Skessuhorn - 25.11.2015, Blaðsíða 81

MIÐVIKUDAGUR 25. NÓVEMBER 2015 81
Fyrr á þessu ári fluttist ung kona að
nafni Sara Hjördís Blöndal á Akra-
nes, ásamt sambýlismanni sínum
Heiðari Mar Björnssyni og syninum
Skorra. Litla fjölskyldan flutti beint
frá Lundúnum, þar sem Sara lagði
stund á nám í leikmynda- og bún-
ingahönnun í Wimbledon College
of Art. Sara hefur lengi haft áhuga á
búningum. „Systir mín átti dansskóla
á Akureyri og setti alltaf upp flottar
vorsýningar sem allir nemendurnir
tóku þátt í. Þá voru þeir farðaðir og í
búningum, sem ég hjálpaði til við að
gera,“ segir Sara. Hún hafði einnig
gert búninga fyrir sýningar í Verzl-
unarskólanum, þar sem hún stund-
aði áður nám og hefur fengið nokk-
ur verkefni hjá Leikfélagi Akureyrar
við að sauma.
Gott að hafa stuðning úti
Árið 2010 skráði Sara sig í hagfræði
við Háskóla Íslands. „En stuttu
seinna fékk ég símtal frá fyrirtæk-
inu sem framleiddi sjónvarpsþætt-
ina Hæ Gosi. Þar bauðst mér að-
stoðarmannsstaða í búningadeild-
inni og ég tók því starfi og setti
hagfræðina á bið,“ segir hún. Við
gerð þáttanna kynntist Sara Skaga-
manninum Heiðari, sem starfaði
sem handritshöfundur við gerð
þáttanna. „Ég áttaði mig svo á því
að hagfræðin myndi ekki færa mér
hamingju. Ég tók ákvörðun um
að vera hamingjusöm í lífinu og
sleppti hagfræðinni,“ segir hún og
hlær. Ári seinna lá leiðin til Lond-
on í nám. Fyrsta árið bjuggu þau
Heiðar í lítilli íbúð en næstu þrjú
árin leigðu Sara og Heiðar íbúð
með systur Söru, manninum henn-
ar og tveimur börnum. „Hún var í
námi í Brighton og við fórum milli-
veginn, bjuggum mitt á milli skól-
anna okkar. Það var rosalega fínt,“
segir Sara sem varð ófrísk af Skorra
á þessum tíma. „Þá fann maður líka
hvað það var gott að hafa stuðning-
inn úti, það munaði rosalega miklu
að hafa hluta af fjölskyldunni hjá
sér.“ Áður en heim var komið tók
Sara svo þátt í þremur sýningum á
hinni árlegu Edinborgarhátíð. „Ein
af þeim var skólasýning í samstarfi
við hóp í leiklistarskóla í London.
Sá hópur vann til verðlauna og fékk
að vera með annað leikrit á hátíð-
inni, þar sem ég sá líka um leik-
mynd og búninga. Þriðja sýningin
snerist um listaverkaþjófa sem stálu
Ópinu eftir Edvard Munch. Ég lét
endurgera málverkið, sem er algjör
hlemmur og svo þurfti að dröslast
með það í gegnum lestarkerfið í
London,“ segir hún og hlær.
Yndislegt á Akranesi
Aðspurð hvers vegna Akranes hafi
orðið fyrir valinu segir Sara að þau
hafi verið búin að ákveða að flytja
heim eftir að náminu hennar lauk.
„Við vildum að Skorri myndi alast
upp á Íslandi, sérstaklega á Akra-
nesi. Hér er allt svo verndað og
yndislegt, frábært að vera hér með
börn,“ útskýrir hún. Sara vinnur
sem stuðningsfulltrúi í Grunda-
skóla og er mjög ánægð á Skag-
anum. „Það er æðislegt að búa hér
og að fá að kynnast því að vera
Skagamaður. Ég kynntist fólkinu í
vinnunni á núll - einni. Svo er frá-
bært að þarna fæ ég tækifæri til að
sauma og hanna, enda setur skólinn
reglulega upp leikrit og söngleiki.
Mér var boðið að vera með í leikrit-
inu sem unglingadeildin setur upp
fyrir jólin, þurfti ekki einu sinni að
biðja um það,“ segir hún og brosir.
Sara Hjördís er nú í samstarfi við
leikhóp í Reykjavík um uppsetn-
ingu á sýningu í Tjarnarbíói sem
verður frumsýnd í lok mánaðarins.
„Svo hef ég sett upp tvær pop-up
setustofur í Hörpu, annars vegar
á Norðurlandaráðsþinginu og hin
fyrir Iceland Airwaves.“ Hún seg-
ir að draumurinn sé að geta starfað
100% við leikmynda- og búninga-
hönnunina í framtíðinni. „En það
þarf að gefa því tíma og ég þarf að
vera dugleg að koma mér á fram-
færi. Svo er margt í kringum þetta.
Það skarast svo margt í þessu og er
svipað að mörgu leyti, þó það séu
öðruvísi áherslur en í leikhúsinu.“
grþ
„Tók ákvörðun um að vera
hamingjusöm í lífinu“
- segir Sara Hjördís Blöndal, leikmynda- og búningahönnuður
Sara Hjördís ásamt syninum Skorra.
Aníta
Einar Már
Einar Már
Handklæði og sundpoki
með merkingu
6.100
5.000
kr,-
Barnasvunta
með merkingu
2.750
kr,-
Frí póstsending
innanlands þegar
pantað er vöru í
vefverslun Smáprents.
www.smaprent.is
Smáprent - smaprent@smaprent.is - Akranesi
3.200
kr,-
Svunta
með merkingu
� elsk�
að bak�
Besta
frænkan
Krakkabuff
með merkingu
Prjónahúfa
með merkingu
1.480
kr,-
1.980
kr,-
Besti fræ
ndinn