Morgunblaðið - 21.07.2018, Blaðsíða 10

10 FRÉTTIRInnlent
MORGUNBLAÐIÐ LAUGARDAGUR 21. JÚLÍ 2018
STANGVEIÐI
Skapti Hallgrímsson
skapti@mbl.is
„Hollin sem eru hjá okkur núna eru
að veiða svipað og á sama tíma í
fyrra, þó heldur minna; þeir sem eru
nýfarnir voru með 20 laxa en 25 á
síðasta ári og hollið sem er hér núna
er með 20 laxa á tveimur dögum en
fékk 28 í fyrra,“ segir Jóhann Hafn-
fjörð Rafnsson, staðarhaldari við
Víðidalsá í Vestur-Húnavatnssýslu.
Veiði var afar lítil framan af sumri
í Húnavatnssýslunum og heildar-
veiðin í Víðidalsá er miklu minni en
á sama tíma í fyrra, eins og á við um
aðrar ár svæðinu, að sögn Jóhanns.
„Júní var mjög rólegur. Það er lítið
af tveggja ára fiski en veiðin hefur
skánað; það veiddust til dæmis 10
laxar í morgun.“
Mikið hefur rignt í sumar, eins og
öllum ætti að vera ljóst, og því hefur
mjög mikið verið í ánum. „Vatnið
hefur aldrei verið það sem við getum
kallað eðlilegt og mjög oft hefur ver-
ið um það bil tvöfalt magn miðað við
meðalrennsli. Það hefur aftrað veið-
inni en það hefur líka vantað fisk,
smálaxinn er að byrja að koma núna
svo við höldum í þá von að veiðin
verði góð.“
Ágætt hljóð er í Haraldi Eiríks-
syni hjá Hreggnasa sem sér m.a. um
Grímsá, Laxá í Kjós og Laxá í Döl-
um. „Við höfum verið mjög heppin
að því leyti að okkar ár þola vatns-
veður betur en ýmsar aðrar, Laxá í
Dölum þarf til dæmis helst rigningu.
Það er helst að Grímsá hafi verið
erfið en það sem hefur aðallega
truflað okkur í sumar er lofthitinn.
Hann hefur verið mjög lágur en það
hlýnaði reyndar í vikunni og þá
fengum við snjóbráð í Kjós vegna
þess hve mikill snjór var í norð-
anverðri Esjunni!“
Haraldur segir slíkar aðstæður
stundum verða í upphafi veiðitímans
en segist aldrei muna til að þetta
hafi gerst svo seint.
„Þetta hefur reyndar engin áhrif
á veiðina, það vantar aðallega sól-
skin til að hita vatnið og er gegn-
umgangandi vandmál á suðvest-
anverðu landinu. Laxinn gengur
mjög hægt og stoppar við fyrstu
hindrun; hann fer ekki fossana þeg-
ar vatnshiti er svona lágur. Á meðan
árnar hafa verið undir tíu gráðum
hefur laxinn safnast saman neðst í
þeim en það lagaðist í vikunni og
dreifingin er núna orðin miklu betri
en hún var.“
Mjög góð veiði í Kjósinni
Haraldur segir meira hafa veiðst í
Laxá í Kjós en í fjöldamörg ár en
þar er veitt á átta stangir. „Við feng-
um 54 laxa í fyrradag. Næstsíðasta
vika gaf 165 laxa, í síðustu viku
veiddust 133 og ég er viss um að
þessi verður ekki síðri, fyrst við
fengum þennan stóra dag í fyrra-
dag. Laxá er í hörkuformi.“
Í Laxá í Dölum er veitt á fjórar
stangir og í síðustu viku veiddust
100 laxar sem er framúrskarandi,
eins og Haraldur orðar það.
„Síðasta holl í Dölunum var með
61 lax á þremur dögum sem er um
það bil tvöföld veiði á við sama tíma í
fyrra. Í augnablikinu er áin á pari
við 2015, sem fór í 1.500 til 1.600 laxa
um sumarið. Ef göngurnar halda
áfram lítur þetta rosalega vel út.“
Ástandið í Grímsá hefur verið erf-
iðara, eins og áður kom fram en
veiðin hefur þó verið góð að sögn
Haraldar. „Það er einna helst að
dreifingin hafi verið verri, neðstu
tvö svæðin eru langsamlega best en
við urðum varir við það í gær að
mikill fiskur hljóp upp úr þannig að
ég geri mér vonir um að hollið sem
nú er við ána veiði vel.“
Haraldur segir nokkra óvissu
varðandi norðausturhornið þar sem
Hreggnasi er með Svalbarðsá og
Hafralónsá. „Það hefur ekki verið
mikið um smálaxagöngur en í sögu-
legu samhengi skipta næstu straum-
ar sköpum; síðasti straumur í júlí og
sá fyrsti í ágúst, og því er erfitt að
spá í spilin fyrr en eftir mánaðamót.
