Fréttablaðið - 31.10.2015, Page 46

Fólk| helgin
Mikill metnaður er lagður í ár­legt hrekkja­
vökupartí sem fjöl­
skylda Guðbjargar
Birtu Bernharðsdóttur
og fleiri fjölskyldur
skiptast á að halda. Í ár
var partíið haldið heima
hjá foreldrum Guð­
bjargar en fyrsta partíið
var haldið í Danmörku
fyrir mörgum árum. „Í
byrjun voru þetta þrjár
fjölskyldur sem bjuggu
í Danmörku sem héldu
partíið og var þetta góð
afsökun til að hittast.
Síðan þá hefur fjölgað í
veislunni og hún undið
upp á sig, veitingarnar
og skreytingarnar
verða alltaf fallegri og flottari. Í ár vorum við bæði
með hrekkjavökupartí og svo hrekkjavökubröns þar
sem krakkarnir voru líka með,“ segir Guðbjörg.
hryllingur á veggjuM
Hún segir veisluna hafa heppnast vel en nefnir að
undirbúningur þurfi að vera mikill ef partíið á að
vera flott. „Ég byrjaði undirbúninginn viku fyrir part­
íið en ég skoða hugmyndir að skreytingum og fleiru
yfir allt árið. Fyrir partíið í ár skiptum við út öllum
myndum á heimilinu og settum hryllingsmyndir af
hræðilegum krökkum, draugahúsum og óhuggulegri
fjölskyldu í staðinn. Við bjuggum líka til nokkurs
konar líkama úr gömlum dagblöðum sem við kuðl­
uðum upp og settum inn i föt. Hengdum einn fram
af svölunum og klemmdum hinn undir bílskúrshurð­
inni. Það var svolítið skelfilegt og við tókum þá niður
áður en krakkarnir komu í brönsinn. Þeir höfðu hins
vegar gaman af risastórri könguló sem ég bjó til úr
rafmagnsrörum, spýtum og vír.“
Ólystugur Matur
Mikill metnaður var lagður í að hafa matinn sem
hræðilegastan og tókst það vel. Svo vel að fólk hafði
jafnvel ekki lyst á honum að sögn Guðbjargar. „Við
skárum út grasker og létum guacamole koma út um
„munninn“ á því þannig að það leit út fyrir að það
væri að gubba. Svo gerði ég Frankenstein­muffins og
hlauporma sem voru ógeðslegir og krakkarnir vildu
ekki sjá þá. Við vorum líka með súkkulaðibrunn sem
við settum hvítt súkkulaði með rauðum matarlit í
og kom það vel út. Einnig vorum við með frosnar
hendur en þá settum við vatn í gúmmíhanska og
frystum. Auk þess skárum við út melónu þannig að
hún leit út eins og heili.“
Ekki var minna lagt í búningana en ýmsar þekktar
persónur úr hrollvekjum sáust í partíinu eins og
norn, vampíra, múmía og beinagrind. „Það er ýmis­
legt notað til að gervið verði eins hræðilegt og hægt
er, gerviblóð og latex til að gera gervihúð. Fólk er
ekki endilega einhver ákveðin týpa heldur er bara
hræðilegt á einhvern hátt. Til dæmis málaði ég litla
bróður minn eins og púka, hann var með hvítar
linsur þannig að það var varla hægt að horfa í augun
á honum. Ég sjálf var með alveg svört augu eins og
ég væri andsetin,“ segir Guðbjörg og hlær.
skelfilegt partí
hrekkjavaka Nokkrar fjölskyldur halda sameiginlega hrekkjavökuveislu
árlega. Í ár voru skreytingar, veitingar og búningar með hræðilegasta móti.
Ógnvekjandi Gestir voru frekar hræðilegir í partíinu hjá
Guðbjörgu og fjölskyldu.
hræðilegt veisluborð Mikill metnaður var lagður í að hafa matinn sem hræði-
legastan og tókst það vel. Svo vel að fólk hafði jafnvel ekki lyst á honum, að sögn Guð-
bjargar.
guðbjörg birta
bernharðsdÓttir
leit út eins hún væri andsetin í
hrekkjavökupartíi.