Skessuhorn - 30.05.2018, Síða 55

MIÐVIKUDAGUR 30. MAÍ 2018 55
Kynningarfundur um skipulagsmál
Sementsstrompurinn
Almennur íbúafundur verður haldinn í bæjarþing-
salnum, þriðju hæð að Stillholti 16-18,
þriðjudaginn 5. júní n.k. og hefst hann kl. 18:00.

Kynnt verður breyting á deiliskipulagi
Sementsreits. Breyting felst í því að heimilt
verður að fella niður sementsstrompinn.
Sviðsstjóri skipulags- og umhverfissviðs
Akraneskaupstaðar.
SK
ES
SU
H
O
R
N
2
01
8
Síðastliðinn föstudag var boðað til
samkomu í sal Félags eldri borgara
á Akranesi. Tilefnið var að skrifað
var undir samning milli Akranes-
kaupstaðar og Leigufélagsins Bestla
ehf. um byggingu nýrrar þjónustu-
miðstöðvar sem verður á neðstu
hæð fjölbýlishúss sem reist verður
á Dalbrautarreitnum á lóð núm-
er 4. Bestla var eina fyrirtækið sem
bauð í byggingarrétt á lóðinni í út-
boði Akraneskaupstaðar sem fram
fór í vetur. Ekki var boðið í bygg-
ingarrétt á öðrum þremur lóðum
á reitnum. Félagsmiðstöðin verð-
ur í um 1270 fermetra rými á jarð-
hæð, bílastæðahús verður í kjallara
og íbúðir á efri hæðum þess. Ekki
er búið að skipuleggja hvernig þetta
rými verður innréttað með þarf-
ir félagsstarfs eldri borgara í huga.
Við þessi tímamót sér fyrir endan
á margra ára baráttu Félags eldri
borgara fyrir bættri félagsaðstöðu í
bæjarfélaginu. Núverandi salur við
Kirkjubraut 40 er fyrir margt löngu
sprunginn utan af starfsemi félags-
ins, en alla jafnan er um 10% bæj-
arbúa í Félagi eldri borgara, eða ríf-
lega 700 manns.
Viðar Einarsson formaður FEB-
AN bauð gesti velkomna og fagn-
aði þeim áfanga í sögu félagsins sem
framundan er. Sævar Freyr Þráins-
son bæjarstjóri fór yfir verkefnið
sem og Ólafur Adolfsson formaður
bæjarráðs. Vilborg Þórunn Guð-
bjartsdóttir formaður velferðar- og
mannréttindanefndar fór því næst
yfir niðurstöður íbúaþings í haust
þar sem málefni eldra fólks voru til
umræðu. Sigurður Páll Harðarson
sviðsstjóri skipulagssviðs hjá Akra-
neskaupstað kynnti þvínæst fyrir-
hugaða framkvæmd. Byggingin við
Dalbraut 4 verður fyrsta af fjórum
stórhýsum sem skipulagið gerir ráð
fyrir á Dalbrautarreitnum. Hún
mun rísa sunnan við verslanamið-
stöðina, við Dalbraut gegnt Krón-
unni. Búist er við að jarðvegsfram-
kvæmdir geti hafist í haust og áætl-
að að húsið verði ríflega fokhelt í
árslok 2019. mm
Þjónustumiðstöð eldri borgara
mun rísa við Dalbraut 4
Að lokinni undirskrift. F.v. Jón Ágúst Garðarsson framkvæmdastjóri Bestla, Guð-
jón Helgi Guðmundsson verkefnisstjóri, Ólafur Adolfsson formaður bæjarráðs,
Sævar Freyr Þráinsson bæjarstjóri og Viðar Einarsson formaður stjórnar FEBAN.
Tillaga að útliti hússins við Dalbraut 4. Þjónustumiðstöðin verður á jarðhæð hússins á um 1270 fm en íbúðir á efri hæðunum. Í
kjallara verða bílastæði fyrir íbúa hússins. Fram kom að hluti bílastæða vegna starfsemi þjónustumiðstöðvarinnar verður að
hluta til austan við verslanamiðstöðina.
Skrifað undir samning um byggingu þjónusturýmis fyrir eldri borgara á Dalbraut
4. Sævar Freyr Þráinsson bæjarstjóri og Jón Ágúst Garðarsson framkvæmdastjóri
Bestla rituðu undir samninginn.
Fréttaveita Vesturlands
www.skessuhorn.is