Fréttablaðið - 21.03.2020, Qupperneq 25

Fólk er kynningarblað sem býður auglýsendum
að kynna vörur og þjónustu í formi viðtala og
umfjallana. Í blaðinu er einnig hefðbundið rit-
stjórnarefni. Blaðið fylgir Fréttablaðinu daglega.
Umsjónarmenn efnis: Elín Albertsdóttir, elin@frettabladid.is, s. 550 5761 | Hjördís Erna
Þorgeirsdóttir | hjordiserna@frettabladid.is s. 550 5767 | Oddur Freyr Þorsteinsson, oddurfreyr@
frettabladid.is s. 550 57686 | Sandra Guðrún Guðmundsdóttir, sandragudrun@frettabladid.is, s.
550 5762 | Þórdís Lilja Gunnarsdóttir, thordisg@frettabladid.is, s. 550 5768
Útgefandi:
Torg ehf
Ábyrgðarmaður:
Jóhanna Helga
Viðarsdóttir
Sölumenn: Arnar Magnússon, arnarm@frettabladid.is, s. 550 5652, Atli Bergmann, atli@frettabladid.is, s. 550 5657,
Jón Ívar Vilhelmsson, jonivar@frettabladid.is, s. 550 5654, Jóhann Waage, johannwaage@frettabladid.is, s. 550 5656,
Ruth Bergsdóttir, ruth@frettabladid.is, s. 694 4103,
Guðmundur Jóhann segir að hann hafi fyrst fengið áhuga á súrdeigsbakstri fyrir sex
árum. Vinnan við súrdeigið er
þolinmæðisverk og það tekur tíma
að fá rétta súrinn til að hægt sé að
baka úr honum. Fyrir þá sem hafa
nægan tíma heima þessa dagana
væri súrdeigsgerð ákjósanlegt
verkefni. Í verðlaun fást síðan
þessi æðislegu mjúku brauð með
stökkri skorpu eða fínustu föstu-
dagspitsur.
„Ég er mikill brauðmaður og
mig langaði til að gera betra brauð.
Ég sá umfjöllun um súrdeigs-
gerð á netinu og fór að prófa mig
áfram. Þetta klúðraðist í upphafi
margsinnis en fyrir svona fjórum
eða fimm árum fór þetta að takast
hjá mér. Síðan hef ég bakað brauð
um hverja helgi. Ríf mig upp á
laugardagsmorgnum klukkan
átta til að hita ofninn og gera allt
klárt,“ segir Guðmundur sem er
sjálf lærður, fór aldrei á námskeið
eða neitt slíkt til að nema sig í
fræðunum. „Ég horfði á Youtube
myndbönd, skoðaði greinar og
las allt sem ég komst yfir á netinu.
Þetta er tæknileg vinna en með
æfingunni tókst mér að ná utan
um hana.“
Gott skipulag nauðsynlegt
Guðmundur byrjaði ferlið með sjö
daga vinnu. „Ég nota sterkt prótín-
ríkt fínt hveiti á móti heilhveiti,
set 40 grömm af því á móti 40 g af
volgu vatni. Hræri þetta saman
en þetta þarf að gera á hverjum
degi í sjö daga með því að bæta
alltaf sama magni við upphaflega
súrinn. Ég geymi súrinn í rými
með jafnt hitastig, hjá mér inni í
búri. Á sjöunda degi ætti að vera
komið líf í súrinn í krukkunni en
þá set ég hann í kæliskáp þar sem
hann geymist í a.m.k. viku. Þegar
ég tek af honum í bakstur gef ég
honum annað eins í staðinn. Ef
súrinn væri á borðinu við stofu-
hita yrði að gefa honum á hverjum
degi en það er sjaldnar þegar hann
er í ísskáp. Ég þarf að taka súrinn
út á miðvikudegi ef ég ætla að nota
hann á laugardegi í brauðbakstur
til að koma honum í gang. Þá er
hann settur í deig á föstudegi,“
segir Guðmundur en þá er bætt
í hann hveiti, salti og vatni fyrir
baksturinn áður en hefun hefst.
„Þetta er svolítil skipulagning á
tíma,“ útskýrir hann.
Guðmundur lýsir vel ferlinu á
bloggsíðu sinni: gudmundurjo-
hann.wixsite.com/gummabakari
en þar er einnig hægt að skoða
uppskriftir sem hann hefur sett
inn.
Elín
Albertsdóttir
elin@frettabladid.is
Pabbapitsa er í miklu uppáhaldi hjá syninum, Aroni Ingva, sem er ellefu ára. FRÉTTABLAÐIÐ/ANTON BRINK
Framhald af forsíðu ➛
Hvít trufflu-sveppa súrdeigspitsa
Hálft box kastaníusveppir
5 hvítlauksrif
Tæplega hnefafylli af ferskri
steinselju
Salt
Pipar
Hvítlaukssalt
Smjör
Hvít truffluolía (fæst í Hagkaup)
Hálf mozzarella kúla
Pizzuostur
Setjið ofninn í botn (250 gráður,
blástur með undir og yfir). Setjið
pitsustein eða bökunarplötu í
ofninn og leyfið þessu að hitna í
a.m.k. 40 mínútur.
Blandið saman 50 ml af olíu,
söxuðum hvítlauk, tveim mat-
skeiðum af saxaðri steinselju í
krukku. Saltið og piprið. Hitið 40 g
af smjöri á pönnu. Skerið sveppi í
sneiðar og setjið á pönnuna. Stráið
hvítlaukssalti og pipar yfir. Steikið
í 10 mín. eða þar til sveppirnir eru
farnir að brúnast. Leggið til hliðar.
