Gríma - 01.09.1938, Qupperneq 24

22 ÞÁTTUR AF BJARNA SÝSLUMANNI Á ÞINOEYRUM
Síra Björn Pétursson á Tjörn á Vatnsnesi kvað
þessa vísu, þegar hann frétti lát Bjarna:
Ærudýri öldungur,
aumum beinagjarni,
Þingeyringur þjóðvitur
þáði dauðann Bjarni.
Út úr skiptum á búi Bjarna urðu miklar deilur og
þras milli erfingjanna. Þarna var miklum auði að
skipta, en erfingjarnir voru ágengir og varð löng
óvild milli þeirra út úr skiptum á reitum Bjarna. —
Erfingjar hans voru þrír; Halldór Vídalín á Reyni-
stað, sonur hans, sem var við uppskrift á búinu, og
svo dætur hans tvær, Ástríður, gift Halldóri Jak-
obssyni sýslumanni á Ströndum, og Þorbjörg, gift
Jóni vicelögmanni Ólafssyni. Sérstaklega er getið
um, að Jón hafi þótzt afskiptur og sakað Halldór
mág sinn um að hafa lagt undir sig peninga og bæk-
ur úr búinu og jafnvel fleira, og ekki var vicelög-
maðurinn orðvarari en svo um mág sinn, að það er
haft eftir honum, að Halldór Vídalín hafi keypt fyrir
stolna peninga. Margt fleira er skrifað um erjur þær.
er urðu milli erfingjanna, en ekki er vert að rifja
það upp hér, enda margt af því svo ómerkilegt, að
það getur varla náð nokkrum sanni. —
Þá skal getið lítið eitt barna Bjarna Halldóssonar
á Þingeyrum, þeirra er upp komust.
Halldór Vídalín kvæntist Ragnheiði Einarsdóttur
frá Söndum í Miðfirði, ágætiskonu, gáfaðri og skör-
ungi mesta. Halldór bað hennar þrásinnis, en hún
neitaði honum jafnoft. Bjarna var áhugamál, að Hall-
dór fengi Ragnheiðar, og fékk hann vin sinn, Markús
Pálsson, er síðar varð prestur á Auðkúlu, til þess að