Skessuhorn - 23.11.2016, Síða 38

MIÐVIKUDAGUR 23. NÓVEMBER 201638
Jólaundirbúningur í Smiðjunni
í Ólafsvík er nú í fullum gangi.
Gunnsteinn Sigurðsson forstöðu-
maður segir að starfsmenn séu að
pakka inn og selja jólakort fyrir
íþróttafélagið Sólina. „Einnig eru
við að sauma svuntur og taupoka,
búa til kerti og ýmsa fallega hluti
úr endurnýtanlegum hlutum sem
við fáum til okkar. Þá verður margt
sniðugt hjá okkur í gangi,“ segir
Gunnsteinn brosandi og bætir við
að stefnt sé á að verða með jóla-
markað í desember. af
Jólaundirbúningur í
gangi í Smiðjunni
Þær vinkonur Rúna Ösp Unnsteinsdóttir og Steinunn Stefánsdóttir voru kampa-
kátar við handverk í Smiðjunni.
Jólamarkaður var í félagsheimilinu
Breiðabliki á sunnudaginn. Fjöl-
breytnin í vöruvali eykst með hverju
árinu. Má m.a. nefna sultur, reykt
og grafið kjöt og fisk, þurrkaða lif-
ur fyrir hunda, brauð, kökur, sult-
ur, kæfu, allskonar prjóna og fönd-
urvörur, myndir, kerti, skartgripi,
snyrtivörur og svo margt, margt
fleira. Stór hluti af markaðinum er
líka að koma saman og hitta aðra, fá
sér kaffi og vöfflur og slaka á fyrir
jólastressið í desember.
iss
Fjölbreytni á jólamarkaði í Breiðabliki
Tækifærin leynast víða á Vest-
urlandi og til eru þeir íbúar sem
finna þau og grípa. Eru þar Kári
Geir Jensson og Agnes Helga Sig-
urðardóttir engin undanteking.
Kári er þessa dagana að undirbúa
stofnun nýs ferðaþjónustufyrir-
tækis í Hólminum sem hann þró-
aði í miðjum þangskurði í Breiða-
firði. Skessuhorn hitti Kára á dög-
unum og fræddist um áform hans
til að efla afþreyingu í ferðaþjón-
ustunni á Snæfellsnesi.
Best að hafa Breiða-
fjörðinn í bakgarðinum
Kári er upprunninn úr Reykhóla-
sveitinni, nánar tiltekið frá bænum
Mýrartungu og er 29 ára gamall.
„Ég er sveitamaður að upplagi og
alinn upp á kúabúi. Eftir grunn-
skóla fór ég suður til Reykjavíkur í
Borgarholtsskóla að læra bílamál-
un. Ég starfaði við bílamálun eftir
að námi lauk, en flutti svo hingað í
Hólminn þegar sambýliskona fékk
vinnu hér sem íþrótta- og tóm-
stundafulltrúi,” segir Kári en kona
hans heitir Agnes Helga Sigurðar-
dóttir.
„Það var mjög ánægjulegt að
hún fékk starfið, en hún sótti um
víða eftir að hafa lokið námi. Ég
kann best við mig á stað þar sem
Breiðafjörðurinn er nálægur, ekki
síst ef hann er í bakgarðinum, og
því var kærkomið að hún fékk starf
hjá Stykkishólmsbæ.”
Stykkishólmur er
hentugur staður
Í Stykkishólmi hefur Kári starfað á
bílaverkstæði samhliða því að vera
í þangskurði fyrir Þörungaverk-
smiðjuna á Reykhólum. „Ég er
öllu vanur þegar kemur að Breiða-
firðinum og farið bæði á grásleppu
og strandveiðar frá unglingsaldri
þar sem ég hef siglt frá Reykhól-
um og Patreksfirði,” segir Kári en
þegar Skessuhorn ræddi við hann
var hann nýkominn úr skurðar-
ferð. „Þangskurðartímabilið hefur
var lengra í ár vegna góðrar tíðar
í haust þannig að við höfum verið
að fram í nóvember.
Meðan ég hef verið í þangskurð-
inum fór ég alltaf að hugsa meira
og meira um gamla hugmynd sem
ég fékk fyrir nokkru síðan, þ.e. að
bjóða upp á ferðir um Snæfells-
nes og jafnvel Vestfirði fyrir ferða-
menn á jeppum. Það er svo margt
hægt að skoða hérna og held ég
að ferðamaðurinn fái meira út úr
heimsókn sinni til landsins með því
að fara um svæðið í fylgd heima-
manna. Markmiðið er síðan að
hafa reksturinn staðsettan á svæð-
inu og er Stykkishólmur hentug-
ur staður til slíks landfræðilega. Á
þessu ári ákvað ég að hrinda hug-
myndinni í framkvæmd og nú er
undirbúningur kominn það langt
að hægt verður að hefja rekstur
eftir áramót.”
