Morgunblaðið - 14.05.2019, Blaðsíða 17

UMRÆÐAN 17
MORGUNBLAÐIÐ ÞRIÐJUDAGUR 14. MAÍ 2019
Dýrabær Smáralind, Kringlunni, Reykjanesbæ og Akranesi | Byko Selfossi
Fiskó Garðabæ | Heimkaup | Hundaheppni | Sími 511 2022 | dyrabaer.is
NÁTTÚRULEG INNIHALDSEFNI
bragðgott – hollt – næringarríkt
– fyrir dýrin þín
Góðu alþingismenn
og embættismenn!
Standið gegn frum-
varpi landbúnaðar-
ráðherra um leyfi til
innflutnings á ófrosnu
hráketi og hrámeti
öðru. Það er í bráð og
lengd hættulegt mönn-
um og dýrum, ef gefið
verður eftir. Ástæðan
er sú að íslenskir dýra-
stofnar hafa verið lengi einangraðir
og því varnarlitlir gegn smitefnum,
sem ekki hafa borist hingað áður.
Margoft hafa áður óþekktir smit-
sjúkdómar borist til landsins með
ógætilegum og óþörfum innflutningi
og valdið stórfelldu tjóni og erfið-
leikum. Frumvarp ráðherrans um
breytingar á lögum um dýrasjúk-
dóma hefur auk þess í
för með sér aukna
hættu á innflutningi
sýklastofna, sem engin
lyf vinna á. Það er
hættulegt heilsu
manna og dýra. Við-
námsaðgerðir og var-
úðarráðstafanir til að
draga úr eða koma í
veg fyrir slíka hættu
hafa fæstar komið að
nokkru gagni. Svo mun
vera um viðnáms-
aðgerðir og tryggingar,
sem teflt hefur verið fram nú. Þær
eru sýnist mér að mestum hluta
hjóm eða blekkingaleikur. Menn
virðast hrekjast undan þrýstingi
hagsmunaafla innanlands og reglum
erlendis frá, sem ekki eru heilagar.
Þær eiga sumar alls ekki við hér á
landi, hægt að mótmæla og verjast
og berjast fyrir rétti okkar. Land-
búnaðarráðherra á sjálfur að standa
í fararbroddi í vörninni en ekki ýta
ábyrgðinni yfir á aðra eins og hann
hefur gert. Af hverju er hann að
bregðast í stað þess að berjast? –
Mér virðist að nokkrir dýralækn-
ar, meira segja dýralæknar í hæstu
stöðum, séu, svo ótrúlegt sem það er
– um það bil að láta blekkjast til
fylgis við þetta ógæfulega viðhorf og
geti með afstöðu sinni svikið skjól-
stæðinga okkar dýrin og brugðast í
vörninni í stað þess að berjast fyrir
rétti dýra og landsmanna eins og
þeim er skylt. Sjáið að ykkur, góðir
kollegar, standið á vakt og bilið ekki.
Vörnin er til, ef viljann skortir ekki.
Fellið þetta frumvarp. Það er
hræðsluáróður og ósæmileg ógnun,
að fullyrða að óreyndu að spillt verði
fyrir sölu á fiski frá Íslandi, ef við
samþykkjum ekki þetta mál. Orku-
málin og sala á sjávarafurðunum eru
lífsgrunnur okkar nú og í framtíð-
inni. Svo slæmir eru viðsemjendur
okkar ekki og vinir að fornu og nýju,
að þeir vilji taka fyrir kverkar okk-
ar. Þeim er skylt að sýna skilning
skv. samningum, en til þess má
heimavarnarliðið ekki bregðast. Það
þarf að standa í fæturna, rökstyðja
okkar málstað og berjast fram í
rauðan dauðann. Grípið til duglegra
varna, stjórnmálamenn og dýra-
læknar. Herðið bein í nefi. Þar er
varla eintómt brjósk.
Meira en hálfa ævina hef ég ásamt
fleirum verið að berjast gegn afleið-
ingum óviturlegra ákvarðana stjórn-
valda m.a. um innflutning af ýmsu
tagi, sem allar áttu að hafa bestu
tryggingar gegn hugsanlegum hætt-
um en dugðu ekki, þegar á reyndi.
Barátta hefur samt skilað árangri.
Mörgum innfluttum smitsjúkdóm-
um hefur verið útrýmt á löngum
tíma með ærnum kostnaði og fórn-
um. Ég hef margra áratuga reynslu í
þessum efnum og vil ekki að við
þurfum að heyja mörg fleiri stríð af
sama tagi. Hver er nauðsyn þess að
samþykkja þetta nú. Hættan blasir
við, ef slegið er undan og stjórnvöld
sýna kæruleysi við varnir eins og nú
virðist vera. Ég hef ekki séð rök fyr-
ir því annað en ótta við illskeyttar
hefndaraðgerðir stofnana Evrópu-
bandalagsins, sem hægt er að verj-
ast eins og í æseif-málinu, ef vilji og
staðfesta er fyrir hendi hjá stjórn-
málamönnum.
