Jökull - 01.01.2010, Page 214

Magnús T. Guðmundsson
Í Grímsvötnum. Við gosstöðvarnar frá 2004. – At the 2004 eruption site in Grímsvötn. Ljósm./Photo. Ásdís
Jónsdóttir.
4. Grímsvatnasvæðið var kortlagt með GPS mæling-
um. Einkum voru breytingar á sigkötlum kannaðar
en eftir gosið 2004 þeir hafa stækkað verulega norðan
gosstöðvanna. Að sama skapi hefur dregið úr jarðhita-
virkni austan Gríðarhorns.
5. Settar voru upp 20 stikur í Grímsvötnum en þær
verða mældar inn aftur í haust. Þá mun fást skriðhraði
íssins inn til vatnanna.
6. GPS landmælingar gengu mjög vel. Stillt var upp
á Hamrinum, Grímsfjalli, Kverkfjöllum, skeri því í
Skeiðarárjökli sem nefnt hefur verið Vöttur, og á nýj-
um stað: Kletti norðan Esju í Esjufjöllum.
7. Tekið var snið af gjóskulagi frá 1998 og sýnum
safnað uppi á Vestari Svíahnjúk. Þar féll gjóska
einkum fyrsta daginn í gosinu. Lagið var 140 cm
þykkt og lá beint ofaná gjalli frá 1934.
8. Í Kverkfjöllum vann hópur að því að kortleggja og
mæla varmaflæði frá jarðhitasvæðunum í Efri Hvera-
dal og við Gengissig, jafnframt því sem tekin voru
gassýni. Einnig var könnuð útbreiðsla jarðhita kring-
um Jörfa í Eystri Kverkfjöllum.
9. Ný íssjá var með í för og var hún prófuð í Gríms-
vötnum. Að því loknu var farið með hana á Öræfajök-
ul og ísþykkt mæld í öskjunni og hlíðunum að norðan
og norðaustan.
10. Leitað var masturs í Eystri Skaftárkatli sem grófst
undir vetrarsnjó. Við mastrið eru fest mælitæki sem
geyma upplýsingar um sig ketilsins í hlaupinu síðast-
liðið haust. Bergur Einarsson, Magnús Þór Karlsson
og Tómas Jóhannesson héldu til í katlinum yfir Hvíta-
sunnuhelgina og leituðu með segulmælum en allt kom
fyrir ekki. Héldu þeir félagar til byggða á þriðjudag 2.
júní.
11. Unnið var að viðhaldi jarðskjálftamælis og sendi-
búnaði honum tengdum auk annarra tækja.
12. Á Grímsfjalli var dittað að húsum og rafstöð.
Leiðangurinn flutti olíu fyrir rafstöðina og birgðir fyr-
ir ferðir haustins.
214 JÖKULL No. 60