Dagblaðið Vísir - DV - 29.11.2019, Blaðsíða 40

Bækur og menning 29. nóvember 2019KYNNINGARBLAÐ
Máttur hjartans er ný bók eftir Guðna Gunnarsson. Guðni er stofnandi og upphafs-
maður Rope Yoga og GlóMotion-
-hugmyndafræðinnar.
Guðni er einn af frumkvöðlum Ís-
lands á sviði líkams- og heilsuræktar.
Hann hefur starfað við fagið í meira
en 40 ár og er m.a. fyrsti lífsráð-
gjafinn og einkaþjálfarinn á Íslandi.
Máttur hjartans er fjórða bók
Guðna en áður skrifaði hann Lífs-
ráðgjafann/Heilrækt, Mátt viljans og
Mátt athyglinnar.
Þitt eigið ljós segir til um hversu mikið
þú getur séð fyrir þér
„Máttur hjartans er skrifuð vegna þess
að ég vil hvetja fólk til að vera krafta-
verk í sínu lífi með því að vilja sig, til að
velja sig og til að valda eigin tilvist út frá
forsendum hjartans. Það er mikilvægt
að þú skiljir að hvernig þú sérð þig og
upplifir – hvaða viðhorf þú hefur til þín –
mótar sýn sem framkallar það sem þú
sérð fyrir þér og einmitt þetta verður sá
veruleiki sem þú skapar,“ segir Guðni.
„Ég vil að þú skiljir hvaða lífsins
auðlegð opnast þegar þú tekur
ábyrgð á eigin tilvist, verður valfær
og eykur eigin heimild til hamingju og
þakklætis. Ég vil sjá þig auka heim-
ildina og finna þar hugrekki og áræðni
til að lifa til fulls, á þínum forsendum;
að sjá þig skilja að enginn er eyland
og að aðeins með því að þiggja og
gefa af þér geturðu þrifist í lífinu og
látið þig skína til fulls,“ bætir Guðni við.
„Við komum okkur þangað sem við
erum – með miklum tilkostnaði. Við
höfum varið allri ævinni í að verða
svona, núna, eins og við erum. Hvers
vegna erum við þá að hafna því? Við
þessu eru mörg svör og þau opinberast
í bókinni, en núna, einmitt núna þegar
þú lest þessi orð vil ég biðja þig um að
meðtaka eftirfarandi orð með hjartanu,
með skilningi dýpst úr hjartanu:
Þú getur ekki farið fyrr en þú ert
kominn. Vilji er verknaður, ekki
löngun, þrá, ætlun eða von. Mátt-
ugur er mættur maður sem hefur
fyrirgefið sér og vill sig umbúðalaust.
Þetta er fyrsti lykillinn og sá mikil-
vægasti einmitt núna þegar lestur
bókarinnar er fram undan. Þú getur
ekki farið fyrr en þú ert kominn og ef
þú ert ekki að framkvæma þá ertu ekki
að vilja og valda þeim breytingum sem
þú segist vilja. Þetta þýðir einfaldlega
að þín viðhorf í eigin garð byrja ekki
að breytast fyrr en þú viðurkennir og
elskar það hver þú ert, hvernig þú ert
og hvar þú ert,“ segir Guðni.
Upphafið að hugmyndinni
Sjáðu fyrir þér. Þannig byrjaði þetta
allt saman, fyrir mörgum árum, þegar
Guðni hélt námskeið með þessari
yfirskrift þar sem áhersla var lögð á
sjónsköpun í eigin lífi. „Sjáðu fyrir þér,“
sagði Guðni í mikilvægum orðaleik,
„því ef þú getur ekki séð fyrir þér þá
geturðu ekki séð fyrir þér.“ Um svipað
leyti barst honum tölvupóstur frá Þor-
valdi heitnum Þorsteinssyni þar sem
hann benti honum á að Sjáðu fyrir þér
væri vissulega góð yfirskrift á nám-
skeiði en væri þó enn betri bókartitill.
„Frá þeim degi spíraði fræið sem
nú er orðið að bók, úr þessum sak-
leysislega pósti frá kærum vini mínum,
og þér að segja tendrast hjarta mitt
við minninguna um þessi samskipti,
eins og svo margt í tengslum við
þennan fallna meistara orðs og hugs-
unar,“ bætir Guðni við að lokum.
Máttur hjartans fæst í öllum helstu
bókabúðum. Einnig er hún til sölu
á heimasíðu Rope Yoga Setursins
www.rys.is
MÁTTUR HJARTANS:
Allt sem þú veitir
athygli vex og dafnar
Ef þú sérð fyrir þér – þá geturðu séð
fyrir þér.

Við búum yfir ljósi sem jafnast á við sólina.
Samt kjósum við að skammta okkur
ljósmagn og ljóma inn í lífið.

Þegar við erum í heilindum og lítum út úr
einlægu hjarta – í gegnum þriðja augað
með innsæi – þá höfum við getu til að
skapa á leifturhraða allt sem við erum
tilbúin að heimila, þiggja, upplifa.

Ertu að dreifa ljósinu – eða ertu beina
ljósinu í þá átt sem þú vilt?

Ertu viljandi og valfær skapari – eða
óviljandi, óvalfært slys?

Ertu dimmir – eða ertu birtir?