Fréttablaðið - 21.03.2020, Side 6

SVEITARFÉLÖG Samband íslenskra
sveitarfélaga beinir því til sveitar-
félaga að hrinda í framkvæmd
ábendingum um aðgerðir til við-
spyrnu fyrir atvinnulífið í ljósi
samdráttar. Þetta kemur fram á vef
sambandsins.
Ábendingarnar eru í nokkrum
liðum og varða meðal annars að
athugað verði að fresta tveimur
gjalddögum fasteignagjalda og
að aðeins verði tekið tillit til verð-
lagsbreytinga við ákvörðun fast-
eignagjalda en ekki hækkunar
fasteignamats. Þá verði horft til
tímabundinnar lækkunar, eða
niðurfellingar gjalda, einkum fyrir
þá sem verða fyrir atvinnumissi.
Þá er sveitarfélögum bent á
að auka viðhaldsframkvæmdir,
umfram það sem fjárhagsáætlanir
þeirra gera ráð fyrir. Jafnframt að
sveitarfélögin bjóði allt að eitt þús-
und störf í atvinnuátaksverkefnum
í samvinnu við Atvinnuleysistrygg-
ingasjóð og að ný störf henti konum
og fólki af erlendum uppruna.
Landshlutasamtök sveitarfélaga
verði hvött til að breyta áherslum
sínum og aukinn þungi beinist að
verkefnum í ferðaþjónustu.
Fram kemur að ráðast þurfi í laga-
breytingar til að styðja sveitarfélög
í þessu skyni. Þannig verði lögum
breytt svo heimilt verði að fresta
gjalddögum fasteignagjalda og
að ákvæðum um hámarksskuldir
sveitarfélaga verði vikið til hliðar
um sinn. Þá er mælst til þess að
engir nýir skattar eða gjöld verði
lögð á þjónustu sveitarfélaga og er
urðunarskattur nefndur í því sam-
bandi. – jþ
Hugum vel að eldra
fólkinu okkar sem
og hvert að öðru.
Aðalheiður
Borgþórsdóttir,
bæjarstjóri á
Seyðisfirði
Þá verði horft til tíma-
bundinnar lækkunar eða
niðurfellingar gjalda.
COVID-19 Vítt og  breitt um landið
hafa sveitarstjórnir búið sig og sitt
fólk undir þær þrengingar sem
fylgja kórónaveirunni og eiga enn
eftir að ná sínum dýpstu lægðum.
Fréttablaðið gluggaði i viðbrögð
nokkurra sveitarstjóra frá Vík i
Mýrdal og austur fyrir land að
Grýtubakkahreppi í Eyjafirði.
„Mikilvægt er að hafa í huga að
um tímabundið ástand er að ræða
og ekki ástæða til annars en að líta
björtum augum til framtíðarinn-
ar,“ brýnir sveitarstjórn Mýrdals-
hrepps fyrir íbúum þar. Þá eru
Mýrdælingar hvattir til að fylgja
tilmælum almannavarna í öllu og
fresta öllum óþarfa ferðum á meðan
óvissuástand varir.
Í Skaftárhreppi er leitast við að
loka smitleiðum. „Við viljum tak-
marka líkur á smiti vegna covid
19 og biðjum fólk að koma EKKI
á skrifstofuna,“ segir með bestu
kveðjum frá starfsfólki Skaftár-
hrepps á vefsíðu sveitarfélagsins.
Hornfirðingar eru afar uggandi.
„Það er ljóst að forsendubrestur
verður í rekstri margra fyrirtækja
og hjá einkaaðilum í sveitarfélag-
inu, til viðbótar við erfiðleika sem
hafa verið í sjávarútvegi með loðnu-
bresti og hruni í humarstofni,“ segir
bæjarstjórnin  sem hvetur fólk til
að sýna ábyrgð og umburðarlyndi í
fordæmalausum aðstæðum.
„Hlutverk okkar allra er að
vernda viðkvæma hópa og halda
hjólum samfélagsins gangandi að
svo miklu leyti sem hægt er innan
þeirra marka sem okkur eru sett,“
segir bæjarstjórn Hornafjarðar, sem
kveðst einhuga í að verja stöðu íbúa
og atvinnulíf.
