Morgunblaðið - 14.05.2019, Blaðsíða 6

6 FRÉTTIRInnlent
MORGUNBLAÐIÐ ÞRIÐJUDAGUR 14. MAÍ 2019
Gerum við hedd
og erum einnig með
ný hedd á flest allar vélar
Er heddið bilað?
Við erum sérfræðingar
í heddum
TANGARHÖFÐA 13
577 1313 - kistufell.com
BIFREIÐAVERKSTÆÐIÐ
Morgunblaðið/Ómar Óskarsson
Seljaskóli Unnið var að hreinsun í gær og kennt verður í skólanum í dag.
Höskuldur Daði Magnússon
Hallur Már Hallsson
„Þessi áföll eru af mjög mismunandi
toga. Þess vegna er ekki til einhver
ein áætlun eða lausn sem grípur
allt,“ segir Helgi Grímsson, sviðs-
stjóri skóla- og frístundasviðs hjá
Reykjavíkurborg.
Eldur kom upp í Seljaskóla í ann-
að sinn á skömmum tíma um helgina
og munu 150 nemendur þurfa að
sækja kennslu í bráðabirgðahúsnæði
af þeim sökum. Fjöldi nemenda þarf
að gera slíkt hið sama eftir fyrri
brunann. Sem kunnugt er þurfa
nemendur úr Fossvogsskóla að
ferðast í rútum niður í Laugardal
vegna myglu sem kom upp í húsnæði
skólans í mars. Þegar hvert áfallið í
skólastarfi rekur annað vakna
spurningar um hvort ekki sé ein-
hvers konar neyðaráætlun sem
skólayfirvöld grípa til.
„Þetta er heilmikið áfall fyrir allt
skólasamfélagið. Það er afar mikil-
vægt að fá niðurstöðu um hvar
kennsla verður eins fljótt og hægt er
til að skapa ró,“ segir Helgi. Hann
segir að fyrsta skref við slíkar að-
stæður sé að kanna hvaða mögu-
leikar séu í nærumhverfi hvers
skóla. „Þetta eru auðvitað mismun-
andi stórir hópar í hverju tilviki en
fyrst er kannað hvort hægt sé að not-
ast við frístundina, félags- og tóm-
stundaaðstöðu. Svo íþróttamann-
virki, samkomusali og kirkjur. Þetta
er fyrsti kostur, svo ekki þurfi að
koma til rútuferða. Við viljum hafa
skólastarf eins nálægt börnunum og
kostur er. Þá er mikilvægt að upp-
lýsa fólk um hvert og eitt skref sem
tekið er.“
Helgi segir jafnframt að ýmislegt
fleira spili inn í og að meta verði
hvert slíkt tilvik fyrir sig. Aðbúnaður
í borgarhlutum sé misjafn, svo dæmi
sé tekið. „Í Grafarvogi er til að
mynda rýmra pláss en víða annars
staðar. Þar sem stóru íþróttafélögin
eru er ýmislegt hægt að gera í sölum
og húsnæði á þeirra vegum. Þetta
snýst líka um það hversu lengi vand-
inn varir og á hvaða tíma árs hann
kemur upp. Núna kemur þetta upp í
blálokin á skólastarfinu. Það er al-
mennt betra veður á vorin, hægt að
fara meira í útikennslu og færa nám-
ið í fjölbreyttari aðstæður.“
Síðdegis í gær kom í ljós að skóla-
hald verður í Seljakirkju, aðstöðu ÍR
og í félagsmiðstöðvum í hverfinu
næstu vikurnar. Helgi telur að
mögulega þurfi einnig að gera ráð-
stafanir fyrir haustönnina. „Þarna
þarf að taka heila byggingu og end-
urgera hana. Við þurfum að horfa til
þess að skapa námsaðstæður jafnvel
fram að áramótum. Þá er annar við-
búnaður sem fer í gang.“
Magnús Þór Jónsson, skólastjóri í
Seljaskóla, segir eðlilegt að foreldrar
vilji svör við því hvernig það gat
gerst að eldur skyldi hafa komið upp
í skólanum með einungis tveggja
mánaða millibili. „Það þurfa allir að-
ilar sem koma að rekstri hússins að
vinna með okkur í að velta við öllum
steinum og ég greini mjög sterkan
samstarfsvilja,“ segir Magnús.
Meta þarf hvert tilvik fyrir sig
 Ekki er til ein neyðaráætlun til að halda uppi skólastarfi komi til áfalla  Bruninn í Seljaskóla er
þriðja áfallið í skólum borgarinnar í vor  Áfall fyrir skólasamfélagið  Kennt á ný í Seljaskóla í dag
Matthildur Soffía Maríasdóttir er
100 ára í dag, fædd 14. maí 1919.
Margrét Einarsdóttir, dóttir henn-
ar, segir að hún sé nokkuð hress,
en hún hafi fengið áfall fyrir um
mánuði og það hafi haft töluverð
áhrif.
„Móðir okkar hefur alla tíð verið
glaðlynd og átt auðvelt með að sjá
hið spaugilega i lífinu,“ segir Mar-
grét. „Hún hefur einnig verið mjög
heilsuhraust og haft áhuga á því
sem er að gerast í kringum hana.
Hún hefur fylgst með fréttum í
blöðum og sjónvarpi þar til fyrir
stuttu. „Hvað er þetta! Eruð þið
alveg hætt að fylgjast með?“ segir
hún oft við okkur börnin sín.“
Foreldrar
hennar, Guðrún
Jónsdóttir frá
Skarði og Marías
Jakobsson frá
Kollsá í Grunna-
vík, voru útvegs-
bændur og eign-
uðust tíu börn.
