Breiðfirðingur - 01.04.1955, Blaðsíða 23

BREIÐFIRÐINGUR
21
Eitthvað þessu líkt skeður, þegar litið er inn í liðna tíð.
Við vitum, að margt fagurt felst þar að skýjabaki, sem við
vildum sjá í skæru ljósi, afhjúpa móðu gleymskunnar og
geyma í myndasafni minninganna. En jafnan verða það
hnjúkarnir háu, er koma þar fyrst í ljós. Þeir einstakling-
ar, er standa eins og klettar í tímans hafi — hin sterku af-
burðamenni, er markað hafa djúp spor á braut menningar-
innar — rist djúpar rúnir á spjöld sögunnar.
Við helgum þennan dag tveim slíkum einstaklingum,
þeim víðkunnu merkishjónum frú Guðlaugu Zakaríasdóttur
og Torfa Bjarnasyni, skólastjóra í Olafsdal.
Torfi Bjarnason er fæddur að Skarði á Skarðsströnd 28.
ágúst 1838. Eru því í dag liðin rétt 117 ár frá fæðingu
hans. Foreldrar hans voru Bjarni Bjarnason, uppeldissonur
Skúla Magnússonar kammerráðs að Skarði og Ingibjörg
Guðmundsdóttir bónda að Tindum.
A unga aldri fluttist Torfi með foreldrum sínum að
Bessatungu í Saurbæ og þar ólst hann upp fram yfir tví-
tugsaldur. Varð hann snemma aðalfyrirvinna heimilisins,
því að faðir hans var þá bilaður að heilsu. Fremur erfiðar
heimilisástæður samhliða takmörkuðum tækifærum nám-
fúsra ungmenna á þessum tímum til að menntast, settu
svip sinn á þroskaár þrekmikils æskumanns. En bak við
strit hversdagsleikans fólst neisti. Brekkurnar í Bessatungu
framkölluðu svitadropa á enni unglingsins. Utsýnið þaðan,
hið fagra, óx að mikilleik við hverja brekkubrún, sem áð
var á. Og eitthvað óljóst sveif í loftinu og jók eftirvænt-
ingu eftir viðburðaríkari dögum.
Tuttugu og fjögra ára að aldri fór Torfi úr föðurgarði.
Norður í Húnavatnssýslu bjó þá frændi hans, hinn þjóð-
kunni merkisbóndi, Asgeir Einarsson á Þingeyrum. Þangað
var ferðinni heitið. Og þar, hjá frænda sínum, dvaldi Torfi
næstu árin við landbúnaðarstörf, bæði á Þingeyrum og í