Fréttablaðið - 24.10.2018, Blaðsíða 46

Netverslun Nettó hefur vaxið ört frá því að henni var hleypt af stokkunum fyrir rúmu ári í gegnum
markaðstorgið aha.is. Fyrirtækið
stefnir á mikinn vöxt næstu árin í
takt við aukin matarinnkaup lands­
manna á netinu.
„Hver mánuður sem líður er
stærsti mánuðurinn. Október
verður stærsti mánuðurinn frá
upphafi, nóvember verður stærsti
mánuðurinn frá upphafi og svo
koll af kolli. Við erum að sjá fyrir
okkur að á næstu þremur árum
muni netverslun Nettó tífaldast að
stærð,“ segir Gunnar Egill Sigurðs­
son, framkvæmdastjóri verslunar­
sviðs Samkaupa.
Samkvæmt skýrslu Rannsóknar­
seturs verslunarinnar var ársvöxtur
í sölu á mat á netinu næstum 170
prósent þegar velta á fyrri helm­
ingi 2017 er borin saman við sama
tímabil 2018. „Matvörur hafa verið
á eftir öðrum vörum eins og raf­
tækjum og fatnaði í netverslun en
við sjáum mikinn vöxt fram undan.
Þetta er svipað og þegar maður
hikaði við að klára fyrstu flugmiða­
kaupin á netinu og hringdi í sölu­
skrifstofuna. Þegar þetta er komið í
vana verður ekki aftur snúið.“
Gunnar Egill segir að það hafi
komið á óvart hversu stór hluti
ferskvörur eru af matarkaupum
fólks í netverslun Nettó. „Ég hafði
búið teymið undir það að megnið
af sölunni yrði hilluvörur. Síðan
kom á daginn að þeir sem eru að
versla á netinu haga sér eins og í
venjulegri verslun og treysta okkur
til að útvega góðar ferskvörur,“
segir Gunnar Egill og bætir við að
einnig hafi komið á óvart að þeir
sem panta á netinu virðast horfa
lengra fram í tímann en þeir sem
fara í verslanir. Salan sé hlutfalls­
lega meiri.
Fleiri afhendingarstaðir í pípunum
Í upphafi var einn afhendingar­
staður, í Mjóddinni, en fyrr á þessu
ári var strax farið í að bæta öðrum
við vegna mikillar eftirspurnar. Þá
eru fjórir til fimm á teikniborðinu.
„Við sáum að margir í vesturhluta
borgarinnar nýta sér þjónustuna í
Mjóddinni og við ákváðum þá að
opna aðra afhendingaraðstöðu úti
á Granda. Nú erum við að skoða það
að opna einn til tvo afhendingar­
staði á höfuðborgarsvæðinu og
möguleikann á að opna á Akureyri
og í Reykjanesbæ. Við fáum sífellt
fleiri beiðnir um að opna á Akur­
eyri og í Reykjanesbæ og við metum
það svo að þessi markaðssvæði geti
verið nógu stór til þess að standa
undir þjónustunni.“
Unnið er að því að setja upp sjálf­
virka afhendingarstöð í Mjódd þar
sem fólk getur sótt pantaðar vörur
í sérstaka skápa. „Hugmyndin er
sú að þú pantar og þú færð sendan
kóða. Þegar þú kemur síðan niður á
staðinn slærðu inn kóðann og skáp­
arnir opnast. Það er einn skápur
fyrir frystivörur, annar fyrir kæli­
vörur og þriðji fyrir hilluvörur.“
Þá segir Gunnar Egill að það hafi
verið áskorun að sníða lausn fyrir
eins lítinn markað og Ísland, og
halda verði lágu. „Við ákváðum að
fara þá leið að nýta verslanir Nettó
og okkar góða starfsfólk þar til að
veita þjónustuna í stað þess að vera
með miðlægt vöruhús. Það er skil­
virkni í formi samnýtingar og gerir
okkar einnig kleift að viðhalda gæð­
unum betur en ella. Síðan höfum
við séð þetta skila sér í ánægju við­
skiptavina því miðað við mælingar
hefur Nettó aldrei séð eins háan
ánægjustuðul og sést hjá viðskipta­
vinum netverslunar.“ – tfh
Nettó ætlar að tífalda netverslunina
Framkvæmdastjóri verslunarsviðs Samkaupa segir mikinn vöxt í netverslun með matvörur fram undan. Viðskiptavinir kaupi fersk-
vörur á netinu í jafnmiklum mæli og í venjulegum verslunum. Skoða opnun á fimm nýjum afhendingarstöðum vegna eftirspurnar.
Gunnar Egill segir að hver mánuður sem líði sé stærsti mánuðurinn í sölu. Fréttablaðið/anton brink
netverslun á vörum nettó fer fram gegnum markaðstorgið aha.is.
Ég hafði búið
teymið undir það að
megnið af sölunni yrði
hilluvörur. Síðan kom á
daginn að þeir sem eru að
versla á netinu haga sér eins
og í venjulegri verslun og
treysta okkur til að útvega
góðar ferskvörur.