Matthildur
fæddist í Gull-
húsá á Snæ-
fjallaströnd í Norður-Ísafjarðar-
sýslu, fimmtán fermetra þiljuðum
torfbæ með fjórum rúmstæðum, og
ólst þar upp til átta ára aldurs.
Þröngt var í búi og fátækt mikil og
því var hún send til móðursystur
sinnar, Eyjalínu Jónsdóttur, mat-
ráðskonu og bústýru hjá séra Frið-
riki Friðrikssyni í KFUM í
Reykjavík og gekk í Miðbæjarskól-
ann. „Hún ólst upp við gott atlæti í
KFUM til 14 ára aldurs og bar
mikla virðingu fyrir séra Friðriki,“
segir Margrét.
Eiginmaður Matthildar var Ein-
ar Sigurbjörnsson (dáinn 1975)
rafvirki og eignuðust þau níu börn.
Þau fluttu frá Reykjavík í Hjörsey
á Mýrum og gerðust bændur 1958.
Hún vann lengi sem matráðskona,
var í kvenfélagi Hraunhrepps, fé-
lagi í Kvennalistanum og skipaði
heiðurssæti listans í Vesturlands-
kjördæmi í þingkosningunum 1987.
Undanfarin 25 ár hefur Matt-
hildur búið hjá Ragnheiði, dóttur
sinni, og Einar Erni Karelssyni,
tengdasyni sínum, á Álftárósi í
Borgarbyggð. Eftir að hún hætti
að vinna dvaldi hún mörg sumur í
Hjörsey með afkomendum sínum
og hún reynir enn að fara þangað
með börnum sínum og fjölskyldum
þeirra, en Einar og Matthildur
eiga 63 afkomendur.
steinthor@mbl.is
Sér hið spaugilega í lífinu
 Matthildur Soffía
Maríasdóttir er
100 ára í dag
Matthildur Soffía
Maríasdóttir
Harma um-
gengni við
fatagáma
Rauði krossinn harmar slæma um-
gengi í kringum fatagáma Rauða
krossins sem fjallað var um í fréttum
núverið, m.a. í Morgunblaðinu.
Í frétt á vef RKÍ kemur fram að
tilgangur fatagámanna sé að gera
aðgengi að fataflokkun enn betri, en
ekki að valda íbúum í kringum þá
óþægindum. „Vitað er af þessu
vandamáli og mikilvægt er að bætt
verði úr þessu sem allra fyrst,“ segir
í fréttinni.
Gámarnir eru tæmdir minnst einu
sinni í viku og aukalega ef ábend-
ingar berast um fulla gáma. Segir
Rauði krossinn að stundum sé erfitt
að hafa undan öllu magninu sem
berist. Er fólki vinsamlegast bent á
að skilja föt ekki eftir fyrir utan
gámana ef þeir eru fullir. Hægt sé að
sjá lista um staðsetningu gámanna á
vef Rauða krossins, redcross.is.
Yfirfullt Fregnir berast reglulega
af yfirfullum gámum á grenndar-
stöðvum á höfuðborgarsvæðinu.
Átta þingmenn úr röðum Við-
reisnar, Samfylkingarinnar og Pí-
rata hafa lagt fram þingsályktun-
artillögu þess efnis að Alþingi feli
utanríkisráðherra að láta kanna
viðhorf almennings í Þýskalandi,
Frakklandi, Bretlandi, Kanada og
Bandaríkjunum til áframhaldandi
hvalveiða Íslendinga. Vilja þeir að
spurt verði um það hvaða áhrif
hvalveiðar Íslendinga hafi á sölu á
íslenskum vörum á mörkuðum í
þessum löndum, ferðamenn sem
koma til Íslands eða hafa hug á því
og vörumerkið Ísland.
Vilja láta kanna
áhrif hvalveiðanna
Margæsir eru fargestir á Íslandi og hafa hér viðkomu á
leið til og frá varpstöðvum í heimskautahéruðum NA-
Kanada. Þær fara héðan um 3.000 km leið sem liggur yf-
ir Grænlandsjökul í allt að 2.400 metra hæð yfir sjó. Flug-
ið er erfitt fyrir feitan fuglinn sem á í erfiðleikum með að
ná nógu mikilli flughæð til að komast yfir jökulinn.
Morgunblaðið/Kristinn Magnússon
Margæsir á vappi í grængresinu í gær
Margæsir eru alfriðaðar á Íslandi
Lögreglan á Vestfjörðum varar við
aðilum sem hringja í tölvunotendur
og blekkja þá til að gefa sér upp
lykilorð að heimasíðum, netbönk-
um eða öðrum viðkvæmum að-
gangssvæðum. Á Facebook-síðu
lögreglunnar segir að einum slíkum
„óprúttnum aðila“ hafi tekist að yf-
irtaka heimabanka einstaklings í
síðustu viku og millifæra umtals-
verða upphæð. „Í þessu, sem og
flestum öðrum tilvikum, er um að
ræða erlenda aðila sem tala flestir
bjagaða ensku. Erfitt getur reynst
að endurheimta slíkar millifærsl-
ur,“ segir í Facebook-færslunni.
Þar er jafnframt bent á að mikil-
vægt sé að svara ekki slíkum beiðn-
um og gefa hvorki upp aðgangsorð
sitt né lykilorð.
Óprúttinn yfirtók
heimabankann