Way Out West
Nafn fyrirtækisins er Way Out
West og er það í eigu Kára og
Agnesar. „Við ætlum að byrja ró-
lega í fyrstu og bjóða annars veg-
ar upp á skipulagða ferð þar sem
helstu náttúruperlur Snæfellsness
verða heimsóttar. Við munum líka
bjóða upp á sérsniðna ferð ef það
er eitthvað sérstakt sem ferðamað-
urinn vill sjá á svæðinu umfram
annað. Við höfum til umráða þrjá
Ford Econline bíla, en tveir þeirra
taka 15 manns í sæti og einn 12
manns,” segir Kári sem þó hyggst
þó byrja rólega. „Umfangið verð-
ur eðlilega að ráðast af bókunum
sem fara fram í gegnum heimasíðu
sem er í vinnslu en verður vonandi
kynnt sem fyrst.”
Kári hefur fulla trú á svæðinu og
segir Snæfellsnes hafa allt til alls.
„Hér eru fjölmargar náttúruperlur
sem draga ferðamenn að. Marg-
ir ferðamenn vilja komast í kynni
við þær með leiðsögn og því er
mikilvægt að geta boðið upp á þá
þjónustu. Það er líka útlit fyrir að
gistinóttum muni fjölga á svæð-
inu á næstu misserum enda er ver-
ið að bæta við fleiri gistirýmum. Þá
verða fleiri ferðamenn sem dvelja
hérna. Þeir munu vilja skoða svæð-
ið og þá geta þeir bókað sig í ferð-
ir hjá okkur í Way Out West,” seg-
ir Kári.
Opinn fyrir frekari
þróun
Það hefur reynst Kára vel að hafa
kynnst stofnun fyrirtækis áður.
„Ég hef líka haft aðgang að mjög
góðum endurskoðanda sem hefur
reynst mér vel í allri pappírsvinn-
unni sem fylgir því að koma nýju
fyrirtæki á koppinn.” Hann seg-
ir að mörg viðskiptatækifæri bjóð-
ist á Vesturlandi og sé nauðsynlegt
að fólk í framkvæmdahug spyrji sig
hvað það geti sjálft gert til að efla
svæðið. „Það að reyna er skárra en
að gera ekki neitt.”
Draumur Kára er sá að geta
einnig boðið upp á ferðir um Vest-
firði en það mun velta á viðtökun-
um á næsta ári í Snæfellsnesferðun-
um. „Svo er ég opinn fyrir allskyns
þróun. Ef heimasíðan virkar vel þá
kemur til greina að tengja fleiri af-
þreyingarmöguleika á svæðinu við
hana. Til dæmis ef einhver fer út í
að bjóða upp á hestaferðir þá væri
hægt að samnýta bókunarkerfið á
heimasíðu Way Out West,” seg-
ir hann.
„Svo væri líka gaman ef umsvifin
verða slík að það væri hægt að ráða
fólk í vinnu og skapa þannig fleiri
störf,” bætir hann við, en nokkr-
ir hafa nú þegar haft samband við
hann um mögulegt starf.
Vel tekið í Hólminum
Þó Kári búi í þéttbýli þá fær sveita-
maðurinn í honum góða útrás í
Hólminum. „Ég var mjög ánægð-
ur með að fá að komast í hóp eyja-
bænda hér í Hólminum. Fyr-
ir skemmstu fór ég með nokkrar
kindur út í Elliðaey þar sem þær
munu dvelja í vetur. Einn hrút-
ur mun síðan heimsækja þær þeg-
ar kemur fram í desember. Þá get-
um við bændurnir vitjað lambanna
okkar í vor,” segir Kári brosandi.
Hann segir fjölskyldu sinni líða
vel í Stykkishólmi og sjái þau ekki
eftir því að hafa flutt úr Reykja-
vík. „Hér er gott umhverfi að búa
í, ekki síst fyrir börnin okkar tvö,”
segir hann en börn hans og Agnes-
ar eru Þórir Már 5 ára og Diljá Líf
2 ára. „Þar að auki er gott félagslíf
hérna og er ég sem dæmi kominn
í Gin og tonic klúbb með nokkr-
um góðum félögum. Hér er búið
að taka á móti okkur með opnum
örmum og það hefur skipt máli,”
segir þessi ungi frumkvöðull að
lokum.
hlh
Það að reyna er skárra en að gera ekki neitt
-rætt við Kára Geir Jensson bílamálara sem undirbýr stofnun ferðaþjónustufyrirtækis í Stykkishólmi
Kári Geir Jensson bílamálari og verðandi ferðaskipuleggjandi hjá Way Out West.