Dagblaðið Vísir - DV - 21.08.2019, Side 4

4 FRÉTTIR 21. ágúst 2019
Við mætumst á ný, fávitinn þinn
Svarthöfði
Það er
staðreynd að…
Skjaldbökur geta andað með
afturendanum.
Asnar valda fleiri dauðsföllum en
flugslys.
Volvo þýðir „ég snýst“ á latínu.
Keila var fundin upp í Egyptalandi.
Fyrsta kærasta Johns Lennon hét
Thelma Pickles.
Hver er
hann
n Hann er fæddur
árið 1952 í Reykjavík.
n Hann útskrifaðist
með B.A.-gráðu í ensku
og bókmenntafræðum
frá Háskóla Íslands.
n Hann fékk Fulbright-styrk til
þess að fara í framhaldsnám við
Háskólann í Suður-Kaliforníu.
n Hann á eina af vinsælustu fata-
línum landsins.
n Hann er er góðvinur Nicolas Cage.
SVAR: SIGURJÓN SIGHVATSSON
Jæja, hér mætumst við á ný.
Svarthöfði og lesendur DV sem
elska að kjamsa á einkamál-
um annarra. Svarthöfði hefur
ekkert breyst síðan í fyrra og ég
veit að þú, kæri lesandi, hefur
heldur ekkert breyst. Þú elskar
enn að slúðra og skrafa á kaffi-
stofunni um hvað hinn og þessi
er með í laun, Svarthöfða finnst
enn að þú sért fáviti sem eigi að
skammast sín.
Svarthöfði er á móti tekju-
blöðum. Svarthöfða finnst al-
gjörlega galið að birta tekjur
fólks, að dýfa sér svo langt ofan
í einkamál fólks og finna þeirra
veikasta punkt. Eigum við ekki
bara líka að birta lista yfir alla
sem halda framhjá? Alla sem
eru stoppaðir af löggunni? Hvað
með vanskilaskrána – eigum við
ekki að birta hana líka fyrst við
erum að þessu?
Svo er það sú staðreynd að
þessar tekjutölur eru meingall-
aðar. Svarthöfði blaðaði í tekju-
blaði síðasta árs til að koma
sér í gírinn fyrir þetta ár. Í því
var heimsfrægur athafnamað-
ur með klink á mánuði og tekj-
ur eins þekktasta áhrifavalds Ís-
lands voru varla upp í nös á ketti.
Bókstaflega. Ég meina, hver er
með sextán þúsund krónur í
mánaðarlaun?! Svo eru það bé-
vítans listamennirnir sem svíkja
allir meira og minna undan
skatti. Það er ekki hægt að taka
svona tekjublöð alvarlega.
Svarthöfði skilur heldur ekki
af hverju við viljum sí og æ vera
að grafa undan trúnaði á vinnu-
markaði. Það er staðreynd að
það eiga ekki allir sömu laun
skilið. Það er líka staðreynd að
sumir eru ófærir um að líta í
eigin barm og er fyrirmunað
að skilja af hverju Jón í næstu
skrifstofu er með 200 þúsund
kalli meira á mánuði. Því verður
þessi tekjubirting alltaf helvítis
vesen og leiðindi.
Því segir Svarthöfði, eins og
hann sagði í fyrra og árið þar
áður og þar áður og þar áður,
– Skammastu þín fyrir að lesa
tekjublaðið, velta þér upp úr
málefnum náungans og upplifa
óhugnanlega sæluvímu við að
sjá að þú ert með hærri laun en
sessunautur þinn. Skammastu
þín og farðu í kalda sturtu til að
skola af þér smáborgaraháttinn
og ómerkilegheitin.
2
8 ára íslensk kona sem
búsett er í Massachussets
var í maí síðastliðnum
ákærð fyrir sölu og vörslu
á lyfseðlisskyldum lyfjum. Gerði
lögreglan innrás á heimili kon-
unnar, Rakelar Ólafsdóttur, að
undanfarinni tveggja og hálfs
mánaðar rannsókn.
Middleborough er 25 þúsund
manna bær í Massachussetts -
fylki, í klukkutíma akstursfjarlægð
frá Boston.
Rakel er eigandi sólbað-
stofunnar Rakel’s Tanning Salon
and Beautiqe sem er í miðbæ
Middleborough. Var stofan opnuð
í apríl síðastliðnum en lokað í kjöl-
far þess að lögreglan gerði þar inn-
rás. Stofan var opnuð á ný þann
24. maí síðastliðinn.
Samkvæmt upplýsingum frá
lögreglunni í Middleborough voru
„nokkur“ tilfelli í bænum þar sem
ungmenni tóku of stóran skammt
af lyfjum, og enduðu sum þeirra
með dauðsfalli. Í framhaldinu
höfðu fjölskyldumeðlimir sam-
band við lögreglu og upplýstu að
Rakel væri að selja lyf. Í kjölfarið
hófst lögreglurannsókn sem stóð
yfir í rúmar sex vikur og endaði á
því að gefin var út heimild til hús-
leitar á heimili Rakelar.
