Skessuhorn - 25.11.2015, Blaðsíða 70

MIÐVIKUDAGUR 25. NÓVEMBER 201570
Aðventa í Kjósinni

SK
ES
SU
H
O
R
N
2
01
5
„Ég er mikið uppi í járnblendi þar
sem maður fær ryk ofan í sig og
get oft lítið sungið eftir daginn. Ég
finn fyrir því, sérstaklega eftir langa
vinnudaga,“ segir Heiðmar Eyjólfs-
son í samtali við Skessuhorn. Hann
starfar sem vélvirki hjá Hamri á
dagvinnutíma en þess á milli bregð-
ur hann sér gjarnan á bakvið hljóð-
nemann og lætur hann nema titr-
ing raddbanda sinna. Heiðmar er
söngvari; syngur og leikur á gítar
við ýmis tilefni. Þegar um dansleiki
er að ræða kemur Heiðmar fram
ásamt félögum sínum í hljómsveit-
inni Meginstreymi og segir hann
að þeir hafi skemmt fólki nokkuð
reglulega að undanförnu. „Það hef-
ur verið nokkuð að gera við að spila
á böllum undanfarið, við erum nán-
ast að verða húsband á Hótel Glymi
eftir að Ragna hótelstjóri sá okkur
á þorrablóti síðasta vetur. Þar varð
hún svona líka hrifin af okkur,“ seg-
ir Heiðmar og brosir.
Gaman að
skemmta fólki
Dansleikir eru jafn mismunandi
og þeir eru margir, en Heiðmar
er ekki í vafa um hvaða hópi hon-
um þykir ánægjulegast að spila fyrir.
„Skemmtilegast þykir mér að spila
fyrir eldra fólk. Það er svo mikið
stuð í mannskapnum og það eru oft
bestu giggin,“ segir hann. Heiðmar
á það einnig til að koma fram einn
með gítarinn og syngja og spila fyr-
ir fólk sem trúbador. „Það er mjög
gott ef maður nær föstudegi við það
og svo balli á laugardagskvöldi,“
segir hann.
„En svo hef ég tekið þátt í alls kyns
viðbótarverkefnum eins og til dæm-
is á Írskum dögum, í kirkjum við
fermingar og fleira. Það var mjög
gaman að taka þátt í tónleikunum
á Írskum dögum. Það er skemmti-
legast þegar hæfileikar margra koma
saman. Þegar maður notar það sem
maður hefur sjálfur og sameinar það
með því sem aðrir hafa,“ segir hann
og bætir því við að fyrir skömmu
síðan hafi hann unnið að upptökum
fyrir Júróvisjón ásamt fríðum hópi.
Hann vill hins vegar ekki tjá sig um
það og segir að mikil leynd hvíli yfir
því verkefni, enn sem komið er.
Heiðmar segist njóta sín best þeg-
ar hann kemur fram með öðrum. Að
vera einn með kassagítarinn geti vit-
anlega komið mjög vel út og ver-
ið gaman en allt verði bæði flott-
ara og skemmtilegra með hljóm-
sveit. Kjarni málsins er aftur á móti
augljós. „Það er gaman að skemmta
fólki og maður vill gera það eins vel
og maður mögulega getur,“ segir
Heiðmar.
Heimsreisa og
tónlistarnám á döfinni
Heiðmar var áberandi í menning-
arstarfi nemendafélags Fjölbrauta-
skóla Vesturlands á meðan hann
stundaði þar nám. Hann lék aðal-
hlutverkið í uppsetningu Gaura-
gangs og sló svo í gegn sem Danny
úr Grease ári síðar. Þá keppti hann
í Söngkeppni framhaldsskólanna
þar sem hann söng Grasagarð-
inn úr söngleiknum Jesus Christ
Superstar. Auk þess sem áður var
talið syngur hann þessa dagana með
hljómsveitinni Veturhúsum, með
Heimi Klemenzson í broddi fylk-
ingar og vinnur sveitin að upptök-
um á nýju efni um þessar mundir.
En aðspurður um verkefni kom-
andi tíðar segir Heiðmar að fram-
undan sé smá pása í tónlistinni í
allra nánustu framtíð. „Ég er að
fara í heimsreisu með Höllu kær-
ustunni minni. Við förum út í lok
febrúar, eftir þorrablótstörnina og
ætlum hringinn í kringum hnött-
inn, nánast. Ferðin byrjar í Dúbaí
og svo förum við til Austurlanda
fjær og komum svo við á Fiji á leið-
inni til Bandaríkjanna. Þaðan fljúg-
um við til Íslands aftur og þar með
lýkur reisunni 17. maí,“ segir hann
og kveðst bíða komandi ævintýr-
is með mikilli eftirvæntingu. „Ég
held það verði gaman að fá aðeins
að kynnast öðrum menningarheim-
um.“
Hann ætlar þó ekki að segja al-
veg skilið við tónlistina á meðan
heimsreisunni stendur. „Ég keypti
mér Martin backpacker, sem er
mjög lítill og nettur gítar og með-
færilegur á ferðalögum. Ég tek
hann með mér og reyni jafnvel að
semja eitthvað smá. Það væri gam-
an að ná að semja eitt lag í hverri
heimsálfu sem við heimsækjum,“
segir Heiðmar en bætir því við að
ekki sé um neina sérstaka tónlistar-
ferð að ræða, því verði hann hvorki
sár né svekktur ef það gengur ekki
eftir. „En það væri gaman að koma
heim með fjögur lög eða svo,“ bæt-
ir hann við.
Þegar lengra er litið fram í tím-
ann kveðst Heiðmar stefna í gít-
arnám og tónfræði við FÍH. „Mig
langar að kunna meira á gítarinn
og þá er eina vitið að skella sér í
nám. Það hlýtur að vera ástæða fyr-
ir því að fólk eyðir tíma í að læra
á þetta hljóðfæri,“ segir Heiðmar
Eyjólfsson að lokum.
kgk
Nýtur sín best þegar hann kemur fram með öðrum
Heiðmar Eyjólfsson slær E-moll á forláta Fender Stratocaster American Standard, einstaklega vandaðan gítar sem er í eigu félaga hans.
Reykjavík
Grundartangi
Akranes
Borganes
Vélstjóri
Faxaflóahafnir sf. óska að ráða til starfa vélstjóra frá og með
1. mars 2016 með starfsstöð í Reykjavík. Starfið felst aðal-
lega í vélstjórn á dráttarbátum Faxaflóahafna sf. en einnig í
afgreiðslu rafmagns, móttöku skipa og öðrum tilfallandi
störfum.

Nauðsynlegt er að umsækjandi uppfylli eftirfarandi
skilyrði:
Hafi full vélstjórnaréttindi - VF 1•
Hafi sótt námskeið í Slysavarnarskóla sjómanna•
Hafi góða kunnáttu í íslensku og ensku•
Hafi góða tölvukunnáttu•

Faxaflóahafnir sf. eru með starfsemi í Reykjavík, á Akranesi,
á Grundartanga og í Borgarnesi og sinna starfsmenn
Faxaflóahafna sf. verkefnum á þeim stöðum. Unnið er alla
virka daga 07:00 - 17:00.
Umsóknir sendist Faxaflóahöfnum sf., Tryggvagötu 17,
121 Reykjavík, merkt VÉLSTJÓRI fyrir 1. desember nk.
Þar sem í gildi eru ákvæði laga um hafnarvernd þá er óskað
eftir að umsækjandi geti lagt fram sakavottorð.
Nánari upplýsingar gefur yfirhafnsögumaður í síma 525-8900.
SK
ESSU
H
O
R
N
2015