Morgunblaðið - 29.06.2019, Blaðsíða 44

44 ÍÞRÓTTIR
MORGUNBLAÐIÐ LAUGARDAGUR 29. JÚNÍ 2019
rmúla 24 • S. 585 2800Á
Picasso
 Handknattleikskonan Helena Ósk
Kristjánsdóttir er gengin í raðir
Hauka. Hún kemur frá HK í Kópavogi
þar sem hún lék eitt tímabil en þar áð-
ur lék hún með uppeldisfélagi sínu,
Fjölni. Helena, sem er 21 árs gömul og
hefur spilað með yngri landsliðunum,
leikur í stöðu vinstri hornamanns.
 Gamla ítalska stórveldið AC Milan
fær ekki að taka þátt í Evrópudeild
UEFA á komandi keppnistímabili. UEFA
dæmdi félagið brotlegt fyrir að fylgja
ekki reglum um fjárhagslega háttvísi.
AC Milan, sem hefur sjö sinnum orðið
Evrópumeistari í knattspyrnu, síðast
árið 2007, áfrýjaði dómnum til Al-
þjóðaíþróttadómstólsins sem í gær úr-
skurðaði UEFA í hag. Roma tekur sæti
AC Milan í riðlakeppni Evrópudeild-
arinnar og Torino kemst inn í undan-
keppnina í staðinn.
 Knattspyrnumaðurinn Þórarinn
Ingi Valdimarsson leikur ekki meira
með Stjörnunni á þessu keppnis-
tímabili og verður væntanlega frá
keppni fram á næsta vor. Þórarinn,
sem á að baki
169 leiki í efstu
deild með
Stjörnunni, FH
og ÍBV, meidd-
ist á hné í leik
gegn Fylki fyrir
skömmu og
Stjarnan
greindi frá því á
Twitter-síðu
sinni í gær að
krossband og
sin í hægra hné
hefðu gefið sig,
auk áverka á
liðböndum.
Eitt
ogannað
FÓTBOLTI
Bjarni Helgason
bjarnih@mbl.is
Liðin tólf sem leika í úrvalsdeild
karla í knattspyrnu, Pepsi Max-
deildinni, ætla sér misjafna hluti í
lengsta sumarglugganum til þessa
en þau eiga það þó öll sameiginlegt
að ef eitthvað spennandi dettur inn á
borð til þeirra, verði það skoðað af
fullri alvöru. Félagaskiptaglugginn
er opnaður á nýjan leik mánudaginn
1. júlí næstkomandi en glugginn
verður opinn til 31. júlí.
Staðan í deildinni er sérstök eftir
fyrstu tíu umferðirnar. KR er í efsta
sæti deildarinnar með 23 stig,
Breiðablik er í öðru sæti með 22
stig, ÍA er í þriðja sæti með 16 stig
og Stjarnan í fjórða sætinu með 15
stig.
Sex lið eru svo að berjast um
miðja deild en KA, Fylkir og FH eru
öll með tólf stig og Valur, Víkingur
Reykjavík og Grindavík koma þar á
eftir með 10 stig. HK er svo í næst-
neðsta sætinu með 8 stig og ÍBV er í
botnsæti deildarinnar með 5 stig.
KR
Björgvin Stefánsson og Finnur
Orri Margeirsson snúa báðir aftur í
liðið á næstu vikum. Björgvin var
dæmdur í fimm leikja bann í júní á
meðan Finnur Orri hefur ekkert
spilað síðan 25. maí vegna meiðsla
Skúli Jón Friðgeirsson er heill
heilsu og tilbúinn í slaginn og því
verður að teljast afar ólíklegt að
toppliðið styrki sig mikið enda mikil
breidd í Vesturbænum. „Við erum
mjög sáttir með leikmannahópinn
okkar,“ sagði Kristinn Kjærnested,
formaður knattspyrnudeildar KR, í
samtali við Morgunblaðið í gær.
Breiðablik
Jonathan Hendrickx er farinn til
Lommel í Belgíu en liðið hefur hins
vegar fengið Gísla Eyjólfsson aftur
frá Mjällby úr láni og mun Gísli nýt-
ast liðinu vel í baráttunni sem fram-
undan er. Liðið skortir ákveðna
breidd í bakvarðastöðurnar og þar
vonast Blikar til þess að styrkja sig í
glugganum. „Við erum að leita okk-
ur að bakverði og það er ekkert
leyndarmál en heilt yfir erum við
annars mjög sáttir með hópinn hjá
okkur,“ sagði Snorri Arnar Við-
arsson, formaður meistaraflokks-
ráðs Breiðabliks, við Morgunblaðið.
ÍA
Skagamenn hafa fengið á sig tíu
mörk í síðustu fjórum leikjum og
hefur varnarleikurinn, sem var afar
sannfærandi í upphafi móts, virkað
tæpur og óskipulagður. Hægri bakv-
arðastaða liðsins hefur verið ákveðin
vandræðastaða í sumar en það verð-
ur að teljast ólíklegt að nýliðar
Skagamanna fari í frekari styrk-
ingar í glugganum. „Við erum með
ákveðið plan í gangi og höldum
áfram að vinna eftir því,“ sagði
Magnús Guðmundsson, formaður
knattspyrnudeildar ÍA.
Stjarnan
Þórarinn Ingi Valdimarsson miss-
ir af restinni af tímabilinu og því má
leiða að því líkur að Garðbæingar
reyni að fylla skarð hans með ein-
hverjum hætti. Það hefur aðeins
vantað upp á mörkin í Garðabænum
í sumar en framherjar liðsins, þeir
Guðjón Baldvinsson og Guðmundur
Steinn Hafsteinsson, hafa skorað
fjögur mörk samtals í sumar. „Við
erum með stóran og breiðan hóp
sem á að vera tilbúinn að takast á
við þau skakkaföll sem koma upp og
við ætlum okkur ekki að fara í ein-
hverjar breytingar,“ sagði Rúnar
Páll Sigmundsson, þjálfari Stjörn-
unnar, í samtali við Morgunblaðið.