Eftir Sigurð
Sigurðarson
Sigurður Sigurðsson
Höfundur er dýralæknir.
» Svo slæmir eru við-
semjendur okkar
ekki og vinir að fornu og
nýju, að þeir vilji taka
fyrir kverkar okkar.
Innflutningur á ófrosnu hráketi og öðru hrámeti
ans. Ég fæ aldrei skilið þennan
hugsunarhátt, sérstaklega hjá
sjálfstæðismönnum, og þar fer
fremstur Bjarni, formaður og fjár-
málaráðherra, að borga ekki lág-
launafólki góð laun því ég sé ekki
annað en það myndi skila sér ríku-
lega út í samfélagið allt. Hvað er
þá í veginum? Illmennska? Er ein-
hver furða þó að ég nefni Ísland
og Venesúela í sömu setningunni,
þar sem fólk dregur fram lífið í
stórum stíl á ruslahaugum og býr í
hreysum og allt vegna þess að bú-
ið er að hreinsa allan auð þessa
eins ríkasta lands af einum manni
og hans nánustu.
Hér á Íslandi er fólk svo heppið
að til eru nokkrar stofnanir með
góðu fólki, sem útdeilir reglulega
matargjöfum svo heilu fjölskyld-
urnar með börn þurfa ekki hrein-
lega að svelta. Mikla þökk á þetta
fólk skilið. Að lokum vil ég, sem
ellilífeyrisþegi, koma inn á þau
sultarkjör sem þessu fólki í þús-
unda tali eru búin. Þetta er ein-
mitt fólkið sem vann hörðum
höndum, borgaði sína skatta og
skyldur við að koma þessu þjóð-
félagi þangað sem það er í dag.
Hvert er þakklætið og auðmýktin?
Ekki til. Bjarni fjármálaráðherra
til margra ára stofnaði kjararáð og
réði þar öllu og skipaði formann úr
röðum miðstjórnar Sjálfstæðis-
flokksins og þeir í sameiningu
ákváðu allt upp í 60% og 70%
launahækkanir til yfirstéttarinnar
hjá ríkinu og Bjarni sjálfur nældi
sér í um 60% launahækkun. Þegar
svona menn eiga í hlut, auðmenn
og milljónamæringar, getur hver
sem er ímyndað sér hvort svona
menn hugsi eitthvað um gamla
fólkið sem byggði upp landið og
var á sama tíma nurlað í langt inn-
an við 10% launahækkun. Það er
augljóst að þetta fólk, t.d. ein-
staklingar sem hafa aðeins um 250
þ. kr. á mánuði, og algengt er að
af því fari 50% til 60% í húsaleigu
og geta þá allir séð hvað eftir
verður. Enda getur þetta fólk þess
vegna dáið drottni sínum í boði
Bjarna fjármálaráðherra og ríkis-
stjórnar hans. Má segja að í ríkis-
stjórninni séu illmenni og bendi
þeim á að hugsa til Venesúela, þar
fór illa.
»Er það virkilega
sósíalismi að biðja
um betri kjör og laun og
berjast fyrir lífi sínu?
Höfundur er ellilífeyrisþegi
á Akureyri.
SMARTLAND
MÖRTUMARÍU
Móttaka aðsendra
greina
Morgunblaðið er vettvangur lifandi
umræðu í landinu og birtir aðsend-
ar greinar alla útgáfudaga.
Þeir sem vilja senda Morgun-
blaðinu greinar eru vinsamlega
beðnir að nota innsendikerfi blaðs-
ins. Kerfið er auðvelt í notkun og
tryggir öryggi í samskiptum milli
starfsfólks Morgunblaðsins og höf-
unda. Morgunblaðið birtir ekki
greinar sem einnig eru sendar á
aðra miðla.
Kerfið er aðgengilegt undir
Morgunblaðslógóinu efst í hægra
horni forsíðu mbl.is. Þegar smellt
er á lógóið birtist felligluggi þar
sem liðurinn „Senda inn grein“ er
valinn.Í fyrsta skipti sem inn-
sendikerfið er notað þarf notand-
inn að nýskrá sig inn í kerfið. Ít-
arlegar leiðbeiningar fylgja hverju
þrepi í skráningarferlinu. Eftir að
viðkomandi hefur skráð sig sem
notanda í kerfið er nóg að slá inn
kennitölu notanda og lykilorð til að
opna svæðið. Hægt er að senda
greinar allan sólarhringinn.
Nánari upplýsingar veitir starfs-
fólk Morgunblaðsins alla virka
daga í síma 569-1100 frá kl. 8-18.
