Ófeigur - 01.05.1946, Qupperneq 18

18
ÓFEIGUR
Nú var svo komið, að launastéttir bæjanna höfðu hækk-
að kaup sinna félagsmanna með hverri tunglkomu. Þær
stéttir standa saman um stjórn landsins og yfirráð í þing-
inu. Búnaðarfélag ísílands er skrifstofa fyrir búnaðarmál
á vegum ríkisins, en í framkvæmd hálfatvinnulaust ráðu-
neyti, með forráðamenn, sem sitja á þingi hálft árið. Þessi
stofnun er af og til að reyna að ákveða verðlag á vörum,
en það er að engu haft. Hún er að reyna að mynda og
fella stjórn, en verður ekki ágengt. Það hafði vel ritfæran
og vel hæfan landbúnaðarmann sem ritstjóra að búnaðar-
blaði, en sendi hann til yfirsóknar í stjórnarráðinu, en
fékk í staðinn mann, sem gerir búnaðarblaðið að keppi-
naut „Spegilsins“. í stað þess að skilja það, að bændastétt-
in verður að hafa þrenns konar sérstök hagsmunasamtök,
samvinnufélögin, ræktunarsamböndin og kaupkröfufélög
bænda, reyna forráðamenn búnaðarmálanna að flétta alla
þessa þætti saman í óleysanlega og algerlega áhrifalausa
bendu.
Fyrir misheppnaða yfirgangsstefnu Búnaðarfélags Is-
lands er bændastéttin nú sundruð og vanmegnug bæði um
búnaðar- og verðlagsmál.
XVI.
Steingrímur Steinþórsson hefir leitað eftir baráttuað-
stöðu við mig á bændafundum í Árness- og Þingeyjarsýsl-
um. Eg held, að málafærsla hans hafi á hvorugum staðn-
um borið sýnilegan árangur. En Steingrímur búnaðar-
málastjóri á skilið að hafa betri vígstöðu en hann hefir
valið sér. Ég er fús að benda honum á réttu leiðina, með
því að manngildi hans er óspillt, þó að hann ha'fi um
stund lent í óheppilegum félagsskap. Steingrímur verður
að skilja, að Búnaðarfélag íslands hlýtur að kasta frá sér
sínum pólitísku hækjum og stunda eingöngu búnaðarmál-
efni. Steingnímur búnaðarmálastjóri ætti að skilja, að það
er hans stofnun, sem átti að taka upp fjárskiptastefnuna,
en ekki láta mig og Pétur Magnússon verða til að skýra
málið og lögfesta hina réttu framtíðarákvörðun. Stein-
grímur verður að skilja, að ráðunautarnir allir, nema