Skessuhorn - 23.11.2016, Page 78

MIÐVIKUDAGUR 23. NÓVEMBER 201678
„Er jólaundirbúningurinn
hafinn á þínu heimili?“
Spurning
vikunnar
(Spurt á Hvanneyri)
Bára Sif Sigurjónsdóttir:
„Nei, en hann hefst innan tíð-
ar. Ég byrja yfirleitt að undirbúa
jólin í byrjun desember.“
Sandra Ósk Bender:
„Nei, en ég er mikið jólabarn og
væri löngu byrjuð að skreyta ef
ég væri ekki í prófum.“
Elvar Friðriksson:
„Nei, en kærastan mín vill gjarn-
an fara að byrja að undirbúa jól-
in.“
Rafn Helgason:
„Já, það er komið kerti í gluggann
en ekkert meira en það.“
Pavle Estrajher:
„Nei, ég byrja ekki fyrr en í byrj-
un desember.“
Eftir grátlegt eins stigs tap á móti
Fjölni síðastliðinn fimmtudag tók
ÍA á móti liði FSu í 1. deild karla
í körfuknattleik á sunnudaginn var.
Leikurinn var jafn og spennandi frá
upphafi til enda. Hvorugt liðið náði
að hrista hitt af sér, en liðin skiptust
alls níu sinnum forystunni. Gest-
irnir frá Selfossi höfðu mest sex
stiga forskot en ÍA mest sjö stiga
forskot, en þannig var staðan ein-
mitt þegar lokaflautan gall. Skaga-
menn sigruðu 74-67 og kræktu í
fyrsta heimasigur sinn í vetur.
Skagamenn byrjuðu betur og
höfðu yfirhöndina í upphafsfjórð-
ungnum og höfðu fjögurra stiga
forystu að honum loknum. Gest-
irnir komu til baka í öðrum leik-
hluta og jöfnuðu áður en hann var
hálfnaður. Frá þeim tímapunkti og
allt til hálfleiks var leikurinn mjög
jafn. Gestirnir leiddu stærstan hluta
fram að leikhléi með einu stigi en
Skagamenn jöfnuðu fyrir hléið og
þannig var staðan í hálfleik, 34-34.
Mikið jafnræði var með liðun-
um í upphafi síðari hálfleiks en
skömmu fyrir miðjan þriðja fjórð-
ung náðu Skagamenn góðum kafla
og nokkurra stiga forskoti. Leik-
menn FSu svöruðu hins vegar fyr-
ir sig, minnkuðu muninn og kom-
ust stigi yfir fyrir lokafjórðunginn.
Þar voru Skagamenn sterkari. Þeir
tóku forystuna á nýjan leik strax í
upphafi leikhlutans og héldu henni
allt til loka. Gestirnir náðu tvisv-
ar að minnka muninn í tvö stig en
Skagamenn stóðust áhlaup þeirra
og sigruðu sinn fyrsta heimaleik í
vetur, 74-67.
Derek Shouse var atkvæðamest-
ur Skagamanna með 28 stig, 14 frá-
köst, fjórar stoðsendingar og fjóra
stolna bolta. Björn Steinar Brynj-
ólfsson var með 14 stig, þrjú fráköst
og þrjár stoðsendingar, Sigurður
Rúnar Sigurðsson með tólf stig og
sjö fráköst og Jón Orri Kristjánsson
með ellefu stig og ellefu fráköst.
ÍA er sem stendur í áttunda og
næstneðsta sæti deildarinnar með
fjögur stig eftir níu leiki, jafnmörg
stig og Vestri í sætinu fyrir ofan en
Ísfirðingar eiga leik til góða. Næst
leikur ÍA föstudaginn 25. nóvem-
ber næstkomandi þegar liðið mætir
Hamri í Hveragerði.
kgk
Skagamenn kræktu í fyrsta heimasigurinn
Derek Shouse lætur vaða í leiknum gegn FSu. Hann var stigahæstur Skagamanna í fyrsta heimasigrinum. Ljósm. jho.
Snæfell tók á móti Skallagrími í
Vesturlandsslag Domino‘s deild-
ar karla í körfuknattleik á fimmtu-
dag. Fyrir leikinn höfðu Skalla-
grímsmenn unnið tvo leiki í deild-
inni en Snæfell var án sigurs. Lið-
in hafa marga hildina háð í gegn-
um tíðina og leikurinn í síðustu
viku var engin undantekning þar
á. Eftir að Skallagrímur hafði
haft yfirhöndina í fyrri hálfleik og
framan af þeim síðari tók við æsi-
spennandi lokafjórðungur og úr-
slit réðust ekki fyrr en eftir tvær
framlengingar. Þar mörðu Skalla-
grímsmenn sigur, 112-115.