Útbúið botninn og dreifið hvít-
lauksolíunni yfir allan botninn,
sérstaklega á kantinn. Næst aðeins
af pitsuosti og síðast rifinn mozz-
arella. Dreifið því næst svepp-
unum yfir og setjið inn í funheitan
ofn.
Um leið og pitsan er klár – takið
hana út og drussið vel af trufflu-
olíunni yfir hana, sérstaklega yfir
kantinn til að fá extra djúsí enda.
Pabbapitsa á föstudögum
Guðmundur segir að þetta sé
mjög skemmtilegt áhugamál og
hann mælir með því. „Fyrir mig
er þetta eins og hugleiðsla. Ég
geri alltaf sérstakt pitsudeig á
fimmtudagskvöldum og það er
orðinn fastur liður á heimilinu að
ég búi til föstudags-súrdeigspitsu
og hún er í miklu uppáhaldi hjá
fjölskyldunni. Þannig hefur það
verið nánast undantekningarlaust
í fjögur ár,“ segir Guðmundur og
svarar því játandi þegar hann er
spurður hvort hann sé ekki enda-
laust vinsæll heima fyrir. „Sonur
minn, Aron Ingvi, sem er ellefu ára
vill ekkert annað er pabbapitsu.
Sömu sögu er að segja um dóttur
mína, Hafdísi Björk, sem er 17
ára. Þau hafa alist upp við pabba-
pitsu og við búum alltaf til fjórar
pitsur með áleggi eins og hver vill.
Sonurinn vill nautahakk en dótt-
irin vill eingöngu ananas sem ég
skil ekki en við hjónin erum alltaf
að prófa eitthvað nýtt,“ segir hann.
Guðmundur er kvæntur Sædísi
Sigurbjörnsdóttur, skjalastjóra hjá
ÁTVR.
„Þetta er ákveðin fjölskyldu-
stund sem er mjög skemmtileg.
Pitsan er bökuð á pitsusteini sem
er mikilvægt, þar sem deigið er
frekar blautt og mjúkt. Um leið
og mikill hiti fer á deigið sprettur
það upp og verður loftmikið og
stökkt. Það er ýmislegt hægt að
nota súrdeigið í fyrir utan brauð og
pitsur. Ég hef bakað beyglur með
mjög góðum árangri, kanilsnúða
og foccacia, ítalskt brauð. Einnig
hef ég prófað að gera glútenlausa
pitsubotna. Það er ýmislegt hægt
að gera með þetta deig og um að
gera að prófa sig áfram.
Margir segja að súrdeigsdeig
fari mun betur í meltinguna en
venjulegt gerdeig. Þess vegna
velja margir frekar súrdeigsbrauð.
Guðmundur bakar brauðin í
sérstökum pottum á 230°C hita.
Ofninn þarf að hitna í klukku-
stund áður en brauðin eru sett inn.
Brauðið setur hann í ofninn kl. 9 á
laugardagsmorgni, þau eru bökuð í
40 mínútur en þurfa svo að hvíla á
borði í a.m.k. hálftíma. Þau eru því
orðin fullkomin í bröns í hádeg-
inu. Pitsuna bakar hann á 250°C.“
Fjallabróðir og matgæðingur
Guðmundur er annálaður mat-
gæðingur og hefur sérstaklega
gaman af ítalskri matargerð. Hann
býr til pasta frá grunni, býður upp
á heimagert ravioli og ricotta ost.
Svo segja má að hann sé með sér-
staka ástríðu fyrir öllu sem þarf að
leggja ást og alúð í. „Við eldum allt-
af heima og ég hef gaman að Sous
Vide aðferðinni, einnig að kola-
grilla, eða bara þessar hefðbundnu
aðferðir. „Mér finnst ekkert betra
en að fá mér rauðvín í glas upp úr
sex, setja góða tónlist á fóninn og
dunda mér síðan í matargerðinni
í eldhúsinu. Þannig get ég kúplað
mig út úr hraða dagsins. Mér finnst
gaman að bjóða fólki í mat og bæði
konan mín og vinir hafa á mér
mikla matarást,“ segir Guðmundur
en hann er duglegur að gefa vinum
sínum súrdeig. Síðan á hann annað
áhugamál sem er að syngja með
Fjallabræðrum. Hann hefur sungið
með kórnum í sex ár og segir það
mikil forréttindi að vera hluti af
þeim hópi.
Guðmundur er í fjarvinnu þessa
dagana vegna COVID-19. Hann er
þó ekki í sóttkví og getur auðveld-
lega unnið heima. „Ég er heppinn
að geta unnið allt heima, þar sem
gögn sem ég vinn með eru flest raf-
ræn. Það er ágætt að vinna heima
tímabundið, en ég sakna þess að
hitta ekki fólk eða komast á kaffi-
stofuna. Það er þó heppilegt vegna
skerðingar á skólastarfi hjá syni
mínum. Konan mín hefur ekki
tök á að vinna heima,“ segir Guð-
mundur ,sem gefur hér lesendum
uppskrift að æðislegri súrdeigs-
pitsu. Fyrir þá sem vilja spreyta sig
á súrdeiginu þá endilega kíkið á
síðuna hans Guðmundar en slóðin
er hér að framan.
Mest selda
liðbætiefni
á Íslandi
LIÐVERKIR, STIRÐLEIKI
EÐA BRAK Í LIÐUM?
2-3ja
mánaða skammtur í hverju glasi
2 KYNNINGARBLAÐ FÓLK 2 1 . M A R S 2 0 2 0 L AU G A R DAG U R