Morgunblaðið - 21.07.2018, Blaðsíða 24

24 FRÉTTIRErlent
MORGUNBLAÐIÐ LAUGARDAGUR 21. JÚLÍ 2018
Um sextíu skógareldar loguðu í Sví-
þjóð í gær og talsmaður almanna-
varnastofnunar landsins sagði að
ekki væri hægt að slökkva þá
stærstu eins og staðan væri núna.
Liðið gætu nokkrir mánuðir þar til
síðustu eldarnir slokknuðu.
„Fjórir eldanna eru nú skil-
greindir sem alvarlegir; þeir eru
orðnir svo stórir að ógerningur er að
slökkva þá sem stendur,“ sagði Mar-
cus Årskog, talsmaður almanna-
varnastofnunarinnar. „Það sem við
getum gert er að hefta útbreiðslu
þeirra þannig að þeir nái ekki til
þorpa eða byggðra svæða.“
Stærstu eldarnir loga allir í mið-
hluta Svíþjóðar, þ.e. Fågelsjö og
Lillåsen í Jämtland-sýslu, Kårböle í
Gävleborg-sýslu, Brattsjö í Väster-
norrland og Trängslet í Dölunum.
Alls hafa 300 til 500 manns þurft að
forða sér af heimilum sínum vegna
eldanna, samkvæmt síðustu upplýs-
ingum frá almannavarnastofnuninni.
Talið er að um tvær milljónir rúm-
metra skóglendis hafi brunnið.
Þurfa að slátra kúm
Þyrlur og flugvélar frá Noregi og
nokkrum Evrópusambandslöndum
hafa tekið þátt í slökkvistarfinu þar
sem eldarnir eru mestir, að sögn
fréttavefjar sænska ríkisútvarpsins í
gær.
Langvarandi þurrkar og hlýindi
hafa verið á stórum hluta Svíþjóðar,
auk Danmerkur, Suður-Noregs og
Norður-Finnlands. Að sögn veður-
fræðinga er ólíklegt að breyting
verði á því á næstunni.
Að frátalinni lítils háttar úrkomu
um miðjan júní hefur nánast ekkert
rignt í Svíþjóð frá byrjun maí. „Hlý-
indin voru óvenjumikil í maí í suður-
og miðhluta Svíþjóðar og júní var sá
hlýjasti í rúm 100 ár syðst á land-
inu,“ segir Sverker Hellström,
veðurfræðingur sænsku veðurstof-
unnar.
Þurrkarnir hafa valdið skorti á
fóðri fyrir búpening og sænskir
bændur hafa þurft að grípa til þess
ráðs að slátra kúm. „Þetta er mesta
erfiðleikatímabil fyrir sænska bænd-
ur í rúm 50 ár,“ segir Ulf Wallin,
talsmaður samtaka þeirra.
bogi@mbl.is
AFP
Alvarlegir eldar Þyrla notuð til að slökkva skógareld í Jämtland-sýslu í miðhluta Svíþjóðar. Flugvélar frá Noregi
og nokkrum Evrópusambandsríkjum hafa tekið þátt í slökkvistarfinu. Talið er að það geti tekið nokkra mánuði.
Segja það ógerning að
slökkva stærstu eldana
 Talið er að eldarnir í Svíþjóð geti logað í nokkra mánuði
Mannfrekt slökkvistarf
» Um 700 slökkviliðs- og
björgunarmenn og 500 her-
menn taka þátt í slökkvistarf-
inu þar sem skógareldarnir eru
stærstir.
» Hundruð sjálfboðaliða hafa
verið skráð og Rauða kross-
inum í Svíþjóð hefur verið falið
að samhæfa aðstoð þeirra við
slökkvistarfið.
Moskvu. AFP. | Vladimír Pútín Rúss-
landsforseti hefur notið mikils stuðn-
ings meðal landsmanna en vinsældir
hans hafa minnkað verulega vegna
óvinsæls stjórnarfrumvarps um að
hækka lágmarkseftirlaunaaldur karl-
manna í 65 ár og kvenna í 63 ár. Pútín
sagði árið 2005 að eftirlaunaaldurinn
yrði aldrei hækkaður í Rússlandi svo
fremi sem hann væri við völd. Stjórn-
málaskýrendur segja að vaxandi ólga
í landinu vegna frumvarpsins og
versnandi lífskjara geti orðið erf-
iðasta úrlausnarefni Pútíns á nær 20
ára valdatíma hans. Nýleg könnun
bendir til þess að 89% Rússa séu and-
víg breytingunni á eftir-
launaaldrinum.
Lágmarkseftirlaunaaldurinn hefur
verið óbreyttur frá valdatíma Jósefs
Stalíns sem var kjörinn aðalritari
sovéska kommúnistaflokksins árið
1922 og varð seinna alráður í Sovét-
ríkjunum þar til hann lést árið 1953.
Konur hafa fengið eftirlaun frá 55 ára
aldri og karlmenn frá 60 ára.
