Gerðir kirkjuþings - 01.01.2017, Qupperneq 11

11
2. mál aukakirkjuþings 2017
Flutt af biskupi Íslands
Starfsreglur
um breytingu á starfsreglum um val og veitingu
prestsembætta nr. 144/2016, með síðari breytingum
1. gr.
15. tl. 1. mgr. 3. gr. starfsreglnanna falli brott. 16. tl. 1. mgr. 3. gr. verði 15. tl. og 17. tl. verði
16. tl.
2. gr.
7. gr. starfsreglnanna orðist svo:
Kjörnefnd prestakalls.
■ Kjörnefnd prestakalls er kosin á aðalsafnaðarfundi eða safnaðarfundi til fjögurra ára í
senn. Umboð allra kjörnefnda fellur niður á aðalsafnaðarfundum sókna árið 2019, en eigi
síðar en 1. júní það ár.
□Nefndin er skipuð 11 fulltrúum að lágmarki og jafn mörgum til vara. Ef fjöldi sóknarbarna
í presta kalli 16 ára og eldri, miðað við 1. desember næstliðinn er meiri en tvö þúsund skal
bæta við tveimur fulltrúum í kjörnefndina og tveimur varamönnum þeirra fyrir hvert
byrjað þúsund umfram tvö þúsund. Ef fleiri en ein sókn er í prestakalli skal tryggt að hver
sókn eigi að lágmarki einn fulltrúa. Að öðru leyti skal ákvarða fjölda fulltrúa hverrar sóknar
í kjörnefnd, aðalmanna og vara manna í hlutfalli við fjölda sóknarbarna í prestakallinu, 16
ára og eldri miðað við 1. desember næst liðinn. Varamenn hverrar sóknar skulu þó aldrei
vera fleiri en ellefu.
□Forfallist kjörnefndarmaður skal varafulltrúi sömu sóknar taka sæti hans í kjörnefndinni.
Vara fulltrúar sóknar, ef fleiri en einn eru, taka sæti samkvæmt þeirri röð sem þeir voru
kosnir.
□Hver kjörnefndarmaður fer með eitt atkvæði.
□Biskupsstofa veitir upplýsingar um fjölda kjörmanna hverrar sóknar í kjörnefnd
prestakalls.
□Prófastur er formaður kjörnefndar, stýrir störfum hennar, fundum og er í fyrirsvari fyrir
nefndina. Prófastur hefur ekki atkvæðisrétt í kjörnefnd nema kjörnefnd starfi á grundvelli
9. mgr. ákvæðis þessa.
□Allir fundir kjörnefndar skulu bókaðir og staðfestir af fundarmönnum. Þá skal kjörnefnd
gæta þess að varðveita gögn er varða starfsemi hennar. Um vörslu þessara gagna skal fara
í samræmi við gildandi lög hverju sinni. Kjörnefnd velur ritara.
□Sé presti ætlað að þjóna í fleiri en einu prestakalli skulu kjörnefndir í þeim prestaköllum
sameinaðar í eina kjörnefnd. Prófastur er formaður hinnar sameinuðu kjörnefndar og
gilda um störf hennar sömu reglur og um kjörnefndir prestakalla eins og við getur átt.
Umboð sameinuðu kjör nefndarinnar fellur niður þegar nefndin hefur lokið störfum.
□Sé presti ætlað að þjóna prestakalli að hluta og embætti héraðsprests að hluta, skal