Morgunblaðið - 21.07.2018, Blaðsíða 6

6 FRÉTTIRInnlent
MORGUNBLAÐIÐ LAUGARDAGUR 21. JÚLÍ 2018
Erna Ýr Öldudóttir
ernayr@mbl.is
„Það voru meiri skemmdir á henni
en við bjuggumst við, hún hafði lent
á grjóti og húðin, sem er á svona
bronsstyttum, rispaðist á sporð-
inum að framanverðu. Búið er að
gera við hana og hún hefur verið
tilbúin síðan í febrúar,“ segir Sig-
urður Trausti Traustason, deild-
arstjóri hjá Listasafni Reykjavíkur.
Morgunblaðið innti hann eftir
fréttum af Hafmeyjunni eftir Nínu
Sæmundsson, sem hvarf af stalli
sínum í Reykjavíkurtjörn í óveðri
sem gekk yfir í byrjun nóvember í
fyrra og hefur ekki sést síðan.
„Það er búið að undirbúa und-
irstöðurnar, hún verður fest betur
svo hún geti ekki stungið sér til
sunds aftur. En það var vetrartími
og síðan hefur verið rigning í marga
mánuði, þá er ekki hægt að keyra
með kranabíl út í Hljómskálagarð-
inn, til á hífa hana á stallinn, án
þess að eyðileggja grasið. Við erum
því bara að bíða eftir að stytti upp.
Við vonumst til að það verði ein-
hvern tímann á næstunni.“
Vatnsyfirborðið lágt
Morgunblaðið fékk að auki
ábendingu um að svo virtist sem
vatnsyfirborð Tjarnarinnar væri
eitthvað lægra en það ætti að vera,
þrátt fyrir alla rigninguna, og hafði
samband við Þórólf Jónsson, garð-
yrkjustjóra Reykjavíkurborgar.
„Vatnsyfirborðið er í lægra lagi
en það er mér vitandi engin sérstök
ástæða fyrir því. Við fylgjumst vel
með þessu með mælingum, m.a. út
af framkvæmdum á Hlíðarenda-
svæðinu en vatnið í Tjörninni kem-
ur úr Öskjuhlíðinni og undan flug-
vellinum. Það eru náttúrulegar og
árstíðabundnar sveiflur í vatns-
yfirborðinu. Við höfum þurft að
lækka vatnsyfirborðið ef fram-
kvæmdir við bakka Tjarnarinnar
hafa staðið yfir en nú er ekki um
slíkt að ræða og við förum mjög
varlega til að trufla ekki lífríkið,
sérstaklega á sumrin,“ segir Þór-
ólfur. Hann segir að þótt mikið hafi
rignt í sumar sé vatnsmagnið ekki
það mikið sem komið hafi með rign-
ingunum.
Gróður sem vex á botni Tjarnar-
innar hefur einnig verið áberandi í
yfirborði hennar undanfarið.
„Það er jákvætt, mikil rækt hefur
verið í gróðri á botni Tjarnarinnar
undanfarin þrjú ár en það er
hraustleikamerki fyrir lífríkið þar.“
Morgunblaðið/Kristján Johannessen
Auður stallur Fuglarnir á Reykjavíkurtjörn nota stall hafmeyjunnar sem áningarstað til að hvíla lúin bein.
Hafmeyjan kemst ekki
á stallinn fyrir bleytutíð
 Hrakfallasaga styttunnar í Tjörninni heldur áfram
Morgunblaðið/Ómar
Stytta Hafmeyjan eftir Nínu Sæmundsson. Styttan fauk um koll í fyrra.
Axel Helgi Ívarsson
axel@mbl.is
„Almennt er rekstur í rækjuvinnslu
við Norður-Atlantshaf, bæði á Íslandi
og í Noregi, búinn að vera erfiður í
nokkur ár. Við fylgjumst með rekstri
norsku verksmiðjanna og það er bara
eins og hér, hagnaður er lítill og arð-
semin alveg í lágmarki. Það sem hefur
gert reksturinn erfiðan hér á landi
undanfarin ár er m.a. gengisstyrking-
in og launahækkanir,“ segir Óskar
Garðarsson, framkvæmdastjóri
rækjuvinnslunnar Dögunar á Sauðár-
króki, spurður um stöðu og rekstur
rækjuvinnslu á Íslandi í dag.
Lokanir verksmiðja fyrirséðar
Morgunblaðið greindi frá því í gær
að FISK Seafood ehf. hefði ákveðið að
loka rækjuvinnslu sinni í Grundarfirði
vegna langvarandi tapreksturs. Ósk-
ar segir það hafa verið fyrirséð að ein-
hver rækjuvinnsla hér á landi myndi
leggja upp laupana. „Sérstaklega eftir
að veiðin í Kanada tók dýfu og veiðin
breyttist lítið hér við Ísland lá það í
augum uppi að verksmiðjum myndi
fækka. Viðvarandi hátt hráefnisverð á
iðnaðarrækju hefur haft sín áhrif á
arðsemi í landvinnslunni,“ segir Óskar.
Fimm rækjuverksmiðjur eru enn
starfandi á landinu eftir lokun vinnsl-
unnar í Grundarfirði. Voru verk-
smiðjurnar tugir talsins þegar best
lét fyrir um tveimur áratugum.
