Gerðir kirkjuþings - 01.01.2017, Síða 40

40 41
verði lögð fyrir kirkjuþing 2017 til staðfestingar. Jafnframt var lögð fram tillaga um
skipun umhverfisnefndar þjóðkirkjunnar og tillaga að tilnefningu nefndarmanna. Næst
var lögð fram tillaga framkvæmdastjóra að breytingum á úthlutunarreglum í reglugerð
um Jöfnunarsjóð sókna. Kirkjuráð ályktaði að fela framkvæmdastjóra að fara fram á að
breytingin verði gerð og samhliða fari fram heildarendurskoðun á reglugerðinni vegna
nauðsynlegra breytinga sem gera þarf á henni.
Á (2)66. fundi var fjallað um skerðingu sóknargjalda og lögð fram tafla sem sýnir að
skerðing sóknargjalda frá og með árinu 2009 er orðin samtals 5,7 milljarðar króna. Taflan
er fylgiskjal með skýrslu þessari. Fram kom að upplýsingarnar hafi verið sundurliðaðar á
sóknir landsins og sendar formönnum sóknarnefnda.
Á (2)68. fundi var lagt fram bréf forseta kirkjuþings þar sem hann boðar til kirkjuþings
2017 laugardaginn 11. nóvember n.k.
Á (2)69. fundi var lagt fram bréf biskups Íslands þar sem fundur í samstarfsnefnd Alþingis
og þjóðkirkjunnar var boðaður hinn 27. september 2017 kl. 12:00. Ekki varð af fundinum
vegna þingrofs.
Á (2)70. fundi voru lögð fram drög að starfsreglum um kirkjutónlist ásamt greinargerð
kirkjutónlistarráðs. Kirkjuráð ályktaði að vísa reglunum til kirkjuþings 2017. Þá var lagt
fram erindi sóknarnefnda Breiðholtssóknar og Fella- og Hólasóknar varðandi sameiningu
sóknanna. Jafnframt var á fundinum aftur á dagskrá umhverfisstefna þjóðkirkjunnar en
drög að nýrri umhverfisstefnu höfðu verið lögð fyrir (2)64. fund kirkjuráðs. Umhverfisnefnd
hafði endurskoðað þau drög. Kirkjuráð samþykkti að fela kirkjustarfshópi að yfirfara hin
endurskoðuðu drög.
Á (2)71. fundi var kynntur afrakstur vinnu kirkjustarfshópsins í formi nýrrar tillögu til
kirkjuþings að umhverfisstefnu þjóðkirkjunnar. Fundurinn samþykkti að leggja hana fyrir
kirkjuþing en hin endurskoðuðu drög umhverfisnefndar yrðu fylgiskjal með tillögunni,
og höfð til hliðsjónar. Þá þykir rétt að greina frá því að á þeim fundi fór jafnframt fram
kynning af hálfu ráðgjafarfyrirtækisins KPMG á gerð sviðsmynda við stefnumótunarvinnu.
Að lokum er vakin athygli kirkjuþings á áfangaskýrslu skírnarfræðslunefndar sem hún
skilaði kirkjuráði með bréfi hinn 13. október s.l. og er fylgiskjal með þessari skýrslu
kirkjuráðs til kirkjuþings en kirkjuráð leggur það í hendur þingsins að ákveða framhald
starfs nefndarinnar.
Í skýrslu þessari hefur verið leitast við að greina frá öllum þeim málum sem tekin voru á
dagskrá kirkjuráðs á kirkjuþingsárinu og afgreidd voru með ákvörðun eða skuldbindandi
samþykkt. Um heimild er vitnað til fundargerða kirkjuráðs eins og þær eru birtar á vefsíðu
kirkjuráðs.
Reykjavík í nóvember 2016
Kirkjuráð
Agnes M. Sigurðardóttir, forseti kirkjuráðs
Elínborg Gísladóttir Gísli Gunnarsson
Stefán Magnússon Svana Helen Björnsdóttir