Fréttablaðið - 21.03.2020, Side 68

Bóas Pálmi Ingólfsson
„Mér finnst skemmtilegast að búa til hreyfimyndir
fyrir YouTube-rásina mína. Ég er búinn að nýta tím-
ann í að setja upp leikjatölvusafnið mitt. Mig langar
mest að bæta Commadore 64 við það núna og eyða
tímanum með hundunum og kisunni minni.“
Margrét Hergils Owensdóttir
„Ég elska að mála og að baka með mömmu minni. Ég
les líka Harry Potter á hverju kvöldi með pabba, við
erum að klára bók númer 6.“
Kristófer Vopni og Viktoría Fanney Óttarsbörn
Kristófer: „Mér finnst skemmtilegast þegar vinir
koma í heimsókn og við leikum í ofurhetjuleik. Og
þegar ég leik í sokkaleik með mömmu og pabba. Það
er eins og skotbolti bara með sokkum svo boltinn
brjóti ekki allt á heimilinu.“
Viktoría: „Mér finnst skemmtilegast að lita og
föndra og allt. Svo finnst mér gaman að fara í
kodda slag við bróður minn. Mér finnst eiginlega allt
skemmtilegt heima.“
Halldóra Ósk og Sigríður Lilja
Saman: „Okkur finnst skemmtilegast að vera í danskennslu í beinni
hjá Brynju Péturs á Instagram. Það er það skemmtilegasta til að gera á
daginn. Annars finnst okkur gaman að lita og leika við kisurnar okkar.“
Baldur Tómas Viktorsson
„Mér finnst mjög gaman að lita, leira, fara í bað með
dót, fara í glímu í rúminu, spila hver er maðurinn og
frúin í Hamborg. Svo finnst mér gaman að skoða
myndbönd um hvernig maður lærir á píanó. Uppá-
haldsleikurinn minn er pakkaleikurinn. Hann er
þannig að maður gefur næsta manni ósýnilegan
pakka og segir til dæmis til hamingju með páskana.
Þá á viðkomandi að opna ósýnilega pakkann og taka
ósýnilegu gjöfina upp og leika það sem er í pakk-
anum. Hinir eiga svo að giska á hvað þetta er.“
BAKARÍIÐ
FRÁ KLUKKAN 09:00 - 12:00
Eva Laufey og Svavar Örn
opna Bakaríið alla laugardagsmorgna.
Það er áhugavert að skoða þessa flóknu
og erfiðu tíma með augum barnanna.
Löngum hefur það tíðkast að fullorðna
fólkið vill helst að börnin séu sem dugleg-
ust að leika sér úti. Nú, í það minnsta tíma-
bundið, er breyting á; það er best að hanga
bara heima. En hvað finnst krökkunum
skemmtilegast að gera heima hjá sér?
Hvað finnst þér
skemmtilegast
að gera heima?
2 1 . M A R S 2 0 2 0 L A U G A R D A G U R38 L Í F I Ð ∙ F R É T T A B L A Ð I Ð
LÍFIÐ