Heimsmynd - 01.03.1990, Blaðsíða 75

Systurnar Hulda og Helga með börn sín.
Helga Valtýsdottir
Haraldur Björnsson
leikari____________
í hlutverki Johns
í Silfuröskjunum.
Hulda heldur á Helgu dóttur sinni og
I Helga á Kristínu dóttur sinni. Sitjandi
eru Stefán Thors, Kristín
Gunnarsdóttir, Björn Thors og Kjartan
Thors. Á myndina vantar Hildigunni,
dóttur Huldu.
Systurnar
Hulda og Helga Valtýsdætur.
í hlutverki sínu í
Vinginíu Woolf.
fljúgandi mælskur í ræðum og hafði til að bera sterkan sann-
færingarkraft. Af var einræningshátturinn frá æskuárum. Það
var því ekki að furða þótt hann væri kosinn á þing þegar árið
1886 og stóð Skúli Thoroddsen, sýslumaðurinn ungi á Isafirði,
þétt að baki honum. Þeir voru báðir logandi áhugamenn um
ýmis lýðréttindi, studdu hvor annan og stækkuðu báðir við
það. Þessir pólitísku fóstbræður voru ákafir andstæðingar
Magnúsar Stephensens landshöfðingja og dansksinnaðra
kaupmanna. Séra Sigurður var aðalfrumkvöðull að stofnun
kaupfélags og kom það síðan í hlut Skúla að stjórna því. Með
því vildu þeir hnekkja hálfdönsku kaupmannavaldi á ísafirði.
Þeir stóðu saman að stofnun Þjóðviljans og mun séra Sigurður
hafa átt hugmyndina að nafninu. Það var því föðurbróðir Val-
týs Stefánssonar „Moggapabba“ sem átti upphafið að Þjóðvilj-
anum.
Stjórnmálaferill séra Sigurðar varð óvenjulega langur.
Hann sat samfellt á 26 þingum. Er hann lét af þingmennsku
árið 1923 hafði enginn maður setið jafnlengi á þingi frá því að
það var endurreist. Hann var eindreginn Valtýingur og síðan
Sjálfstæðismaður en yfirgaf undir lokin gamla samherja sína
og gerðist einn af stofnendum svokallaðs Sparnaðarbandalags
sem vildi sýna búmannlega aðgæslu í ríkisfjármálum.
Kona séra Sigurðar í Vigur var Þórunn Bjarnadóttir (1855-
1936) og eignuðust þau þrjú börn. Þau voru þessi:
SÝSLUMAÐUR SKAGFIRÐINGA
1. Sigurður Sigurðsson (1887-1963) sýslumaður Skagfirð-
inga. Hann var lögmaður á ísafirði 1914 til 1921 og síðan full-
trúi í Stjórnarráðinu til 1924 en þá var hann skipaður sýslu-
maður á Sauðárkróki og gegndi því embætti í nær því aldar-
fjórðung. Hann var áhugasamur um stjórnmál, eins og hann
átti kyn til, og var bæjarfulltrúi á ísafirði 1917 til 1920. í Skaga-
firði var hann margsinnis í framboði til alþingis fyrir Sjálfstæð-
isflokkinn en náði aldrei kjöri. Kona hans var Guðríður Stef-
anía Arnórsdóttir og áttu þau fjölmörg börn og eru margir
þekktir afkomendur af þeim komnir. Meðal þeirra er Margrét
Þórunn Sigurðardóttir (f. 1915) geðhjúkrunarfræðingur í Háls-
ingborg í Svíþjóð. Hún var í mörg ár formaður Kvenfélags
Hægri flokksins þar í borg og sat í bæjarstjórn fyrir hann á ár-
unum 1959 til 1962 og jafnframt í ýmsum ráðum og stjórnum á
vegum borgarinnar. Er það fátítt að íslendingar komist til
slíkra stjórnmálaáhrifa á erlendri grund. Meðal barna hennar
er Nanna Hermansson (f. 1942) sem var borgarminjavörður
um árabil í Reykjavík en komst reyndar í nokkra andstöðu við
Sjálfstæðisflokkinn í Reykjavík, og þó einkum Davíð Oddsson
borgarstjóra, sem embættismaður. Af öðrum börnum sýslu-
mannsins á Sauðárkróki má nefna listmálarana Sigurð Sig-
urðsson (f. 1916) og Hrólf Sigurðsson (f. 1922) og ennfremur
Stefán Sigurðsson (f. 1920) lögfræðing á Akranesi. Hann sat í
bæjarstjórn fyrir Sjálfstæðisflokkinn Á Sauðárkróki á árunum
1958 til 1961. Einn er svo Árni Sigurðsson (f. 1927) prestur á
Blönduósi og annar Snorri Sigurðsson (f. 1929) skógfræðingur
í Kópavogi. Hann hefur verið erindreki Skógræktarfélags ís-
lands og ritstjóri Ársrits þess. Er hann einn af mörgum skóg-
ræktaráhugamönnum í ættinni.
