Breiðfirðingur - 01.04.1955, Blaðsíða 24

22
BREIÐFIRÐINGUR
Ásbjarnarnesi. Á heimili frænda hans var gnægð efna, fram-
farahugur, festa í heimilisháttum og vinnubrögð til fyrir-
myndar á þeirra tíma vísu. Dvölin þarna mun því hafa
reynzt Torfa sem góður skóli, stælt viljaþrek hans og vakið
hjá honum sóknarhug.
Á þessum árum kemur Torfi óvænt fram á opinberan
vettvang og verður þjóðkunnur maður með sérstæðum hætti.
Árið sem hann kom að Þingeyrum hét enskur mannvinur,
er ferðazt hafði hér á landi, tvennum verðlaunum fyrir
beztu svörin við svohljóðandi spurningu:
Hvað á að gera til að draga úr hinum mikla manndauða
á íslandi?
Fjórar ritgjörðir bárust og um þær dæmdu biskup lands-
ins, landlæknir og einn ritstjóri. Fyrstu verðlaun hlaut séra
Þórarinn Böðvarsson, prófastur í Vatnsfirði, en önnur verð-
laun yngismaður, Torfi Bjarnason í Ásbjarnarnesi. Báðar
þessar ritgjörðir voru birtar á prenti. Aðaluppistöðuna í
svari Torfa mun að finna í eftirfarandi orðum:
„Láttu skynsemina stýra öllum heimilisháttum. Það styrk-
ir sál og líkama, veitir gleði og ánægju og lengir líf þitt;
en leyfðu ekki vananum að draga hana undir ánauðarok
sitt. Það sljóvgar sálina, veikir líkamann, bakar sorg og
bágindi og tekur af þér lífið á miðri leið.“
Margt bendir á, að þetta atvik í lífi Torfa hafi hjálpað
honum inn á nýja vegi. Hversu margir vinnumenn í sveit
á Islandi hafa orðið verðlaunaðir rithöfundar án skóla-
göngu? Athygli hlaut að beinast að hinum unga manni —
athygli, sem leiddi til athafna.
I Húnavatnssýslu var um þessar mundir vaknaður áhugi
fyrir að koma upp fyrirmyndarbúi. Höfðu Húnvetningar
nú mjög augastað á Torfa til að veita því búi forstöðu.
Þetta leiddi til þess, að vorið 1866 sigldi Torfi til Skot-