Meðallífslíkur Rússa eru 70,5 ár,
kvenna 76,3 og karla 64,7 ár. Verði
lágmarkseftirlaunaaldur karla hækk-
aður í 65 ár verður það til þess að
margir rússneskir karlmenn fá aldrei
eftirlaun frá ríkinu.
Ríkisstjórn Rússlands segir að
breytingin sé óhjákvæmileg vegna
þess að greiðslurnar vegna núverandi
lífeyriskerfis séu að sliga ríkissjóð
landsins. Atvinnumálaráðherra
Rússlands, Maxím Topílín, sagði þeg-
ar hann varði frumvarpið á þinginu
að núverandi lífeyriskerfi ætti rætur
sínar að rekja til fjórða áratugar ald-
arinnar sem leið þegar meðallífslík-
urnar hefðu verið „allt aðrar“. „Tím-
arnir eru að breytast. Efnahagurinn
er að breytast. Við getum ekki verið
föst í fjórða áratugnum.“
Þolinmæðin á þrotum
Stjórnarfrumvarpið var samþykkt
í Dúmunni, neðri deild þingsins, eftir
fyrstu umræðu í fyrradag með 328 at-
kvæðum gegn 104. Aðeins einn þing-
manna stjórnarflokksins Sameinaðs
Rússlands greiddi atkvæði gegn því.
Þingmenn kommúnista, Frjálslyndra
demókrata og Réttláts Rússlands
hafa yfirleitt stutt stjórnvöld í Kreml
á þinginu en höfnuðu breytingunni á
eftirlaunaaldrinum.
Götumótmæli gegn stjórnvöldum í
Kreml hafa verið fátíð en stjórnar-
frumvarpið varð til þess fyrr í mán-
uðinum að nokkur þúsund manns
tóku þátt í tugum mótmælafunda sem
helsti andstæðingur stjórnarinnar,
Alexej Navalní, skipulagði ásamt
flokkum sem hafa hingað til verið vin-
veittir ráðamönnunum í Kreml þótt
þeir eigi ekki aðild að stjórninni. Um
þúsund manns tóku þátt í mótmælum
í Moskvu gegn frumvarpinu kvöldið
fyrir atkvæðagreiðsluna og 200
manns fyrir utan þinghúsið þegar
hún fór fram. „Lífskjörin eru mjög
slæm, þolinmæði fólksins er á þrot-
um,“ sagði 54 ára kona á meðal mót-
mælendanna.
Þingmenn kommúnista tóku þátt í
mótmælunum fyrir utan þinghúsið og
einn þeirra sagði að stjórnarfrum-
varpið væri „viðbjóðslegt og ómann-
úðlegt“. Navalní sagði að þingmenn-
irnir sem styðja frumvarpið væru
„óvinir fólksins í landinu“. „Dúman
samþykkti frumvarp sem sviptir tugi
milljóna Rússa hundruðum þúsunda
rúblna.“
Pútín hefur haft sig lítið í frammi í
deilunni þrátt fyrir loforð hans um að
eftirlaunaaldurinn yrði aldrei hækk-
aður í forsetatíð hans. Rússneska
dagblaðið Vedomostí sagði að þing-
mönnum hefði verið „ráðlagt“ að
gagnrýna ekki Pútín í umræðunni um
stjórnarfrumvarpið. Nokkrir af þing-
mönnum kommúnista kröfðust þó
þess að forsetinn tæki afstöðu til
stjórnarfrumvarpsins. Pútín sagði í
gær að sér líkaði ekki neinar tillögur
um hækkun eftirlaunaaldursins en
bætti við: „Við verðum samt að taka
einhverja ákvörðun.“
Stuðningur við
Pútín minnkar
 Hækkun eftirlaunaaldurs mótmælt
AFP
Óvinsæl breyting Hækkun eftir-
launaaldurs mótmælt í Moskvu.
Traustið á Pútín minnkar
» Stuðningurinn við Vladimír
Pútín minnkaði um 14 pró-
sentustig á tíu dögum í júní, úr
78% í 64%, ef marka má könn-
un VCIOM, ríkisrekins kann-
anafyrirtækis í Rússlandi.
» Aðeins 48% sögðust treysta
forsetanum, 12 prósentustig-
um færri en í janúar, í könnun
Levada-miðstöðvarinnar,
óháðrar rannsóknarstofnunar.
Sterkir í stálinu
Skipastál • Lunningajárn • Bakjárn
Kælirör • Fíber- og galvanhúðaðar ristar
Svört- og ryðfrí rör og fittings
Ál • Ryðfrítt stál • PVC plötur
POM öxlar • PE plötur
Lokar af ýmsum gerðum
Opið virka daga kl. 8-17
Skútuvogi 4, Rvk
Rauðhellu 2, Hafnarfirði
Sími 568 6844 | ga@ga.is | ga.isHAGI ehf Stórhöfða 37 • 110 Reykjavík • S. 414-3700 • hagi@hagi.is • Hagi ehf HILTI
Hágæða
vinnuföt
í miklu úrvali
Sérmerkjum fyrir fyrirtæki
Verkfæri og festingar
Mikið úrval af öryggisvörum
Nú fástS s vinnuföt í