Jökull - 01.01.2010, Side 209

Langjökulsferð 1988
nokkrir blettir útundan. T.d. varð Helgi eitt sinn að
brjóta ísbrynju af nefinu á leiðinni daginn áður. Blettir
þessir voru smurðir en menn bjuggust við skinnflagn-
ingu að minnsta kosti.
Þriðjudagur 12. apríl
Farið var á stjá kl. fimm, það lygndi um nóttina og
vindur snérist í SA andvara. Blika var yfir frá suðri.
Frost 16 gráður en mest 19 um nóttina. Höfð voru
hröð handtök um eldun og frágang. Spáð var SA
snjókomu og allhvössu vegna lægðar sunnan við land.
Ákváðum við þó að leggja í hann.
Áætlunin var að fara neðan Péturshorns 263 gráð-
ur misvísandi inn á línu milli Þursaborgar og Jarlhettu
(873 m) í nyrsta hettuklasanum. Þaðan í átt að Jarl-
hettunni 205 gráður misvísandi. Af þeirri línu niður
að jökuljaðri og með Jarlhettum að austan í Hagavatn.
Sól skein í hálfa stund en þá dró háskýjahulu yf-
ir. Lögðum við af stað kl. átta, fylgdum stikunum út á
brún og renndum okkur niður. Þar var smurt og geng-
ið stíft. Stefán náði þarna sambandi við Flug 52 sem
tók boð til Ingvars um síðustu ákvarðanirnar. Færi var
gott að því leyti að snjór var nú þéttur eftir allt rok-
ið og mörkuðu sleðar og skíði lítið sem ekkert í, en
dregið hafði í rifskafla sem voru á stundum til mikilla
trafala. Skyggni var ágætt fyrstu tímana.
Leiðin neðan Péturshorns reyndist ágæt, en
rifskaflar voru með stærsta móti er kom suður fyrir
hornið. Við héldum í ljúfum boga inn á Þursarborgar-
Jarlhettulínuna og náðum henni um kl. ellefu. Kl. tólf
áðum við á söðlinum vestur af Skriðufelli, átum rús-
ínur og súkkulaði og drukkum jöklate í tíu stiga frosti.
Vindur flökti frá SA til NV það sem af var leiðarinnar.
Rétt eftir að við fórum aftur af stað snerist vindur aftur
til SA og fór að kafsnjóa. Hvarf nú allt skyggni. Héld-
um við áfram göngunni, fór brátt að lækka og rennsli
að aukast, hiti hækkaði í um sex gráðu frost.
Er við nálguðumst Jarlhettur sveigðum við undan
hallanum í átt að jökuljaðrinum. Þar kom að við feng-
um nokkuð ákveðinn móthalla og töldum okkur vera
við jaðarinn milli Jarlhettu og Skálpaness.
Ekkert höfðum við séð á leiðinni frá Skriðufelli
nema rifskafla og nokkrum sinnum glitti á sprungu-
bunka til hægri handar. Var nú tekin stefnan 238 gráð-
ur misvísandi og liðu ekki nema tíu mínútur þar til
við grilltum í svart. Kom brátt í ljós klettur til hægri
handar og Jarlhetta framundan. Kl. var hálf fjögur
þegar við stigum af jökli og fjögur þegar við fórum
fram hjá fyrstu Hettunni. Kl. fimm minnkaði snjó-
koman og sást nú betur til Hettanna og fór að móta
fyrir landslagi. Þykk ský voru yfir og reyndist ómögu-
legt að greina mishæðir í snjónum. Við áðum um kl.
sex. Frost var nú tvær gráður snerist vindur nú til NA
og hvessti, fór að skafa.
Þegar kom niður fyrir Stakhettu (660 m) hvessti
enn og gerði renningskóf. Við héldum áfram ferð-
inni sem mest við máttum til að ná Hagavatnsskála
og náðum þangað kl. átta og vorum fegnir að ná húsi.
Hvessti nú enn. Við gengum snemma til náða eftir
ágætan kvöldverð.
Miðvikudagur 13. apríl
Hvasst var um nóttina og snjókoma. Haldið var af stað
niður að Haukadal kl. rúmlega tíu, þá var yfirskýjað
og smávegis snjókoma. Héldum við yfir tómt Farið,
fyrir Einifell og þaðan beint að Haukadal. Færð var
heldur þung og jókst hiti er á daginn leið. Snjór var
niður að efstu rofatorfum. Við héldum okkur nálægt
Sandfellinu og er snjó þraut fórum við niður gil þar
til við fundum slóðina. Í henni var snjór og gátum
við dregið sleðana alla leið niður að kirkju, þakkað
veri hinum niðurgröfnu íslensku vegum. Við geng-
um síðasta spottann í tveggja gráðu hita og úðarign-
ingu. Við komum að hinu forna höfuðbóli laust fyrir
kl. fimm e.h. Þaðan gengum við lausbeislaðir niður að
Geysi og nutum gestrisni hjónanna Greips og Kristín-
ar, þáðum þar kaffi og hverabrauð, vöfflur með rjóma
og að síðustu fengum við að fara í sundlaugina þeirra
og mýktust við það vöðvar eftir langa göngu.
Um kl. níu komu Hlíf og Auður á Subarúum tveim
og fluttu okkur í bæinn. Síðasta sameiginlega máltíð-
in var á bensínstöð í Hveragerði. Lauk þar með hinni
ágætustu gönguför.
JÖKULL No. 60 209