Mér sýnist Svalbarðsá reyndar vera
í 90 löxum, sem er svipað og með-
altal síðustu ár og meira hefur veiðst
í Hafralónsá en síðustu ár. Við
krossum fingur um að smálaxinn
gangi fyrir norðaustan, hann hefur
ekki komið síðustu ár og það hefur
komið niður á veiðitölum á norðaust-
urhorninu,“ segir Haraldur Eiríks-
son hjá Hreggnasa.
Fer ekki
fossana í svo
lágum hita
 Lax safnast saman neðst í ánum þeg-
ar vatnið er kalt en ástandið er að lagast
Ljósmynd/Haraldur
Gleði í Kjósinni Hamingjusamur veiðimaður með fallegan lax sem hann veiddi í Laxá í Kjós í vikunni.
Aflahæstu árnar
Heimild: www.angling.is * Tölur liggja ekki fyrir
0 250 500 750 1.000 1.250 1.500
Staðan 18. júlí 2018
Veiðivatn
Stanga-
fjöldi Veiði
19. 7.
2017
20. 7.
2016
Þverá / Kjarrá 14 1.526 1.238 1.153
Norðurá 15 1.125 966 880
Urriðafoss í Þjórsá 4 824 583 *
Miðfjarðará 10 759 1.202 1.459
Ytri-Rangá og vesturbakki Hólsár 18 748 902 2.549
Haffjarðará 6 722 547 704
Langá 12 608 731 623
Eystri-Rangá 18 555 532 471
Blanda 14 515 745 1492
Elliðaárnar 6 458 475 394
Grímsá og Tunguá 8 439 503 251
Laxá í Kjós 8 403 345 227
Laxá í Aðaldal 17 278 317 517
Hítará 6 275 174 383
Laxá í Leirársveit 6 266 207 163
„Það stendur ekki til að flytja kjötið
úr landi,“ sagði Kristján Loftsson,
framkvæmdastjóri Hvals hf., í sam-
tali við mbl.is um kjöt af blendings-
hval sem skip Hvals hf. veiddi 8.
júlí.
Hvalurinn sem um ræðir er af-
kvæmi langreyðar og steypireyðar,
en steypireyðar eru á lista yfir hvali
í útrýmingarhættu. Af þeim sökum
er óljóst hvort það væri í raun heim-
ilt að flytja kjötið úr landi vegna að-
ildar Íslands að CITES-samningn-
um, sem snýr að því að vernda
tegundir dýra og plantna sem eru í
útrýmingarhættu.
Eyþór Björnsson Fiskistofustjóri
segir það ekki undir Fiskistofu
komið að leggja mat á það hvort
heimilt sé að flytja hvalkjöt úr landi.
Það sé í raun á forræði stjórnvalda í
því landi sem kjötið er flutt til að
taka ákvarðanir um innflutning.
Um tíma var talið að hvalurinn
sem veiddist væri steypireyður, en
veiðar á steypireyði eru ólöglegar á
Íslandi. Erfðarannsókn leiddi í ljós
að móðir hvalsins var steypireyður
en faðir hans langreyður og hval-
urinn því fágætur blendingur, en
fimm slíkir blendingar hafa veiðst
við Íslandsstrendur.
AFP
Veiðar Hvalurinn er blendingur langreyðar og steypireyðar. Að sögn Krist-
jáns Loftssonar sjást einkenni steypireyðar undir kvið dýrsins.
Hvalkjötið verður
ekki flutt úr landi
 Óljóst hvort útflutningur stæðist lög
BÆJARLIND 16 I 201 KÓPAVOGUR I SÍMI 553 7100 I LINAN.IS
OPIÐ MÁN TIL FÖSTUDAGA 11 - 18 I LAUGARDAGA 11 - 16
LOUNGE SÓFI kr. 89.900
1 0 % a f s l á t t u r a f n ý j u m v ö r u m
20 - 60% afsláttur af útsöluvörum
S U M A R Ú T S A L A
Núkr. 62.930
B:132 D:63 H:76
-30%