Hugur og hönd - 01.06.2004, Síða 6
Þjóðbúningar kvenna voru sýndir og Kristín Schmidhauser Jónsdóttir lýsti búningunum og
gerð þeirra.
vel var vandað til verka við stofnun
Heimilisiðnaðarfélags Islands. Konur úr
áhugamannafélagi hófu verkið og fengu
svo til liðs við sig menn sem höfðu völd
og sambönd. Skemmtilegt er að segja frá
því að eina félagið sem leitað var til og
ekki kaus fulltrúa í undirbúningshóp
fyrir stofnun heimilisiðnaðarfélagsins var
Búnaðarfélagið. Það ágæta félag var þó
ekki þarna að segja sitt síðasta orð hvað
varðaði stuðning við heimilisiðnað. Arið
1924 réði Búnaðarfélagið Halldóru
Bjarnadóttur, þann mikla eldhuga, sem
sérlegan ráðunaut almennings í heimilis-
iðnaði. Sinnti hún því starfi í 33 ár og
átti stóran þátt í að efla og auka vand-
aðan heimilisiðnað og fagurt handverk.
Á fundinum þann 15. júní 1913 var
kosin nefnd til að undirbúa lög verðandi
félags. Sú nefnd lét ekki bíða eftir sér en
boðaði hópinn aftur til fundar á Jóns-
messunni, rúmlega viku síðar, og þar
voru lögin samþykkt. Nokkrir vildu
drífa í að stofna félagið þennan Jóns-
messudag en aðrir vildu bíða til að gefa
öðrum kost á að taka þátt í stofnun fé-
lagsins og kjósa um lög þess og stjórn.
Það varð ofan á og stofnfundur Heimil-
isiðnaðarfélagsins var auglýstur á götum
úti, í blaðinu Isafold og öllum alþingis-
mönnum var sérstaklega boðið á fund-
inn. Stofnfundurinn var haldinn laugar-
daginn 12. júlí. Þar skýrði Ingibjörg H.
Bjarnason frá undirbúningi málsins, en
hún var forvígismaður í málinu frá upp-
hafi, og Matthías Þórðarson fornminja-
vörður hélt erindi um heimilisiðnað og
þýðingu hans. Lög félagsins voru sam-
þykkt og stjórn kosin en fyrsti forseti fé-
lagsins var Jón Þórarinsson fræðslumála-
stjóri.
I fyrstu lögum Heimilisiðnaðarfélags-
ins var tilgangur þess sagður vera að
„... auka og efla þjóðlegan heimilisiðnað
á Islandi, stuðla að vöndun hans og
fegurð, og vekja áhuga manna á því, að
framleiða nytsama hluti.“
Störf félagsins skyldu aðallega fólgin í
því að halda námskeið í ýmsum greinum
heimilisiðnaðar, gefa út ritgerðir um það
efni, fyrirmyndir, uppdrætti og fleira.
Enn í dag er þetta kjarninn í starfsemi
félagsins.
Greinin sem hér hefur verið í vitnað, í
Kvennablaðinu frá árinu 1913, var skrif-
uð af Ingu Láru Lárusdóttur. Hún var í
hópnum sem Lestrarfélag kvenna fól að
undirbúa stofnun félagsins og fylgdi
málinu eftir og var kosin í stjórn félags-
ins, eða fulltrúaráð, á stofnfundinum.
Inga Lára endar grein sína á því að segja
að í upphafi hafi félagar í Heimilisiðnað-
Upphlutir í stíl 19. aldar sem hafa verið saumaðir á námskeiðum Heimilisiðnaðarskólans.
6 HUGUR OG HÖND 2004