Dagblaðið Vísir - DV - 29.11.2019, Blaðsíða 18

18 29. nóvemberFRÉTTIR
OnePortal er
vefgátt sem gerir
fyrirtækjum og sveitar-
félögum kleift að veita íbúum
þjónustu allan sólahringinn, allt
árið um kring. Rafrænir innri ferlar
eru tengdir við þjónustugátt fyrir íbúa
eða viðskiptavini, þar sem þeir
Gæða-
stjórnun á
stóran þátt í góðum
árangri fyrirtækja.
OneQuality er lausn sem
OneSystems bjóða heildarlausn
í skjalamálum fyrirtækja og sveitarfélaga
og þjónustu við viðskiptavini og íbúa þeirra
Hagkvæmar lausnir
með áherslu á rekjanleika,
auðveldan aðgang og gagnsæi.
OneRecords er öug lausn sem auðveldar
fyrirtækjum og sveitarfélögum halda utan
um mál sem eru í gangi á hverjum tíma.
Stjórnendur hafa yrsýn yr gang mála
innan fyrirtækisins og notendur
geta á einfaldan máta sótt
lista yr þau mál sem þeir
bera ábyrgð á.
Vilt þú koma
skjalamálunum
í lag?
VELJUM
ÍSLENST - VELJUM
ÍS
LE
NS
KT
-V
EL
JUM
ÍSLENSKT -
Records
Mála- og skjalakerfi
Self-Service
www.one.is
OneSystems - sími: 660 8551 | fax: 588 1057 | www.one.is | one@one.is
www.one.is . one@one.is
sími: 660 8551 . fax: 588 1057
Lögreglan taldi Íslendinga hafa
byrlað Robert Spencer MDMA
n Margt bendir til að átt hafi verið við drykk Roberts Spencer n Einum öfgafyllsta
andstæðingi íslam í heiminum var að öllum líkindum byrlað MDMA og amfetamín
R
annsóknarlögreglumenn
ásamt fyrrverandi að­
stoðarsaksóknara Lög­
reglustjórans á höfuð­
borgarsvæðinu töldu, miðað við
fyrirliggjandi gögn í sakamála­
rannsókn, að tveir Íslendingar
hefðu byrlað hinum þekkta en
jafnframt umdeilda rithöfundi
Robert Spencer MDMA og am­
fetamín þegar hann heimsótti
skemmtistaðinn Bar Ananas árið
2017. Íslendingarnir höfðu stöðu
sakbornings í málinu sem vakti
mikla athygli hér á landi. Rann­
sókn málsins var hætt á sínum
tíma og ekki þótti tilefni til að
leggja fram kæru á hendur Ís­
lendingunum. Var sú ákvörðun
tekin þrátt fyrir að aðstoðarsak­
sóknari lögreglustjórans á höfuð­
borgarsvæðinu hefði verið þess
fullviss að málarekstur þeirra
myndi leiða til sakfellingar. Þetta
kemur fram í lögregluskýrslum
embættisins sem DV hefur undir
höndum.
Robert þessi kom til Íslands
fyrir tveimur árum til þess að
halda fyrirlestur sem bar yfir­
skriftina „Íslam og framtíð
evrópskrar menningar.“ Ekki voru
allir á eitt sáttir við heimsókn Ro­
berts Spencer hingað til lands en
hann er iðulega kallaður rasisti
fyrir öfgafullar skoðanir sínar á
íslam. Robert Spencer hélt fyrir­
lestur sinn á Grand Hótel í Reykja­
vík. Nokkur hundruð manns voru
sögð hafa sótt fyrirlestur hans
sem mætti mótmælum, með­
al annars fyrir utan hótelið þar
sem haldinn var samstöðufund­
ur gegn Robert. Eftir fyrirlestur­
inn hélt Robert ásamt fylgdarliði
í miðbæ Reykjavíkur. Leiðin lá á
skemmtistaðinn Bar Ananas við
Klapparstíg. Þar settist Robert
til borðs ásamt samstarfsmanni
sínum, Christine William, og líf­
verði, Pasquale. Samkvæmt lög­
regluskýrslum tóku nokkrir gest­
ir staðarins eftir því þegar Robert
gekk inn á staðinn og veittu þeir
honum þónokkra athygli eða eins
og segir í skýrslunni: „Aðili 1 á
barnum kemur auga á Robert og
fylgdarlið, lætur aðila 2 og 3 vita.
Þeir fara að skoða símana sína í
kjölfarið.“
Tvöfaldur í Coke Zero með
MDMA?
Einn af þeim þáttum sem lék
veigamikið hlutverk í rannsókn
lögreglu voru upptökur úr ör­
yggismyndavélum staðarins.
Þar sést Íslendingur gefa sig á tal
við Robert og virðist bjóða hon­
um upp á drykk. Umræddur Ís­
lendingur sagði við yfirheyrslu
lögreglu að hann hefði ákveðið „í
einhverju djóki“ að fara og heilsa
upp á hann. Robert þáði drykk­
inn og bað um tvöfaldan dökkan
romm í Coke Zero. Lögreglan
gekk á Íslendinginn í yfirheyrsl­
unni, samkvæmt lögregluskýrsl­
um, og var hann til dæmis spurð­
ur beint út hvort hann hefði sett
amfetamín og MDMA út í drykk
Roberts en hann neitaði því,
hvorki hann eða félagi hans hefði
gert slíkt. Hann hafði aldrei kom­
ið við sögu lögreglu vegna fíkni­
efna og sagðist ekki nota þau
heldur. Aftur á móti hafi vinur
hans notað fíkniefni en ekki að
staðaldri. Honum er síðan sýnt
myndskeið úr öryggismyndavél­
um staðarins og hann beðinn um
að lýsa því sem þar fer fram.