Almenni lífeyrissjóðurinn er fullgildur lífeyrissjóður og hefur starfsleyfi samkvæmt lögum um
skyldutryggingu lífeyrisréttinda og starfsemi lífeyrissjóða. Hjá sjóðnum starfar samheldinn hópur
starfsmanna sem leggur metnað sinn í að vinna vel fyrir sjóðfélaga og veita úrvalsþjónustu.
Í boði er vinnustaður sem hlúir að starfsfólki með góðri vinnuaðstöðu og áhugaverðum og
fjölbreyttum verkefnum.
SKÓGARHLÍÐ 12 105 REYKJAVÍK SÍMI 520 4700
Almenni lífeyrissjóðurinn óskar eftir að ráða áhættustjóra til að hafa umsjón með áhættustýringu
og innra eftirliti hjá sjóðnum í samræmi við áhættustefnu og áhættustýringarstefnu sjóðsins.
Næsti yfirmaður áhættustjóra er framkvæmdastjóri.
Upplýsingar veitir:
Sverrir Briem, sverrir@hagvangur.is
Helstu verkefni
• Umsjón með eigin áhættumati, mótun áhættustefnu og
áhættustýringarstefnu
• Umsjón með eftirlitsaðgerðum í takt við áhættu- og áhættustýringarstefnu
• Framkvæmd greininga og eftirlits. Önnur verkefni tengd áhættueftirliti
• Heildaryfirsýn yfir verkferla, áhættumöt, skýrslur innri endurskoðanda,
innri úttektir, o.fl.
• Ritari endurskoðunarnefndar
• Samskipti, skýrslugerð og miðlun upplýsinga til eftirlitsaðila og stjórnenda
Hæfniskröfur
• Greiningarhæfni, samskiptahæfni, frumkvæði, sjálfstæð og öguð
vinnubrögð
• Háskólamenntun sem nýtist í starfi
• Hæfni í að greina tölulegar upplýsingar og setja þær fram með
skipulögðum hætti
• Reynsla af notkun fyrirspurnartóla fyrir gagnagrunna
• Gott vald á íslensku og ensku
• Reynsla af áhættustýringu er kostur
ÁHÆTTUSTJÓRI
Umsóknarfrestur er til og með 5. nóvember 2018.
Umsóknir óskast fylltar út á www.hagvangur.is
Umsóknum skal fylgja ýtarleg ferilskrá og kynningarbréf.
2 4 . o k t ó b e r 2 0 1 8 M I Ð V I k U D A G U r8 markaðurinn
2
4
-1
0
-2
0
1
8
0
4
:4
1
F
B
0
6
4
s
_
P
0
4
6
K
.p
1
.p
d
f
F
B
0
6
4
s
_
P
0
3
5
K
.p
1
.p
d
f
F
B
0
6
4
s
_
P
0
1
9
K
.p
1
.p
d
f
F
B
0
6
4
s
_
P
0
3
0
K
.p
1
.p
d
f
A
u
to
m
a
tio
n
P
la
te
re
m
a
k
e
: 2
1
2
7
-0
5
C
0
2
1
2
7
-0
4
8
4
2
1
2
7
-0
3
4
8
2
1
2
7
-0
2
0
C
2
7
5
X
4
0
0
.0
0
1
4
A

F
B
0
6
4
s
_
2
3
_
1
0
_
2
0
1
C
M
Y
K