Gerðir kirkjuþings - 01.01.2017, Page 54

54 55
□Þjónandi prestar þjóðkirkjunnar geta einnig starfað á vegum stofnana eða félagasamtaka
með samþykki biskups Íslands. Kirkjuþing setur starfsreglur um presta samkvæmt þessari
málsgrein eftir því sem við á.
15. gr.
■Almenn skilyrði til skipunar eða setningar í prestsembætti eru þessi:
1. Meistara- eða kandídatspróf í guðfræði frá Háskóla Íslands eða háskólapróf í guðfræði
sem metið verður því jafngilt.
2. Áður en kandídat hlýtur vígslu skal hann hafa hlotið starfsþjálfun og annan undirbúning
samkvæmt nánari ákvæðum í starfsreglum.
3. Kandídat sé við upphaf starfa síns sóknarmaður í þjóðkirkjunni nema samkirkjulegar
samþykktir heimili annað.
4. Kandídat hafi ekki gerst sekur um athæfi sem ætla má að rýri álit hans og sé ósamboðið
manni í prestsstarfi.
□Að öðru leyti verður kandídat að fullnægja almennum skilyrðum 6. gr. laga um réttindi
og skyldur starfsmanna ríkisins, nr. 70/1996.
16. gr.
■Biskup Íslands útnefnir prófasta úr hópi þjónandi presta.
□Kirkjuþing setur starfsreglur um val á próföstum og störf þeirra svo og um héraðsnefndir
og héraðsfundi. Þó skulu prófastar vera formenn héraðsnefnda.
17. gr.
■Þjónandi djákni þjóðkirkjunnar er hver sá sem gegnir djáknaþjónustu í kirkjunni á
grundvelli köllunar og vígslu og lokið hefur viðeigandi prófi frá Háskóla Íslands eða prófi
sem metið verður því jafngilt.
□Kirkjuþing setur starfsreglur um þjónandi djákna þjóðkirkjunnar.
18. gr.
■Biskup Íslands boðar til almennrar prestastefnu og er forseti hennar.
□Prestastefna er vettvangur biskups Íslands til samráðs um kirkjuleg málefni.
□Samþykktir um helgisiði og kenningarleg málefni sæta umfjöllun og afgreiðslu á
prestastefnu. Kirkjuþing staðfestir samþykktir prestastefnu.
□Kirkjuþing setur starfsreglur um prestastefnu að fenginni tillögu biskups Íslands og
prestastefnu.
VII. kafli.
Biskupsdæmið.
19. gr.
■Ísland er eitt biskupsdæmi.