Heimsmynd - 01.03.1990, Blaðsíða 18
ir. Allir hlutir senda frá sér orku og ljós,
hestar og hundar geta verið ljósmiklir
svo ekki sé nú talað um hvalina, sem eru
þroskaðar sálir samkvæmt Michael. Því
held ég að Greenpeace-fólkið sé upp til
hópa hvalfangarar úr fyrri lífum sem eru
að jafna sitt karma út núna með því að
reyna að bjarga hvölunum. Sálir á yngsta
skeiðinu, ungbarnaskeiðinu, eru taldar
hafa lítið ljósmagn sem svo eykst með
hverju þroskaskeiðinu.“
Sjálfur segist hann vera mjög gömul
sál. „Ég er orðinn hundleiður á þessu
basli sem fylgir því að dragnast um í
jarðneskum líkama. Við gömlu sálirnar
erum því oft þunglyndar en það er sagt
að þunglyndi sé einkennandi
sjúkdómur fyrir sálir á gamla
skeiðinu. Ætli ég hafi ekki lifað
á bilinu þrjú til fjögur hundruð
sinnum,“ segir hann aðspurður
og brosir. „Samkvæmt Michael
þurfum við að þrauka í allt að
fjögur hundruð jarðvistir en
sumar sálir virðast geta losnað
yfir á annað tilvistarstig eftir að
hafa afplánað færri jarðnesk líf.
Þetta líf mitt nú var nokkuð erf-
itt lengi framan af. Ég kem úr
fjölskyldu þar sem mikil áhersla
var lögð á það að ég menntaði
mig en því nennti ég ekki. Ég
gifti mig og átti barn en hún yfir-
gaf mig og hefur barnið alla tíð
verið hjá mér. Ég veit að ég og
þessi sonur minn höfum fylgst
að í gegnum mörg jarðvistar-
skeið. Við höfum verið fóst-
bræður, feðgar og bestu vinir.
Enda hrópaði ég upp yfir mig
þegar hann opnaði í fyrsta sinn
augun. Ég þekkti hann aftur og
heilsaði honum eins og gömlum
vini.“
Hann hætti að drekka tuttugu og fimm
ára gamall. Fram að þeim tíma hafði
hann flækst víða um heim og mikið á
mótórhjóli. „Ég hafði nokkrum sinnum
lent í lífshættu og sloppið að því að mér
hefur síðar fundist á yfirnáttúrulegan
hátt. Eitt sinn beindi æfur maður að mér
byssu þar sem hann taldi að ég hefði
stolið mótórhjólinu sínu. Mér tókst ein-
hvern veginn að tala um fyrir honum og
náunginn lét segjast. Ég fór beint á bar-
inn á eftir, fékk mér einn þrefaldan og
skalf. Þá er annað sem ég hef velt fyrir
mér síðar að þegar ég var að ferðast um
Evrópu á hjólinu þoldi ég ekki tilhugsun-
ina við að stoppa í Þýskalandi. Ég fór
alltaf á fyrstu hraðbrautina sem ég fann
og út úr landinu. Enda hef ég síðar kom-
ist að því að Þýskarar káluðu mér eitt
sinn. Ég kynntist núverandi konu minni
fyrir nokkrum árum og saman eigum við
nú von á barni. Eftir að ég hætti að
drekka fór ég að opna augun fyrir lífinu.
Ég fór að leita æðri máttar í gegnum alls
konar tilvistarkjaftæði án þess að fá svar
strax. Engu að síður-hóf ég nýtt líf sem
heilbrigður einstaklingur. Ég hætti að
reykja, því næst að borða kjöt og hef
komist að því að um leið og maður
sleppir einhverju svona, öðlast maður
frelsi frá því. Smátt og smátt uppgötvaði
ég hvað heillaði mig mest við dulspekina
og það var kærleiksleitin. Samkvæmt
Michael er mín aðalhindrun óþolinmæði.
Ég vildi strax fá svör við öllu, til dæmis
mínum fyrri lífum. Mér var sagt að ég
þekkti þau sjálfur, þótt persónuleikinn
væri ekki meðvitaður byggi öll vitneskj-
an í mínum innsta sálarkjama."
Hann fór að stunda hugleiðslu og
komst í kynni við samtökin Lífssýn.
„Þetta er félagsskapur á vegum Erlu
Stefánsdóttur og eiginmanns hennar,
Arnar Guðmundssonar tannlæknis.
Markmið Lífssýnar er að hjálpa fólki á
Atli Bergmann
man eftir sér sem Indverja og breskum
aðalsmanni. „Það var hundleiðinlegt líf.“
leið til aukinnar sjálfsþekkingar. Mér var
sagt að ég hefði hæfileika og ég hef verið
að þróa þá með mér undanfarin ár.
