgrímsson gefur út hljómplötuna Orbit  Fjallað um heimkomu til Íslands eftir námsár
Heima Snorra þótti undarleg tilfinning að venjast köldum vetrum Íslands upp á nýtt eftir heimkomuna.