Í rannsóknarniðurstöðum seg­
ir orðrétt: „Upptaka úr öryggis­
myndavélum staðarins sýnir er
kærðu kaupa umræddan drykk.
Þá sést kærði Sindri afhenda
kærða Sigurði sogrör sem hann
í kjölfarið fer með inn á salerni
staðarins. Er hann kemur til baka
að barnum tekur hann drykkinn
í hönd, færir hann undir bar­
borðið og virðist vera að eiga við
hann. Í kjölfarið hrærir hann ít­
rekað í drykknum eins og verið
sé að blanda einhverju út í hann.
Kærðu eru á þessum tíma varir
um sig og fer ekki á milli mála að
eitthvað meira er að eiga sér stað
en einföld drykkjarpöntun. Þá
liggur fyrir að umræddur drykk­
ur, sem brotaþoli sést innbyrða,
er sá eini sem hann neytti umrætt
kvöld og barst frá óviðkomandi
þriðja aðila.“
„… málið sé líklegt til sakfellis“
„Einnig skal tekið fram að brota­
þoli er bandarískur fyrirlesari
sem var á landinu í því skyni að
flytja fyrirlestur um trúarbrögð ís­
lam. Kvaðst hann hafa orðið fyr­
ir aðkasti inni á skemmtistaðn­
um umrætt kvöld vegna skoðana
hans og taldi að kærðu hafi byrj­
að honum ólyfjan vegna skoðana
sem hann hafði tjáð á fyrirlestri
sínum fyrr um daginn,“ segir í
rannsóknarniðurstöðu lögreglu­
stjórans á höfuðborgarsvæðinu.
En niðurstaðan gerir meira en að
ýja að sekt þeirra Sindra og Sig­
urðar því í niðurlagi skýrslunnar
stendur: „Með vísan til alls þessa
og gagna málsins, einkum ofan­
greindrar upptöku, telur undir­
ritaður að málið sé líklegt til sak­
fellis.“ Undir skýrsluna kvittar
Kjartan Ólafsson, aðstoðarsak­
sóknari Lögreglustjórans á höf­
uðborgarsvæðinu.
En hvað gerðist svo? Málið
var sent ákærusviði héraðssak­
sóknara en þar voru sönnunar­
gögnin endurmetin af saksóknur­
um þess embættis. Niðurstaðan
var sú að málið skyldi fellt niður.
Þetta staðfesti einn af þeim sem
hafði réttarstöðu grunaðs manns í
málinu, fyrrverandi rekstrarstjór­
inn Sindri Geirsson. Sindri hefur í
nokkur ár starfað á skemmtistöð­
um borgarinnar og þekkti því all­
flesta þá Íslendinga sem voru á
Bar Ananas umrætt kvöld. Hann
vildi lítið tjá sig um umræddar
lögregluskýrslur í samtali við DV.
Spurður út í lýsingar lögreglunn­
ar af atvikum, eftir því sem þær
birtust þeim í upptökum úr ör­
yggismyndavélum, þá vildi Sindri
ekki tjá sig um það beint: „Svarið
mitt við þessu er að þetta mál var
rannsakað á sínum tíma og þeirri
rannsókn var hætt samkvæmt
bréfi frá aðstoðarsaksóknara.“
Ekki náðist í félaga Sindra, Sig­
urð Ólafsson, áður en blaðið fór í
prentun.
Embættin ósammála
DV reyndi að ná sambandi við
þá sem komu að þeirri ákvörðun
að láta málið niður falla en hafði
ekki erindi sem erfiði. Ólafur
Hauksson héraðssaksóknari kom
ekki að umræddu máli en í við­
tali við blaðið sagði Ólafur að það
væri ekki óalgengt að embættin,
þá embætti Lögreglustjórans á
höfuðborgarsvæðinu og embætti
héraðssaksóknara í þessu tilfelli,
fengju tvær mismunandi niður­
stöður. Hjá einu embættinu eru
fyrirliggjandi gögn talin líkleg
til sakfellingar en hjá hinu emb­
ættinu eru meiri líkur taldar á
sýknun. En eins og áður segir gat
Ólafur aðeins talað almennt um
svona atvik. Enn er beðið svara
frá embætti héraðssaksóknara
varðandi þetta tiltekna mál.
Robert kom hingað til lands í
maí mánuði árið 2017 í boði sam­
takanna Vakurs. Heimsókn hans
var víða mætt með mótmælum
en Robert Spencer ætti að vera
orðinn vanur því enda er hon­
um mótmælt í hverju landi sem
hann heimsækir með fyrirlestra.
Bandaríkjamanninum var til að
mynda meinað að koma til Bret­
lands árið 2013 til þess að halda
fyrirlestur vegna öfgafullra skoð­
ana sinna og að boðskapur hans
væri „óæskilegur í samfélaginu“
eins og það var orðað. n
Atli Már Gylfason
atli@dv.is