Margt hefur komið mér á óvart, til dæm-
is það að geta sagt hvað er í pakka sem
mér er réttur eða sú uppgötvun að hugs-
anaflutningur er staðreynd. Þá skynja ég
einnig orkublik fólks. Michael er fyrir
mér aðeins ein leið af ótal mörgum öðr-
um í leit að sjálfsþekkingu.“
Hann tekur fram töflur þar sem sálna-
hlutverk, aldursskeið, markmið, viðhorf
og fleira er útlistað samkvæmt Michael-
fræðunum. „Ég veit núna að ég er kóng-
ur. Það er óumbreytanlegt hlutverk mitt
í gegnum öll mín jarðlíf, minn innsti sál-
arkjarni. I þessu jarðlífi veit ég að mark-
mið mitt er þroski. Jákvæða hlið þrosk-
ans er þróunin en hin neikvæða ruglið.
Viðhorf mitt einkennist af verkhyggju
þar sem jákvæða hliðin er hagsýni en hin
neikvæða skoðanahroki. Aðalhindrun
mín er óþolinmæði en hindrunin er ein-
kenni sem kemur fram á unglingsárum
og setur mark sitt á líf manns það sem
eftir er.“
Eins og Helga leggur Atli áherslu á
það að fræðin séu fordómalaus og ekki
ber að líta svo á að gamlar sálir séu at-
hyglisverðari en þær yngri. „Gamlar sálir
eru oft í hlutverki tötrum klæddra flæk-
inga. Gott dæmi um gamla sál væri garð-
yrkjumaðurinn sem vökvaði rósirnar í
garði ungu sálarinnar sem væri einhvers
staðar í einkaþotu með magasár af
áhyggjum yfir veraldlegum hlutum. Sam-
kvæmt Michael eru sálir á miðbiki unga
skeiðsins oft þær sem eru fjærst frá guð-
dóminum vegna tengsla við efnisheim-
inn. Táknræn ung sál er gullfalleg fyrir-
sæta eða uppi í stórborg. Móðir Theresa
er gömul sál og hún er þjónn, alltaf að
gefa. Margir sem eru að leggja sitt á vog-
arskálarnar til að hjálpa eru að endur-
greiða karma frá fyrri lífum, eins og
Pasteur sem fann upp pensilínið.
Mörg stórmenni fyrri tíma eru
nú orðnar gamlar sálir sem
standa fyrir utan alla valdabar-
áttu. Gott dæmi er Júlíus Sesar
sem Michael segir að sé nú eldri
kona í Alaska sem ræktar
hunda.“
Samkvæmt Michael er heim-
urinn að breytast, segir hann.
„Þroskuðu sálirnar eru að verða
fleiri og sálir á yngsta skeiðinu
eru að hætta að fæðast. Jörðinni
endist ekki aldur til að láta þær
ganga í gegnum öll þroskaskeið-
in á nýjan leik. Ef þetta væri sett
upp á kúrfu liti það þannig út að
ungu og þroskuðu sálimar væru
í meirihluta. Ungar sálir eru æð-
islegar, oft fallegasta fólkið og
sannanlega fólkið sem drífur í
hlutunum. Ég ímynda mér að
New York og aðrar stórborgir
séu uppfullar af ungum sálum.
Hins vegar hafa ísland, Holland
og Sviss verið talin landsvæði
gömlu sálnanna. Táknræn af-
staða Hollendinga til eiturlyfja,
það er að keyra út heróínið til sjúkling-
anna, er einkennandi fyrir gamlar sálir. I
stað þess að láta dópistana breiða út al-
næmi og eiturlyf bregðast hollensk
stjórnvöld við á þroskaðan hátt. Mottó
gömlu sálarinnar er að lifa og láta aðra
um sitt líf. Samkvæmt Michael eru lönd
eins og íran og írak uppfull af barnung-
um sálum. Þær sálir hafa mikla þörf fyrir
strangar reglur og kerfi. Sálir á alyngsta
skeiðinu eru þær sem þekkja ekki mun-
inn á réttu og röngu, fjöldamorðingjar
og glæpamenn. En það eru ungu sálirnar
sem ráða mestu enn þá. Þær segja: Ég
hef rétt fyrir mér. Þroskaða sálin leggur
áherslu á samvinnu en gamla sálin stend-
ur fyrir utan og finnst þetta vera hjóm.
Gorbatsjev myndi vera einn fárra leið-
toga sem eru komnir á þroskaða skeiðið.
Idi Amin og Khomeini voru aftur á móti
bamungar sálir.“
Nú segja bæði Atli og Helga að
Michaelfræðin séu fordómalaus og fræði
þá sem til þeirra leita. Engu að síður eru
komnar út bækur þar sem frægasta fólk
veraldar er greint hvort sem því líkar
betur eða verr. Ein þeirra Michael’s Cast
of Characters, þar sem segir í undirtitli
að ekki beri að taka hana mjög alvar-
18 HEIMSMYND