Með 1,4 milljónir í reiðufé
Samkvæmt upplýsingum sem DV
hefur undir höndum gerði lög-
reglan innrás inn á heimili Rakelar
um hádegisbil þann 7. maí síðast-
liðinn. Við leit á heimilinu fundust
skammtar af fentanyl og percocet,
sem hvort tveggja er afar sterkt
verkjalyf, skyld morfíni. Þá fund-
ust einnig skammtar af suboxone,
lyfi sem notað er við ópíóðafíkn og
klonopin, sem er róandi lyf.
Þá fannst einnig reiðufé upp á
11 þúsund dollara sem samsvarar
tæplega 1,4 milljónum íslenskra
króna. Einnig var lagt hald á vog-
ir og töluvert af áhöldum sem ætl-
uð eru innpökkunar á fíkniefnum.
„Ég held að fólki sé farið að
blöskra að horfa upp á alla þessa
ofneyslu, og ég er þakklátur þeim
fjölskyldum sem stigu fram til að
aðstoða við að koma þessari konu
bak við lás og slá,“ sagði Joseph
Perkins, lögreglustjóri í yfirlýs-
ingu.
Fram kemur að Rakel hafi ver-
ið handtekin þegar í stað og færð
fyrir dómara samdægurs. Dómur-
inn úrskurðaði að hún skyldi látin
laus gegn greiðslu tryggingar upp
á fimm þúsund dollara, tæpar 620
þúsund íslenskar krónur.  Þá var
málið aftur tekið fyrir þann 6. júní
síðastliðinn.
Var Rakel ákærð fyrir sölu á
fentanyl og percocet og fyrir vörslu
á suboxone og klonopin.
Á Facebook-síðu lögreglunnar
í Middleborough hafa fjölmargir
bæjarbúar skrifað athugasemd
þar sem þeir hrósa vinnubrögðum
lögreglunnar í málinu. Þá hafa
fjölmargir einnig lýst yfir reiði
sinni og kalla eftir harði refsingu.
„Vonum að dómarinn sé starfi
sínu vaxinn. Þessir dópsalar eiga
að fá þunga dóma,“ ritar einn.
Annar bæjarbúi skrifar: „Það
ætti að ákæra hana fyrir morð.
Hún er jafn sek og ef hún hefði
tekið í gikkinn á skammbyssu.“
Segir sakirnar upplognar
„Ég er fíkill í bata og mér var búið
að ganga mjög vel. Ég var búin að
opna mína eigin verslun, en síðan
missti ég tökin í rúman mánuð,“
segir Rakel í samtali við DV. Hún
heldur fram sakleysi sínu í málinu.
Rakel segist gruna að símtöl-
in til lögreglunnar hafi komið frá
tveimur stúlkum sem hún var
áður í samskiptum við. Hún lokaði
á þau samskipti og segir stúlkurn-
ar hafa tekið því illa. „Það er eins
og þær hafi snúist gegn mér vegna
þess að það var mjög stutt á milli
þessara símtala.
Það er ekkert hægt að sanna á
mig, sem er gott,“ segir Rakel og
bendir á að lögreglan hafi ekki
notast við svokallaða „controlled
buy“-aðferð, þar sem einstakling-
ur á vegum lögreglunnar fer og
kaupir af grunuðum fíkniefnasala.
Því sé ekki hægt að sanna að hún
hafi verið að selja lyf.
Hún viðurkennir að hafa not-
að efnin sjálf, þegar hún hefur ver-
ið að skemmta sér með öðrum, og
það sé allt og sumt.
„Ég hef ekki verið að selja neitt
og ég er ekki ábyrg fyrir neinu af
því sem þau segja.“
Þá segir Rakel að reiðuféð sem
fannst á heimili hennar hafi ekki
tengst fíkniefnasölu. „Leigusalinn
minn var búinn að stefna mér fyr-
ir dóm út af láni sem ég tók hjá
honum, en ég hafði frest þangað
til í september til að greiða það
upp. Ég safnaði þess vegna saman
þessum pening til að geta lagt
fram greiðslu fyrir dómnum.“
Hún segir málið ennþá vera
opið og á meðan sé hún undir
rafrænu eftirliti. „Fíklar fara út af
sporinu, það getur gerst og það er
hluti af batanum.
Þetta er mestallt orð á móti
orði,“ segir Rakel að lokum en hún
segist búast við skilorðsbundnum
dómi til tveggja eða þriggja ára
vegna málsins. n
Íslensk kona ákærð fyrir dópsölu
Auður Ösp Guðmundsdóttir
audur@dv.is
n Lögregla réðst inn á heimili Rakelar Ólafsdóttur n „Ætti að ákæra hana fyrir morð“
Ljósmynd: Lögreglan í Middleborough