Breiðfirðingur - 01.04.1955, Side 68

Pétur Kúld Pétursson
„Einn kynlegur halur hœru^grár
í hólmanum yzta bjó,
mjög hversdagsgœfur, en heldur jár
og hafSist mest viS á sjó.“
Á gamlársdag árið 1874 fæddist í Svefneyjum á Breiða-
firði drenghnokki. Sá var dökkur yfirlitum, brúneygur og
fagureygur og að öllu hinn föngulegasti. — En þó svo væri,
var koma hans í þennan heim ekki öllum óblandið fagn-
aðarefni. Foreldrarnir voru ungir elskendur, en ógift, og
mun svo hafa verið til ætlast, að minnsta kosti af sumum,
er nærri stóðu, að þau yrðu aldrei hjón. -—- Þetta fór þó
á annan veg, þau Sveinsína Sveinsdóttir frá Vesturbúðum
í Flatey og Pétur Hafliðason í Svefneyjum, en svo hétu
foreldrarnir, giftust að tólf árum liðnum, gerðust búendur
í Svefneyjum og Hvallátrum á Breiðafirði, eignuðust átta
gjörvuleg börn, lifðu í farsælu hjónahandi til æviloka og
gátu sér hinn bezta orðstír í hvívetna. — Pétur Hafliðason
drukknaði á Breiðafirði 29. sept. 1910, en Sveinsína and-
aðist á Reykjum í Mosfellssveit hjá Ingibjörgu dóttur sinni
og manni hennar, Guðmundi Jónssyni skipstjóra, 28. júní
1928.
Drengurinn, sem fæddist á síðasta kveldi þjóðhátíðarárs-
ins í Svefneyjum, var skírður Pétur Kúld. Hann ólst upp
þar í eyjunum hjá afa sínum og ömmu, Olínu Friðriks-
dóttur og Hafliða hreppstjóra Eyjólfssyni. Þegar hann óx
úr grasi, gerðist hann brátt augasteinn og eftirlæti afa síns,
og er mér sagt af manni, er þar mátti vita glögg deili á,