KA
Elfar Árni Aðalsteinsson, fram-
herji KA, hefur verið að rétta úr
kútnum í undanförnum leikjum þar
sem hann hefur skorað fimm mörk í
deildinni í sumar og því ólíklegt að
Akureyringar hreyfi mikið við liði
sínu. „Ég á ekki von á því að við
séum að fara að styrkja okkur eitt-
hvað,“ sagði Óli Stefán Flóventsson,
þjálfari KA. „Við erum með stóran
hóp í bland við unga og efnilega
stráka og þeir eru tilbúnir á hlið-
arlínunni ef kallið kemur.“
Fylkir
Varnarleikur liðsins hefur ekki
verið sannfærandi og Aron Snær
Friðriksson í marki Fylkismanna
hefur gert sig sekan um slæm mis-
tök í sumar. Þá vonast félagið til
þess að halda Kolbeini Birgi Finns-
syni hjá félaginu en hann hefur
komið við sögu í átta leikjum í deild-
inni þar sem hann hefur skorað eitt
mark. Hann er í láni frá Brentford.
„Við höfum ekki rætt við neinn og
við munum treysta nýverandi leik-
mannahópi liðsins fyrir verkefninu
sem framundan er,“ sagði Hrafnkell
Helgi Helgason, formaður meist-
araflokksráðs Fylkis.
FH
Hafnfirðingum hefur gengið illa
að verjast föstum leikatriðum, líkt
og á síðustu leiktíð, og Guðmann
Þórisson hefur virkað eins og hann
sé á annarri löppinni í meira og
minna allt sumar. FH vantar afger-
andi miðvörð, leiðtoga í vörnina, en
hvort hann verði sóttur verður að
koma í ljós. „Við erum alltaf að
skoða leikmenn en hópurinn er
nokkuð þéttur hjá okkur eins og
staðan er í dag og við erum mjög
sáttir við hann,“ sagði Valdimar
Svavarsson, formaður knatt-
spyrnudeildar FH.
Valur
Gary Martin var leystur undan
samningi í lok maí eftir að hafa kom-
ið til félagsins í janúar. Öll kaup fé-
lagsins í vetur hafa misheppnast ef
svo má að orði komast en liðið þarf
nauðsynlega á framherja að halda
sem getur skorað mörk líkt og Pat-
rick Pedersen gerði fyrir liðið á síð-
ustu tveimur árum. „Við erum mjög
vel mannaðir, bæði utan sem innan
vallar, og það verða engar breyt-
ingar hjá okkur í glugganum,“ sagði
Edvard Börkur Edvardsson for-
maður knattspyrnudeildar Vals.
Víkingur
Kári Árnason er kominn aftur
heim í Víkina og hann og Sölvi Geir
Ottesen skipa öflugasta mið-
varðapar deildarinnar í dag. Fram-
herjar Víkinga, þeir Nikolaj Han-
sen, Örvar Eggertsson og Rick Ten
Voorde, hafa ekki skorað mikið og
Víkingar gætu leitað sér að fram-
herja. „Það er ekki nauðsynlegt að
bæta við hópinn,“ sagði Arnar
Gunnlaugsson, þjálfari Víkinga, við
Morgunblaðið í gær. „Við erum
hinsvegar að skoða það að bæta við
sóknarmanni.“
Grindavík
René Joensen er farinn aftur til
Færeyja en liðið sárvantar alvöru
markaskorara. Grindavík hefur
skorað sjö mörk í deildinni í sumar
sem er alltof lítið. Varnarleikurinn
hefur verið góður og því má leiða
líkur að því að höfuðáherslan verði
lögð á að sækja framherja. „Við er-
um að leita leiða til þess að stækka
hópinn. Við þurfum að bæta við okk-
ur fyrir baráttuna sem framundan
er,“ sagði Srdjan Tufegdzic, þjálfari
Grindavíkur.
HK
Þeir Kári Pétursson, Máni Aust-
mann og Aron Kári Aðalsteinsson
eru allir á leið erlendis í nám í ágúst.
Miðvörðurinn Hafsteinn Briem er
hins vegar væntanlegur aftur í ágúst
eftir krossbandsslit og með honum
kemur inn dýrmæt reynsla í van-
arlínu liðsins. „Við ætlum okkur að
styrkja hópinn. Við viljum bæta við
okkur sóknarmönnum,“ sagði Bald-
ur Már Bragason, formaður meist-
araflokksráðs HK.
ÍBV
Gary Martin er kominn til ÍBV og
hann verður gríðarlegur styrkur
fyrir liðið sem hefur aðeins skorað
átta mörk í deildinni í sumar. Varn-
arleikurinn hefur verið mikill höf-
uðverkur en liðið hefur fengið á sig
23 mörk í 9 leikjum. „Við erum með
alla anga úti en eins og staðan í dag
er ekkert sem hægt er að tala eitt-
hvað sérstaklega um. Það ætti að
vera öllum ljóst að við þurfum að
styrkja varnarleikinn hjá okkur,“
sagði Gunný Gunnlaugsdóttir, fram-
kvæmdastjóri ÍBV.
Misjafnt hvað
félögin ætla
sér í júlí
 Farið yfir mögulegar breytingar
hjá liðunum tólf í úrvalsdeild karla
Morgunblaðið/Ómar
Liðsstyrkur Gísli Eyjólfsson mun klára tímabilið með Breiðabliki.