Mikið jafnræði var með liðun-
um í upphafsfjórðungnum. Skalla-
grímur náði þó fimm stiga for-
skoti um hann miðjan en Snæ-
fell svaraði fyrir sig og minnkaði
muninn í eitt stig fyrir annan leik-
hluta. Þar voru gestirnir úr Borg-
arnesi ívið sterkari en heimamenn
fylgdu þeim fast á eftir. Skalla-
grímur náði sjö stiga forskoti eft-
ir miðjan fjórðunginn og lauk síð-
an fyrri hálfleiknum með góðum
kafla og hafði tólf stiga forskot í
hléinu, 35-47.
Leikmenn Skallagríms mættu
ákveðnir til leiks eftir hléið og
náðu að auka forskot sitt í 21 stig
seint í þriðja leikhluta. En þá var
sem Snæfellingar rönkuðu við sér
og væru ekki á eitt sáttir við sitt
hlutskipti í leiknum. Með snörp-
um leikkafla, þar sem þeir skor-
uðu, 16 stig gegn tveimur, minnk-
uðu þeir muninn snarlega nið-
ur í sjö stig fyrir upphafsfjórð-
unginn og komin spenna í leik-
inn. Snæfellingar héldu áfram að
leika vel og snemma í fjórða leik-
hluta komust þeir yfir, í fyrsta sinn
síðan í upphafi leiks. Skallagríms-
menn jöfnuðu þegar þrjár mínút-
ur lifðu leiks en aftur náðu Snæ-
fellingar forystu. Þeir leiddu með
tveimur stigum fyrir lokasekúnd-
urnar. Sigtryggur Arnar Björnsson
bar upp boltann fyrir Skallagrím
og var komin í hálfgerð vandræði
hægra megin við þriggja stiga lín-
una. Hann fékk varnarmann til að
stökkva með léttri gabbhreyfingu
en stökk sjálfur inn í hann til að
freista þess að fá villu og vítaskot.
Í leiðinni kastaði hann boltanum
upp í loftið, algerlega úr jafnvægi
og þetta undarlega skot Sigtryggs
Arnar hitti og tryggði Skallagrími
framlengdan leik.
Í framlengingunni náði Skalla-
grímur fjögurra stiga forskoti eft-
ir þriggja mínútna leik en Snæ-
fell kom til baka, jafnaði og aft-
ur þurfti að framlengja. Í seinni
framlengingunni komust heima-
menn þremur stigum yfir áður en
Skallagrímsmenn náðu forystunni
og mörðu að lokum þriggja stiga
sigur, 112-115. Lauk þannig há-
dramatískum leik í Stykkishólmi.
Snæfellingar voru grátlega nálægt
sínum fyrsta sigri í vetur en Skalla-
grímsmenn tryggðu sér mikilvæg
stig í neðri hluta deildarinnar.
Andrée Fares Michelsson og
Sefton Barrett voru atkvæðamest-
ir Snæfellinga. Andrée skoraði 34
stig og tók fimm fráköst en Sef-
ton var með 31 stig, ellefu fráköst,
fimm stolna bolta og fjórar stoð-
sendingar. Þá skoraði Geir Elías
Úlfur Helgason tólf stig en aðrir
höfðu minna.
Í liði Skallagríms var Flen-
ard Whitfield atkvæðamestur.
Hann skoraði 42 stig og tók ell-
efu fráköst fyrir Skallagrím. Næst-
ur honum kom Sigtryggur Arnar
Björnsson með 27 stig, átta frá-
köst og sex stoðsendingar. Hinn
margreyndi Magnús Þór Gunn-
arsson var með 15 stig og sex frá-
köst og annar reynslubolti, Darrel
Flake, skoraði 12 stig, tók sjö frá-
köst, stal boltanum fimm sinnum
og gaf fjórar stoðsendingar.
Með sigrinum lyfti Skallagrím-
ur sér upp í 8. sæti deildarinnar
með sex stig eftir fyrstu sjö leik-
ina en Snæfell er enn án sigurs í
botnsætinu. Næstu leikir liðanna
fara fram á morgun, fimmtudag-
inn 24. nóvember. Snæfell heim-
sækir Grindavík en Skallagrímur
tekur á móti Stjörnunni.
kgk/ Ljósm. sá.
Skallagrímur marði sigur á Snæfelli í
tvíframlengdum Vesturlandsslag