Skessuhorn - 01.06.2016, Blaðsíða 55

MIÐVIKUDAGUR 1. JÚNÍ 2016 55
Horft yfir liðið ár og litið til þess nýjaSjómannadagurinn
var fínt og það voru fleiri sem voru á
Tanganum að byrja á trillum þá eins
og Fíi í Belgsholti og Simmi á Steins-
stöðum ásamt einhverjum fleirum.“
Árið 1996 hætti Jakop að vinna á
Grundartanga og fór alfarið í smá-
bátaútgerðina. Svo skertu þeir ýsu-
kvótann svo mikið að það var ekki
hægt að gera út á línu eftir það og
leigan á ýsukvótanum fór upp úr öllu
valdi. Þegar kvótakerfið kom á smá-
bátana þá hafði ég verið á netum og
fiskað vel. Ég fékk því svolítið góða
viðmiðun og 12-14 tonna kvóta. Svo
var þessu breytt í aflamark og þá fékk
ég duglegan strák á móti mér á bát-
inn. Hann reri þegar ég var að vinna
á Tanganum. Þannig fékkst góð við-
miðun og ég var með um 60 tonna
þorskígildiskvóta þegar kvóti kom á
smábáta aftur. Svo var þetta skert og
var komið niður úr öllu en ég er bú-
inn að kaupa kvóta síðan og er núna
með um 50 þorskígildistonn.“
Erfitt að stunda sjó í
öllum þessum kerfum
Jakop segist alltaf hafa haft gam-
an af sjómennskunni, sérstaklega á
smábátunum. Síðustu tvö árin hafi
veiðin dottið niður við Arnarstapa
upp úr miðjum maí og hann hafi
farið vestur á Patreksfjörð að róa
síðustu vor eftir veruna á Stapa.
„Það var gott fiskirí en langt að róa,
þrjátíu, fjörutíu mílur út. Svolítið
erfitt en var allt í lagi þegar maður
gat tekið sólarhring í róðurinn og
lagt sig um borð út á miðunum en
nú skilst mér að maður megi ekki
vera úti nema í 14 tíma samfellt
þannig að þá er þetta orðið of erfitt
og menn óhvíldir í þessu, öfugt við
það sem ætlunin er. Þetta er stund-
um svona öfugsnúið í kerfunum.
Það var einn tekinn þarna í fyrra
fyrir að vera lengur en 14 tíma úti í
einu og löggan beið hans á bryggj-
unni. Þegar dagakerfið var mátti
vera úti allan sólarhringinn. Það er
erfitt að stunda sjó í dag með öll-
um þessum kerfum.“ Jakop rifjar
upp þá daga sem hann kom fyrst á
Skagann. „Þetta voru rosalega góð-
ir karlar hérna þá og maður komst
í góð kynni við alla. Þá gáfu menn
sér líka tíma til að spjalla sam-
an í rólegheitum en þetta er mik-
ið breytt.“
Hættir þótt hugurinn
sé við sjóinn
Fljótlega eftir að Jakop kom til Ís-
lands kynntist hann konu sinni
Hólmfríði Sigurðardóttur frá
Skógarhlíð í Reykjadal í Suður-
Þingeyjarsýslu. „Ætli við höfum
ekki hist fyrst 1967. Þetta var bara
svona ekta íslenskt. Ég fór á ball í
Alþýðukjallaranum í Reykjavík og
hitti þessa saklausu sveitastelpu.
Við höfum verið saman síðan en
fórum ekki að búa fyrr en 1969.
Fyrst var hún að vinna í Reykja-
vík og svo tókum við Litla-Lund
við Suðurgötuna á Akranesi á leigu
og fluttum þangað. Eftir hálft ár
keyptum við húsið af Möggu í
mjólkurbúðinni á Vesturgötunni.
Þar vorum við alveg til 1980 að
við keyptum íbúð í blokk á Vall-
arbrautinni, síðan fluttum við aft-
ur niður á Vesturgötu og svo 1996
hingað í Jörundarholtið.
Þau Hólmfríður eiga tvö upp-
komin börn; strák og stelpu. Hún
er hjúkrunarfræðingur á Dalvík og
á fjórar dætur en hann er kenn-
ari við Brekkubæjarskóla á Akra-
nesi og á þrjú börn. Jakop seg-
ir Helga son sinn lítið hafa verið á
sjó en þó komið aðeins með sér og
sé nú búinn að taka pungaprófið.
„Ætli hann taki ekki bara bátinn.
Ég verð að hætta þessu þótt hug-
urinn sé allur við sjóinn. Við eig-
um sumarbústað uppi í Svínadal og
verðum bara meira þar, svo fer ég
að dunda mér við lax- og silungs-
veiði. Maður hefur ábyggilega nóg
að gera í ellinni. Ég reyni að halda
bátnum sem ég er búinn að eiga í
16 ár og vona að við Helgi getum
dundað okkur eitthvað á honum,“
segir Jakop Hendriksson sjómaður
að endingu.
hb
Gleðilegan
sjómannadag
Framlag sjómanna og íslenskur sjávar-
útvegur skiptir okkur miklu máli. Við
óskum sjómönnum og fjölskyldum þeirra
um land allt til hamingju með daginn.
410 4000Landsbankinn landsbankinn.is
Fréttaveita Vesturlands
www.skessuhorn.is
Haraldur AK-10 að koma inn með loðnu árið 1972. Jakop var lengi skipverji á
þessum 200 tonna báti og þar voru hans einu kynni af loðnuveiðum.
Ljósm. hb.