Heimsmynd - 01.03.1990, Blaðsíða 93
dyr fyrir Guðrúnu. Hún kynntist Erlu
Stefánsdóttur hjá samtökunum Lífssýn,
sem hjálpa fólki í leit að sjálfsþekkingu
og við það breyttist líf hennar. „Ég var
aldrei mjög spennt fyrir austrænum að-
ferðum í sjálfsleit, eins og að kirja
möntrur við hugleiðslu en þar hef ég líka
í tímans rás þróað mitt eigið kerfi.
Stjörnuspekin hjálpaði mér í sjálfskönn-
uninni en kaflaskiptin urðu þegar ég
kynntist Erlu. Ég hafði lesið mér til um
mikilvægi jákvæðs hugarfars og hvernig
hægt er að vinna með orkustöðvar lík-
amans. Það var mjög gaman þegar við
Erla hittumst fyrst. Þá sagði hún: Ég hef
verið að bíða eftir þér. Ég sá þig fyrir tíu
árum og var að hugsa um að tala við þig
en hugsaði sem svo, hún kemur þegar
hún er tilbúin.“
Eins og aðrir sem hér er rætt við er
Guðrún þeirrar trúar að hún hafi lifað
oft áður. „Erla hefur staðfest margt af
því sem ég hef upplifað um mín fyrri líf í
draumum og hugleiðslu. Ég finn til dæm-
is sterkt fyrir því að hafa verið indíáni í
Norður-Ameríku. Þá veit ég líka að við
Erla höfum verið nánar á fyrri tilveru-
stigum. Hún hefur kennt mér að verja
mig fyrir þeim öflum sem leita á mann
þegar maður byrjar að opna sig. Því
meira ljósmagn sem maður hefur því
meiri líkur eru á því að maður laði að sér
bæði jákvæða sem neikvæða strauma. í
Lífssýn kennir Erla hugleiðslu en ég hug-
leiði tvisvar á dag, kvölds og morgna.
Oft hef ég hjá mér kristal, stundum nota
ég reykelsi, ilmolíur og tónlist til að
skerpa einbeitinguna. Hjá Erlu hef ég
lært hvernig hægt er að efla skynjun og
næmni en flestir hafa lokað á eðlislæga
næmni sína. Hugarorkunni er hægt að
beita bæði jákvætt og neikvætt eins og
mörg dæmi sýna. Fólk gætt miklum hæfi-
leikum á þessu sviði hefur til dæmis
leiðst út fikt við myrkraöflin. Allar hugs-
anir sem við sendum frá okkur fáum við
til baka oftast tvöfalt.“
Um það leyti sem hún kynntist Erlu
segist hún hafa orðið fyrir mjög slæmri
upplifun heima hjá sér. „Ég hef innrétt-
að bflskúrinn þannig að ég geri allar
mínar æfingar þar og hugleiði. Ég vakna
alltaf klukkan sjö á morgnana á undan
öðrum og eyði um klukkustund í ró og
næði við hugleiðslu og æfingar. Mig
hafði dreymt óhugnanlegan draum sem
ég kunni ekki strax að ráða en taldi hann
slæman fyrirboða. Ég vaknaði upp og
fannst eins og blóð læki niður fætuma á
mér. Draumurinn var svo raunverulegur
að ég strauk á mér fæturna en þar var
ekkert blóð. Um kvöldið var ég á leið-
inni fram að hugleiða. Þegar ég opnaði
dymar að bílskúrnum kom eins og svart
ský á móti mér og lagðist yfir mig. Ég
varð ofsalega hrædd og var að hugsa um
að flýja af hólmi en ákvað síðan að
ganga inn. Ég signdi mig og gerði
krossmark yfir allt sem fyrir var á meðan
ég fór með bænir sem mér fannst fullar
af ljósi. Næstu dagana fannst mér alltaf
eitthvað óhreint á sveimi en lét óttann
ekki buga mig og vann þarna áfram.
Nokkrum vikum síðar fórum við Gulli í
veiðitúr og þá loks sagði ég honum frá
þessu. Hann sagði mér að leita hjálpar.
Ég hringdi í Erlu og hún sagðist mundu
koma utan líkama en hún hafði aldrei
áður komið heim til mín, hvorki þannig
né í eigin persónu. Síðar um kvöldið leið
mér mun betur inni í herberginu og
skynjaði að þetta óhreina afl var á bak
og burt. Löngu síðar kom Erla í eigin
persónu og benti út í hornið á herberg-
inu: Hann var þarna, sagði hún. Einar á
Einarsstöðum sagði víst að öfund og hat-
ur sem væri lagt á fólk eða hýbýli þess
myndaði farveg fyrir verur af lægri tíðni
til að komast inn í efnisheiminn. Bjöm
Jónsson bóndi á Laxamýri sagði mér að
þau hjónin hefðu orðið fyrir svona ásókn
af draug sem var mjög líkamnaður.
Laxamýri er ein mesta hlunnindajörð á
landinu. Bjöm og kona hans sátu í heil-
an vetur með biblíuna langt fram á nætur
á hverri nótt þrátt fyrir hjálp Einars til
að reyna að bægja þessum draugi frá en
hann var mjög líkamnaður.“
Hún segist núna vera komin á það stig
jafnvægis og sjálfsleitar, „að ég er tilbúin
að gefa af mér, hjálpa öðrum. Heilun,
lækning með hugarorku, heillar mig en
þar sem ég er ekki alveg tilbúin að beita
mér út á við hef ég eingöngu þjálfað mig
á fjölskyldu og vinum. Fyrir mörgum ár-
um lærði ég um nálarstunguaðferðina og
þekki því þau svæði þar sem orkubraut-
irnar eru. Ég er núna að vinna á sári á
fæti mannsins míns og hef séð árangur.
Vinkona mín er mjög veik og ég reyni að
hjálpa með því að biðja fyrir henni og
senda henni jákvæða strauma. Ég hef
fundið fyrir því um nokkurt skeið að mér
er hjálpað til að hjálpa öðrum. Ég finn
fyrir þessum aðila sem er með mér en ég
er hins vegar ekki alveg tilbúin þó mig
langi til þess. Þetta þarf að þróast. Ég
finn oft fyrir því ef eitthvað er að hjá
fólki sem ég hitti. Ef um sjúkdóm er að
ræða fæ ég verk í vinstri höndina og ég
veit um margt fólk sem hefur þessa
næmni án þess að vilja nota hana. Eitt
sinn hitti ég gamlan, drukkinn mann hjá
vinafólki okkar. Mér hafði verið sagt að
hann væri mjög næmur en þegar hann
réði ekki við næmnina flúði hann í
drykkjuna. Þegar ég var á leiðinni út
sagði hann við mig: Heyrðu, elskan mín,
þú móðgast ekkert þótt ég segi þetta við
þig en þú verður að gera eitthvað við
blöðrubólgunni hjá þér annars fer illa.
En einmitt á þessum tíma var ég mjög
slæm af blöðrubólgu."
Guðrún lifir heilbrigðu lífi. „Sem
unglingur hafði ég vaxið allt of hratt og
HEIMSMYND 93