Skessuhorn - 23.11.2016, Qupperneq 34

MIÐVIKUDAGUR 23. NÓVEMBER 201634
Melissa
Sous Vide Tæki
Verð: 17.995
Fissler
29.995
CrushCrind
Verð frá 5.495
Zone
12.350
DUTCHDELUXES
Verð frá 9.950
frá 89.995
Melissa
Þjóðbraut 1 - Akranesi - sími 431 3333 - www.gjafahus.is
Tomasz og Natalia Belko hafa búið
á Íslandi í rétt tæp þrjú ár. Þau
koma upprunalega frá Póllandi og
hafa valið að byggja sér líf á Akra-
nesi. Tomasz hefur unnið við ýmsa
verkamannavinnu og starfar núna
í Trésmiðju Þráins á Akranesi en
starfaði þar á undan í Jötunstáli
áður en verkstæðið brann. Hann
er vel liðinn starfskraftur og mjög
jákvæður gagnvart lífinu á Íslandi.
Natalia var fyrstu mánuðina á Ís-
landi heima með dóttur þeirra sem
er núna orðin tveggja ára komin í
leikskóla. Þegar blaðamaður kíkir á
þau hjónin í lítilli leiguíbúð þeirra
á Akranesi er einmitt undirbúning-
ur undir afmælisveislu einkadóttur-
innar á byrjunarstigi. Natalia starf-
ar í Hrognavinnslu Vignis G. Jóns-
sonar og líkar ágætlega. Hún tal-
ar litla ensku, en skilur örlitla ís-
lensku og ensku. Tomasz túlkar fyr-
ir hana.
Erfiðir og langir vetur í
ótrúlegu landslagi
Bæði koma þau frá Szczecin, borg
sem er í um 100 kílómetra fjar-
lægð frá Berlín, rétt við landamæri
Þýskalands. Þau ákváðu að freista
gæfunnar utan Póllands vegna þess
að þau áttu von á barni og það var
erfitt að finna vinnu í Póllandi. Ís-
land varð fyrir valinu þar sem syst-
ir Tomaszar bjó hér fyrir. Tomasz
segir að Íslendingar séu jákvæðir og
vinalegir, en veturnir geti verið erf-
iðir. „Pabbi segir að Ísland sé bara
fyrir þá allra hörðustu,“ segir hann
og hlær.
Það má heyra á þeim að veturn-
ir séu þeim erfiðir. „Þeir eru svo
langir og vont veður er í svo marga
daga,“ segir Natalia og Tomasz
bætir við að í Póllandi sé ekki eins
hvasst. Bæði eru þó sammála um að
snjórinn sé miklu betri en rigning-
in. Tomasz segir að þau hafi verið
heilluð af Íslandi við komuna hing-
að. „Þegar maður keyrir frá Kefla-
vík í gegnum hraunið, þá efast mað-
ur svolítið. En þegar maður kemur
hingað á Akranes, þá er svo fallegt
hérna.“ Fegurðin hafi þó dofnað
örlítið í hugum þeirra, þar sem þau
búa við hana á hverjum degi. Tom-
asz segir að til að bæta úr því þurfi
þau að ferðast um landið, upplifa
það upp á nýtt.
Sakna heimalandsins
„Íslendingar eru ótrúlega vinaleg-
ir,“ segir Tomasz sem er mjög já-
kvæður fyrir landi og þjóð. Hann
þurfti nýlega að keyra norður á Ak-
ureyri og segir að hann hafði virki-
lega notið landslagsins á leiðinni.
„Þegar ég var kominn á áfangastað
á Akureyri, stóð ég í dyrunum og
dáðist að fegurðinni, fjöllunum og
firðinum.“
Þau hafa ekki farið í heimsókn til
Póllands í eitt og hálft ár og hlakkar
mikið til að fara heim í desemb-
er. „Við söknum fjölskyldunnar og
Póllands mikið, en við höfum ekki
val um að búa þar,“ segir Tomasz
og Natalia bætir við að þau myndu
þurfa að finna vinnu og búa inni á
foreldrum sínum. Þá myndu fjár-
hagsáhyggjurnar vera miklar. Þess
vegna er Ísland betri kostur og sá
kostur er alls ekki svo slæmur, þrátt
fyrir dræmt vöruúrval og fámenni.
Barnauppeldi í
öðru landi
Talið berst að barnauppeldi. Þeim
finnst fámennið veita öryggi á
Akranesi. „Í Póllandi er ekki eins
öruggt fyrir börn að alast upp,“
segir Tomasz og nefnið hættu-
lega umferð og ofbeldi gagnvart
börnum. Þeim finnst erfitt að að-
lagast afslappaða umhverfinu á Ís-
landi, þótt það sé ekki komið að
því ennþá. Dóttir þeirra er aðeins
tveggja ára. „Þegar þar að kemur
þá þurfum við að taka tillit til að-
stæðna hér og gefa henni meira
frelsi en tíðkast í Póllandi,“ seg-
ir Tomasz og Natalia er því sam-
mála. Eitt veldur þeim þó enn
vandræðum og það er klæðaburð-
urinn, eða hvernig eigi að reikna
út hvernig klæðaburður hent-
ar fyrir hvaða veður. Þeim finnst
klæðaburður Íslendinga stundum
of lítill miðað við hitastigið. Na-
talia bætir þó við að þeirra reynslu
af Íslandi sé ekki endilega hægt að
yfirfæra yfir á alla Pólverja. „Sum-
ir hafa búið hérna miklu lengur
en við. Við vitum ekki hvað þeim
finnst um Ísland.“
Mikið vinnuöryggi
Eitt myndi þau þó vilja sjá batna
og það er heilbrigðiskerfið. Þeim
þykir heilbrigðiskerfið hér á landi
ekki upp á marga fiska. Það sé eitt-
hvað sem þau geti lifað með, þar
sem vinnuöryggið er mikið og
vinnuveitendur þeirra í gegnum
tíðina hafi reynst þeim mjög vel.
Vinnuumhverfið er afslappað og
traust og því eru þau þakklát.
Þau eru ánægð með að búa á Ís-
landi, þótt þau eigi enn eftir að að-
lagast eða venjast ýmsum siðum og
venjum en ekki síst veðrinu. Þau
segjast vilja kynnast Íslendingum
og eru komin vel á veg með það.
Þau eru komin í gott samband við
nágranna sína og það var einmitt
nágranni þeirra sem kom Tom-
asz í vinnu hjá Trésmiðju Þráins.
„Íslendingar eru bara vinalegir, ég
hef ekkert slæmt um þá að segja,“
segir Tomasz.
klj
Finnst gott að búa í örygginu á Íslandi
Spjallað við Tomasz og Nataliu Belko sem búa og starfa á Akranesi

Tomasz og Nataliu Belko með dóttur þeirra Nataliu.