Um 25 manns starfa í verksmiðju
Dögunar á Sauðárkróki, en rækju-
verksmiðjan tók til starfa árið 1984
og hefur því sterkar rætur í sam-
félagi Sauðárkróks. Þá er Dögun
þátttakandi í útgerð í Eistlandi og
kemur mesti hráefnisgrunnur Dög-
unar þaðan, segir Óskar, og er ís-
lenska veiðin aðeins brot af því sem
unnið er úr.
Ætla að fjárfesta í tækjabúnaði
Stefnan er sett á að fjárfesta í sjálf-
virkum tækjabúnaði hjá Dögun undir
lok árs. Aðspurður hvort störfum
muni fækka vegna þeirra fjárfestinga
segir Óskar að miðað við óbreytt
magn megi ætla að störfum gæti
fækkað. „En það getur vel verið að
við náum að auka framleiðslu, sem
þýddi óverulega breytingu á starfs-
liði,“ segir Óskar til viðbótar.
Á Hólmavík er rækjuvinnslan
Hólmadrangur sem, líkt og Dögun, á
sér langa sögu. Framkvæmdastjóri
Hólmadrangs, Sigurbjörn Úlfarsson,
segir í samtali við Morgunblaðið að
starfsemin skipti gríðarlega miklu
máli fyrir Strandabyggð. „Rækju-
vinnslan er langstærsti vinnustaður-
inn í sveitarfélaginu og starfsemin
eftir því mjög mikilvæg,“ segir Sig-
urbjörn, en 21 er fastráðinn hjá
vinnslunni.
„Eins og sést í fréttum frá Grund-
arfirði er rækjuiðnaðurinn á Íslandi í
mjög þröngri stöðu. Þetta er afar
sveiflukenndur bransi og veiði hér við
Íslandsstrendur hefur farið mjög nið-
ur,“ segir Sigurbjörn. Þá segir hann
aðspurður að Hólmadrangur sé í full-
um rekstri og unnið sé á hverjum degi
með fullum afköstum. Innlendur afli
er líkt og hjá Dögun sáralítill hluti af
vinnslunni, eða um 10%.
Aðspurður hvernig Sigurbjörn líti
á komandi ár segir hann að Stranda-
menn gefist aldrei upp fyrr en í fulla
hnefana. „Þetta hafa verið erfið ár en
það er heilmikið að gerast á erlendum
mörkuðum og eftirspurn er mikil. Við
erum í fullri vinnslu, þannig að það
gengur vel hjá okkur.“
Erfiður rekstur rækjuvinnslunnar
Morgunblaðið/Þorgeir Baldursson
Veiði Mjög hefur dregið úr rækjustofnum við Íslandsstrendur frá því sem
var fyrir nokkrum áratugum. Því eru fáar rækjuvinnslur enn starfandi.
 Lítill hagnaður og arðsemi í lágmarki, segir framkvæmdastjóri Dögunar, rækjuvinnslu á Sauðárkróki
 Sveiflukenndur bransi  Verksmiðjurnar afar mikilvægar fyrir byggðir  Eftirspurn frá útlöndum
Faxafen 10 | 108 Rvk | s. 599 6700
fasteignaland.is | fasteignaland@fasteignaland.is
Einstakt tækifæri á vatnalóð
við Skorradalsvatn
Um er ræða 3.559 fm eignarlóð í landi Dagverðarness.
Lóðin er kjarri vaxin með glæsilegu útsýni yfir Skorradalsvatn.
Lokað svæði með rafmagshliði. Búið að grafa fyrir púða undir
71,6 fm hús. Verð: Tilboð
Upplýsingar veitir: Heimir Eðvarðsson
Löggiltur fasteigna-og skipasali s. 8931485
Jón Birgir Eiríksson
jbe@mbl.is
Mikil fjölgun var á afbrotum í flokki
fíkniefna-, umferðarlaga-, aksturs
undir áhrifum ávana- og fíkniefna
og ölvunaraksturs í júní m.v. meðal-
fjölda síðustu sex mánaða.
Þetta kemur fram bráðabirgða-
tölum lögreglunnar á höfuðborgar-
svæðinu á brotum síðasta mánaðar í
umdæmi hennar.
Fíkniefnabrotum fjölgað um 50%
762 hegningarlagabrot voru skráð
í júní, álíka mörg og í maí.
Skráð voru 206 fíkniefnabrot í
júní og fjölgaði þeim um 50% m.v.
meðaltal síðustu sex mánaða. Það
sem af er þessu ári hafa 911 fíkni-
efnamál verið skráð hjá lögreglunni,
samanborið við 860 mál í fyrra og
690 árið 2016 á sama tímabili.
Umferðarbrotum fjölgaði um 41%
m.v. meðaltal síðustu sex mánaða og
voru 1.241 brot skráð í júní.
Skráð brot þar sem ökumaður
var grunaður um ölvun við akstur
voru 118 í júní. Skráð brot á það
sem af er árinu eru 579 og hefur
fjölgað úr 327 árið 2015, fyrir sama
tímabil.
Skráð brot þar sem ökumaður
var grunaður um akstur undir áhrif-
um ávana- og fíkniefna voru 163 í
júní. Á þessu ári er fjöldi skráðra
brota 836, en frá árinu 2015 hefur
brotum af þessum toga fjölgað úr
430, sé miðað við sama tímabil.
Fíkniefnabrotum
fjölgað mikið í júní
 Akstur undir áhrifum hefur aukist
Eftirlit Lögreglumaður kannar
ástand ökumanns í Reykjavík.