Skessuhorn - 25.11.2015, Page 60

MIÐVIKUDAGUR 25. NÓVEMBER 201560
Digranesgötu 6 - Borgarnesi - Sími: 437 1920
Fjölskyldustund í Geirabakarí
Minnum á frábæru jólavörurnar okkar:
Smákökur úr íslensku smjöri - Ensk jólakaka
Laufabrauð - Jólabrauð o.m.fl
SK
ES
SU
H
O
R
N
2
01
5
Sigurður Gísli Guðjónsson ákvað
að slá til og flytja í Grundarfjörð
með fjölskylduna í sumar. Ástæð-
an var auglýsing um starf skóla-
stjóra í grunnskóla sveitarfélags-
ins, en hann var valinn í starfið. Þau
Sigurður og Halla Karen Gunnars-
dóttir eiga tvo drengi, Guðjón sem
er sjö ára og Guðmund fjögurra ára.
„Mér fannst starfið mjög spennandi
og ákvað að slá til. Halla Karen gat
líka fengið starf hér sem íþrótta-
kennari svo þetta var ekki spurn-
ing,” segir Sigurður þegar við kíkt-
um til hans í heimsókn. Sigurður
ólst upp í Hveragerði en Halla Kar-
en er frá Selfossi. Þau hafa þó prófað
að búa víðar þar sem Sigurður hefur
m.a. starfað sem aðstoðarskólastjóri,
bæði í Höfðaskóla á Skagaströnd
og í Víkurskóla í Mýrdalshreppi,
ásamt því að hafa kennt í Flóaskóla
og í Hveragerði. „Ég var almenn-
ur kennari en núna kenni ég skóla-
hreysti auk þess að hlaupa í skarðið
þegar vantar kennara.”
Kennaranámið var
skyndiákvörðun
Sigurður kemur úr mikilli kennara-
fjölskyldu en faðir hans var skóla-
stjóri í Grunnskólanum á Laugum
í Sælingsdal til marga ára. Þaðan
flutti fjölskyldan í Hveragerði þar
sem faðir hans starfaði einnig sem
skólastjóri í 25 ár. Móðir Sigurðar er
einnig kennari og er hún í dag skóla-
stjóri í Höfðaskóla á Skagaströnd.
Önnur systir Sigurðar er Júlía Guð-
jónsdóttir, sem nýverið tók við sem
skólastjóri Grunnskóla Borgar-
ness. „Ég á svo aðra systur, Þórhildi
sem er viðskiptafræðingur. Ég ætl-
aði mér þó aldrei að verða kennari.
Ótrúlegt en satt þá var það skyndi-
ákvörðun að fara í kennaranám og
fjölskyldan ber ekki ábyrgð á því, ég
fór þangað með vini mínum. Hann
skráði sig í íþrótta- og heilsufræði
á Laugarvatni og spurði hvort ég
vildi ekki bara koma með. Á þeim
tíma var ég að vinna hjá Símanum
og var alveg til í að prófa eitthvað
nýtt svo ég sló til. Þaðan útskrifað-
ist ég sem íþrótta- og heilsufræðing-
ur með kennsluréttindum. Seinna
tók ég viðbótardiploma í opinberri
stjórnsýslu.”
Getur hugsað sér
að setjast að í
Grundarfirði
Sigurður hefur verið að kenna síð-
ustu fimm ár og líkar það mjög vel.
„Ég hef mjög gaman að því að vinna
með fólki og þetta starf er svo fjöl-
breytt og skemmtilegt. Ég vann á
meðferðarheimili á vegum Barna-
verndarstofu og það var líka mjög
skemmtilegt. Kennarastarfið er
þó meira fyrir mig.” Sigurður seg-
ist núna vera að koma sér almenni-
lega fyrir í Grundarfirði og að þar
sjái hann alveg fyrir sér að búa til
frambúðar. „Það var tekið mjög vel
á móti okkur hér og öllum líkar það
vel að vera hér.
Núna erum við að koma okk-
ur fyrir, ég er að kynnast nýja starf-
inu og samstarfsfólkinu. Ég hef ekki
gert miklar breytingar í skólanum,
enda þarf maður fyrst að komast al-
mennilega inn í starfið. Með nýju
fólki koma þó alltaf nýjar áherslur en
það er ekki ætlunin að fara í neinar
breytingar nema í samráði við aðra
starfsmenn,” segir Sigurður.
Á enn eftir að fara
á Kirkjufellið
Fyrir utan vinnuna segir Sigurð-
ur að íþróttir og útivist spili stór-
an þátt í lífi fjölskyldunnar. „Fjöl-
skyldan hefur alltaf verið í hesta-
mennsku og hér í Grundarfirði er
frábær aðstaða til þess. Við erum
þó ekki með neina hesta eins og
er en vonandi verður bætt úr því
einn daginn. Hér er falleg nátt-
úra sem við elskum, en við erum
mikið útivistarfólk og fer frítím-
inn mest í að njóta hennar. Ég hef
gaman að því að spila fótbolta og
ganga,” segir Sigurður. Aðspurð-
ur hvort hann hafi þá farið upp
á hið fræga Kirkjufell segir hann
svo ekki vera. „Ég hef ekki enn
farið þangað, þori því ekki,” seg-
ir hann og hlær. „Ég er of loft-
hræddur til þess, það þarf víst að
klifra og er rosalega bratt niður.
Ég er meira að fyrir að ganga þar
sem ég þarf ekki að horfa niður
brattar brekkur. Það er þó aldrei
að vita, kannski maður láti sig
hafa það einn daginn,” bætir hann
við og hlær. arg
Flutti með
fjölskylduna
í Grundarfjörð
Sigurður Gísli Guðjónsson er skólastjóri í Grundarfirði.