Eftir einar þrjár
krossbandaaðgerðir
og ekkert brjósk á
milli liða í hnénu kom
að því að fara í lið-
skiptaaðgerð á hné,
aðeins rúmlega fimm-
tug konan.
Ég hafði verið hjá
lækni sem sagði mér
að ekkert væri hægt
að gera nema að fá
spelku frá stoðtækja-
fyrirtækinu Össuri hf. sem kostaði
heilar 140.000 krónur og Sjúkra-
tryggingar Íslands kæmu til með að
greiða að fullu.
Ég spurði lækninn hvort það væri
ekki hægt að setja mig á biðlista
vegna aðgerðar, en svarið var: „Það
er svo löng bið“! Ég fór til þeirra hjá
Össuri og fékk spelku. Helgarnar
fóru í það að liggja upp í sófa og
finna þunglyndið banka að dyrum.
Ég gat svo lítið gert, var sífellt með
mikinn sársauka í fætinum. Fékk ég
heimilislækninn minn til að láta mig
á biðlista hjá Landspítalanum.
Eftir nokkrar vikur
með spelkuna og á
þrjóskunni einni saman,
spelku sem gerði akk-
úrat ekki neitt, festist
hnéð þegar ég var úti í
búð að versla. Þurfti ég
hækju til að komast inn
heima hjá mér, ég gat
ekki gengið. Þá var ég
gjörsamlega búin að fá
mig fullsadda af þessum
verkjum. Lái mér hver
sem vill.
Ég var svo lánsöm að
hitta konu sem nefndi
við mig að ég skyldi fara á Klínikina
og tala við Hjálmar. Ég hafði ekki
heyrt um Klínikina getið, en ákvað
að panta tíma. Það sakaði ekki að
reyna.
Ég hafði samband við Klínikina
og viti menn, Hjálmar var nýkominn
heim eftir að hafa starfað við lið-
skiptaaðgerðir í Svíþjóð um árabil.
Ég pantaði viðtal, ræddi við Hjálm-
ar og tjáði hann mér að hann væri
að fara að framkvæma liðskipta-
aðgerðir, en ég skyldi engu að síður
fara í viðtal hjá bæklunarlækni sem
Sjúkratryggingar myndu greiða fyr-
ir. Svo virðist sem ekki hafi verið
komið svar frá Sjúkratryggingum
hvort stofnunin myndi greiða fyrir
aðgerðir sem Klínikin myndi fram-
kvæma á sjúklingum.
Mætti ég í viðtal á Landspítalann
Fossvogi og mér sagt að ég yrði að
bíða í það minnsta í sex mánuði eftir
aðgerð. Ekki lagaði þetta svar sál
mína, sem var orðin ansi hvekkt fyr-
ir.
Ég hugsaði málið og ákvað að
hringja í Hjálmar og segja að þetta
væri ekki boðlegt, ég yrði að komast
í aðgerð eða andlega heilsan myndi
að fullu gefa sig.
Ég ræddi við bankastjórann
minn, fékk lán og veðsetti íbúðina
mína fyrir aðgerðinni. Fór síðan í
aðgerð í mars 2017, greiddi sjálf fyr-
ir aðgerðina. Ég, sjúkratryggði Ís-
lendingurinn.
Allt gekk að óskum og einnig í
bataferlinu. Var Hjálmar alltaf til
taks við að aðstoða mig hvað varðaði
batann.
Í dag get ég gert allt sem mig
langar til, er dugleg í ræktinni og
nýt lífsins til fulls. Var ég búin að
eiga í þessum meiðslum frá 15 ára
aldri, eftir slys í mínum heimabæ.
Aldrei hefur komið sá dagur að ég
hafi séð eftir að hafa farið í aðgerð
hjá Klínikinni. Ég sakna að vísu
1.200.000 krónanna sem ég þurfti að
greiða fyrir, en ég held í þá von að
ég fái þetta endurgreitt, einn dag-
inn.
Heilbrigðisráðherra vill ekki
semja við Klínikina vegna liðskipta-
aðgerða. Ráðherra vill frekar senda
sjúklinga til Svíþjóðar í aðgerð með
hærri kostnaði fyrir skattgreið-
endur.
Þetta er gjörsamlega galið!
Eftir Valborgu
Önnu Ólafsdóttur
Valborg Anna
Ólafsdóttir
»Ég ræddi við banka-
stjórann minn, fékk
lán og veðsetti íbúðina
mína fyrir aðgerðinni.
Fór síðan í aðgerð í
mars 2017, greiddi sjálf
fyrir aðgerðina. Ég,
sjúkratryggði Íslend-
ingurinn.
Höfundur er skrifstofustjóri og for-
maður Miðflokksins í Mosfellsbæ.
Takk Klínikin – takk Hjálmar