Ófeigur - 01.05.1946, Síða 20

20
ÓFEIGUR
á Akureyri stóðu ekki í þakkarskuld við Ólaf fyrir sér-
stakar velgerðir, heldur mættu þeir minnast hans sem
andstæðings með alla eiginleika músarholusjónarmiðsins.
Ekki er liðveizla Ólafs mjög dýrmæt á búnaðarmála-
sviðinu. Hann settist í hinn stóra stól Sigurðar búnaðar-
málastjóra og náði hvergi út að umgerðinni. Sigurður
hafði skapað, með andlegri tækni og orku, bæði gróðrar-
stöðina við kirkjuna og stöð Ræktunarfélagsins. Sigurður
og Páll Briem höfðu skapað Ræktunarfélag Norðurlands
og sterka hrifningu fyrir ræktun og að klæða landið skógi.
Er saga þeirra Páls og Sigurðar í norðlenzkum ræktunar-
málum samfelldur siguróður. En eftir að Ólafur Jónsson
fékk lyklavöldin eftir þá, var sem ský drægi fyrir sólu.
Hann tók við launum sínum úr ríkissjóði fyrir að vera í
stöðunni. Trjágróðri og grasblettum Sigurðar mun vera
haldið við fyrir opinber framlög. En áhuginn á að klæða
landið fór í langt ferðalag upp í eyðistaði, þar sem ógæfu-
menn fyrri alda höfðu reynt að fela ólán sitt utan við
vanmáttugt þjóðfélag. í stað hinnar skapandi sóknar á
dögum Páls og Sigurðar hélt kyrrstaða og íhald innreið
sína í heimili Ræktunarfélagsins. Trén og grasblettirnir
minntu á hið fyrra líf og starf, en að öðru leyti virðist
þjóðin tæplega gera sér grein fyrir, að Ræktunarfélag
Norðurlands sé enn á lífi. Táknrænt dæmi er það, að vinir
og vandamenn Páls Briems létu fyrir nokkrum árum gera
af honum fagurt brjóstlíkneski úr málmi og gefa það til
Akureyrar í því skyni, að það yrði reist í gróðrarstöðinni.
En Ólafur Jónsson var ekki mjög áhugasamur um, að
haldið sé á lofti minningunni um hina miklu athafna-
menn, sem get höfðu frægan þann garð, sem nú er lagður
lágt, og myndin af einhverjum mesta frægðarmanni ís-
lenzkra ræktunarmála liggur nú vanhirt innan um skran
á vegum félags, sem átti að vaka, en er nú í svefnrofum.
XVIIL
Ólafur Jónsson hefir nú um alllangt skeið verið bún-
aðarþingsmaður fyrir Mbl.menn í Eyjafirði, en ekki fara
sögur af áfreksverkum hans á því sviði. Hann hefir setið