Jökull - 01.01.2016, Page 103

Jöklabreytingar 2014–2015
Búrfellsjökull – Samkvæmt skýrslu Sveins Brynjólfs-
sonar er ±10 m óvissa á stöðu sporðsins vegna þess
að sporðurinn er tættur og jaðarinn ógreinilegur.
Bægisárjökull – Ekki var hægt að mæla sporðinn
vegna snjóa en eins og segir í skýrslu Jónasar Helga-
sonar: „Þegar við horfðum til jökulsins frá mynda-
tökustaðnum varð endanlega ljóst það sem ég hafði
gert ráð fyrir. Gríðarlegur snjór liggur á jöklinum og
langt niður fyrir eiginlegan jökulsporð. Varla er að
finna blett þar sem sumarhitinn [hefur] náð að bræða
allan snjóinn frá síðasta vetri. Það var því alveg ljóst
að engar marktækar mælingar yrðu gerðar að þessu
sinni.“
Tungnahryggsjökull – Mælingar eru nú aftur hafnar
við Tungnahryggsjökul í umsjón Sverris Aðalsteins
Jónssonar. Seinast var mælt við jökulinn 1958 en
varðan sem þá var mælt frá fannst og því hægt að
tengja mælingarnar saman.
Grímslandsjökull – Líkt og undanfarin ár var ekki
hægt að mæla sporðinn vegna snjóa.
Langjökull
Geitlandsjökull – Ekki var hægt að mæla jaðarinn
vegna snjóa.
Kerlingarfjöll
Loðmundarjökull eystri – Ekki hefur verið mælt við
jökulinn í nokkur ár og er honum því sleppt úr gagna-
töflu að þessu sinni. Fyrri mælingar er hægt að nálgast
í jöklabreytingaskýrslum fyrri ára eða á vef Jöklarann-
sóknafélagsins spordakost.jorfi.is
Hofsjökull
Múlajökull suður – Samkvæmt skýrslu Hermanns
Leifssonar sem nú mældi fyrir föður sinn hverfur
sporðurinn í lón og því erfitt að staðsetja hann ná-
kvæmlega. Jökulinn blakkur og vottar ekki fyrir snjó
við neinn mælistað á Múlajökli.
Sátujökull við Eyfirðingahóla – Valgeir Steinn Kára-
son hefur nú tekið við mælingum Sátujökuls af Braga
Skúlasyni. Við þökkum Braga fyrir mælingar undan-
genginna ára. Samkvæmt skýrslu Valgeirs voru að-
stæður til mælinga nú í ár líkt og í fyrra ekki góðar.
Það var erfitt að greina jaðarinn vegna malardreifar á
jaðrinum og mikillar aur- og sandbleytu við jaðarinn.
Sátujökull á Lambahrauni – Skýrslu Valgeirs fylgja
lýsingar á vatnafari framan við jökulinn: „Frekar lít-
ið vatn var í austustu kvísl / Skálakvísl en hafði verið
talsvert mikið í sumar og haust, þrátt fyrir kuldatíð.
Lítið vatn var í mið- og vestustu kvíslunum, en hafði
greinilega verið talsvert fyrr í haust og sumar.“
Mýrdalsjökull
Sólheimajökull – Samkvæmt skýrslu Einars Gunn-
laugssonar og Hildigunnar Þorsteinsdóttur hopar jök-
ullinn enn og lónið fram við hann hefur stækkað en
lítið er um jaka á lóninu. Slétt sandorpin íshella er rétt
framan við jökulsporðinn.
Vatnajökull
Síðujökull – Ekki hefur verið mælt við jökulinn í
nokkur ár og er honum því sleppt úr gagnatöflu að
þessu sinni. Fyrri mælingar er hægt að nálgast í jökla-
breytingaskýrslum fyrri ára eða á vef Jöklarannsókna-
félagsins spordakost.jorfi.is
Skeiðarárjökull vestur – Ekki var komist að jöklinum
vegna Súlu. Jökullinn var hvítþveginn af regni sam-
kvæmt skýrslu Hannesar Jónssonar.
Skeiðarárjökull austur – Austurhluti Skeiðarárjökuls
gengur fram á öllum þrem mælistöðunum haustið
2015. Miklar breytingar hafa átt sér stað þar fram-
an við jökulinn undanfarin ár og Skeiðará rennur nú
frá útfalli sínu austast í jöklinum meðfram öllum jök-
ulsporðinum. Áin fer sumstaðar í gegnum lón fram-
an við sporðinn en undir sporðinn á öðrum stöð-
um. Ekki er ljóst hvaða áhrif þessi vatnagangur hef-
ur á stöðu sporðsins en samkvæmt skýrslum Ragn-
ars F. Kristjánssonar er jökullinn væntanlega á floti á
hluta mælistaðanna. Mælt með fjarlægðarkíki á öllum
mælistöðunum.
Morsárjökull – Mælt með fjarlægðarkíki. Jökullinn
úfinn og ekkert lón framan við jökulsporðinn að vest-
an verðu við mælilínuna samkvæmt skýrslu Ragnars
F. Kristjánssonar.
Skaftafellsjökull – Samkvæmt skýrslu Svövu B. Þor-
láksdóttur er mæling ársins ónákvæm. Mælt er með
fjarlægðar kíki yfir lón en jökuljaðarinn er ójafn og
„vík“ er inn í jökulinn í stefnu mælilínunnar. Niður-
staða mælingarinnar er því mjög háð smá breytingum
í stefnunni sem kíkt er eftir.
JÖKULL No. 66, 2016 103