VIGURSYSTKININ
2. Bjarni Sigurðsson (1889-1974) bóndi og hreppstjóri í Vig-
ur var annar sonur séra Sigurðar og tók hann við búi af föður
sínum. Kona hans var Björg Björnsdóttir og voru þau syst-
kinabörn því að hún var dótturdóttir Stefáns á Heiði (sjá síð-
ar). Börn þeirra:
a) Sigurður Bjarnason (f. 1915) ritstjóri, alþingismaður og
ambassador, jafnan kenndur við Vigur. Hann lauk lagaprófi
1941 en hafði þegar látið að sér kveða í stjórnmálum á há-
skólaárum, var meðal annars formaður Vöku og Stúdenta-
ráðs. Þegar að loknu laganámi gerðist hann blaðamaður á
Morgunblaðinu, hjá náfrænda sínum, Valtý Stefánssyni, og
var vegur hans greiður þar til metorða. Hann var orðinn
stjórnmálaritstjóri 1947 og var síðan gerður að ritstjóra blaðs-
ins 1956 og gegndi því starfi allt þar til hann varð sendiherra í
Kaupmannahöfn 1970. Hann var kosinn alþingismaður Norð-
ur-ísfirðinga 1942 og sat samfellt á þingi til 1959 og var síðan
þingmaður Vestfjarða 1963 til 1970. Hann fylgdi þar dyggilega
í fótspor afa síns. Sigurður var forseti neðri deildar Alþingis
um margra ára skeið og forseti bæjarstjórnar á Isafirði 1946 til
1950. Eftir að hafa gegnt ambassadorsstöðu í Kaupmannahöfn
um sex ára skeið var hann fluttur til London og var þar sendi-
herra þar til fyrir nokkrum árum. Kona hans er Ólöf Pálsdótt-
ir sem er með þekktari myndhöggvurum þjóðarinnar en nokk-
uð voru þau hjón umdeild í setu sinni erlendis fyrir íburð í
húsakynnum. Eldra barn þeirra er Hildur Helga Sigurðardótt-
ir (f. 1956) sem var blaðamaður á Morgunblaðinu en er nú
fréttaritari útvarpsins í London.
b) Björn Bjarnason (f. 1916) bóndi í Vigur.
c) Baldur Bjarnason (f. 1918) bóndi og oddviti í Vigur.
Kona hans er Sigríður Salvarsdóttir. Mikil ættrækni er í heiðri
höfð hjá þeim bræðrum, bændum í Vigur, og gestrisni í göml-
um stíl höfð þar í heiðri.
d) Þorbjörg Bjarnadóttir (f. 1922) skólastjóri Húsmæðra-
skólans Oskar á Isafirði um áratugaskeið. Hún var um skeið
varabæjarfulltrúi fyrir Sjálfstæðisflokkinn þar. Maður hennar
er Brynjólfur Samúelsson trésmíðameistari.
e) Þórunn Bjarnadóttir (f. 1925) kennari í Reykjavík, gift
Lárusi Árnasyni málarameistara.
f) Sigurlaug Bjarnadóttir (f. 1926) menntaskólakennari í
Framhald á bls. 96
HEIMSMYND 75