„Nú fer í hönd fordæmalaus tími
þar sem við þurfum öll að standa
saman og sýna samfélagslega
ábyrgð í því hvernig við heftum
COVID-19 faraldurinn. Hugum vel
að eldra fólkinu okkar sem og hvert
að öðru,“ segir Aðalheiður Borg-
þórsdóttir, bæjarstjóri á Seyðisfirði,
í ávarpi til bæjarbúa.
Karl Óttar Pétursson, bæjarstjóri
Fjarðabyggðar, segir fólk f lest nú
að upplifa hluti sem það hefur ekki
gert áður. „Á svona tímum er mikil-
vægt að við höldum ró okkar og
stillingu, og reynum eftir fremsta
megni að láta lífið ganga sinn vana-
gang. Látum ekki óttann ná tökum
á okkur, ef við tökum á hverjum
degi með æðruleysið að vopni þá
munum við, með samstilltu átaki,
komast í gegnum þetta,“ segir Karl
í ávarpi á heimasíðu Fjarðabyggðar.
Á heimasíðu Grýtubakkahrepps
kom fram í fyrradag að eitt COVID-
19 smit væri staðfest á Grenivík.
Sá sé í einangrun, einn annar sé i
sóttkví og að ekki sé talið að smit
hafi dreift sér. „Við höfum nú verið
rækilega minnt á það að við erum
órjúfanlega tengd umheiminum,“
segir Þröstur Friðfinnsson sveitar-
stjóri í ávarpi á heimasíðu sveitar-
félagsins. Reyna muni verulega á,
næstu vikur eða mánuði.
„Við sendum hlýjar kveður til
þeirra sem eru og eiga eftir að vera
í sóttkví. Ekki síður hugsum við öll
til þeirra sem hafa veikst og eiga
eftir að veikjast og óskum að þeir
megi aftur ná fullri heilsu sem fyrst.
Við stöndum saman og komum
vonandi sterk út úr þessu þegar
snjóa leysir og sólin verður hæst á
lofti. Sýnum æðruleysi og skilning,
hlúum að hvert öðru og sjálfum
okkur,“ segir í ávarpi Þrastar sveit-
arstjóra. gar@frettabladid.is
Standa saman sterk er
sól verður hæst á lofti
„Látum ekki óttann ná tökum á okkur,“ segir Karl Óttar Pétursson, bæjar-
stjóri Fjarðabyggðar, sem eins og margir starfsfélagar hans og sveitarstjórnir
hvetur íbúa til dáða í baráttunni gegn útbreiðslu COVID-19 sjúkdómsins.
Í Neskaupstað eins og í öðrum bæjum Fjarðabyggðar og um land allt, verst fólk framsókn COVID-19. FRÉTTABLAÐIÐ/GVA
Karl Óttar
Pétursson,
bæjarstjóri
Fjarðabyggðar.
Þröstur Frið-
finnsson, sveitar-
stjóri Grýtu-
bakkahrepps.
Sveitarfélög létti undir með íbúum
Café
AUSTURSTRÆTI • SKÓLAVÖRÐUSTÍG • LAUGAVEGI • AKUREYRI • VESTMANNAEYJUM

Sogavegi 3 • Höfðabakka 1 • Sími 555 2800
Whilst every effort is made to avoid mistakes errors can occur. Please check these
carefully. Proofs that are sent back without signature is considered approved and ok.
Approved and OK New proof please
DATE:
SIGNATURE:
/Ingenjörsgatan 7-9
Box 814, 251 08 Helsingborg
Tel. vx. 042-24 73 00
info@lindsflexo.se, www.lindsflexo.se
14
0
280
Linds Flexo, 1310144 Fiskikongurinn_KORR , 17-JAN-13 YTTER catarina
OPIÐLAUGARDAG
10-15
HUMARSÚPA
STÓR HUMAR
2 1 . M A R S 2 0 2 0 L A U G A R D A G U R6 F R É T T I R ∙ F R É T T A B L A Ð I Ð